Paul Pietsch

Paul Pietsch
	;
Biografía
Nacemento	20 de xuño de 1911 ; Friburgo, Alemaña
Morte	31 de maio de 2012 (100 anos); Titisee-Neustadt, Alemaña
Datos persoais
País de nacionalidade	Alemaña
Actividade
Lugar de traballo	Stuttgart
Ocupación	piloto de Fórmula Un , redactor xefe , editor
Lingua	Lingua alemá
Deporte	automobilismo
Traxectoria
Familia
Fillos	Peter-Paul Pietsch (en)

Paul Pietsch nado en Friburgo o 20 de xuño de 1911^[1] e finado en Titisee-Neustadt o 31 de maio de 2012 foi un piloto, xornalista e editor alemán, fundador da revista Das Auto.^[2]

Traxectoria

Comezou a súa carreira de piloto en 1932 cun Bugatti e un Alfa Romeo privados. Competindo cun Alfa Romeo, gañou a carreira sobre xeo III Svenska Isloppet GP de 1933 en Hemfjärden, e a carreira I Vallentunaloppet sobre xeo en Vellentunasjön de 1934, ambas en Suecia.

No Gran Premio de Alemaña de 1935 correu para Auto Union, e rematou en terceiro lugar no Gran Premio de Italia de 1935 antes de deixar o equipo cos seus motores traseiros de difícil manexo. De 1937 en diante participou cun Maserati privado. Os seus mellores momentos foron no Gran Premio de Alemaña de 1939 que liderou desde a segunda volta ata que fallou a ignición, facéndoo caer ao terceiro posto, que aínda así foi un excelente resultado para un privado contra a forza dominante das frechas de prata.

Despois da guerra, participou en tres Grandes Premios do Campionato Mundial, debutando o 3 de setembro de 1950. Pilotou un Alfa Romeo oficial no Gran Premio de Alemaña de 1951 que terminou cun accidente. Non logrou puntos de campionato.

Nese momento, Pietsch foi xa era un editor de éxito de revistas de motos e automóbiles. A súa empresa, Motor Presse Stuttgart, é a máis grande do mercado europeo de revistas de tecnoloxía e temas especializados.

Desde a morte do seu compatriota Karl Kling en 2003 ata a súa propia morte, Pietsch foi o máis antigo piloto de Fórmula Un vivo.^[2] Cunha idade de 100 anos^[3] foi o último piloto supervivente da era pre-guerra dos grandes premios. O seu fillo Peter-Paul Pietsch corre moitas veces en carreiras en Nürburgring con compañeiros xornalistas.

O 31 de maio de 2012, Pietsch morreu de pneumonía^[4] a idade de 100 anos, 11 meses e 11 días^[1] Pietsch foi tamén o primeiro piloto que participou nun Gran Premio que chegou aos 100 anos.^[1]

Rexistro de carreiras

Resultados completos no campionato de Europa

(clave) (Carreiras en letra grosa indican pole position) (Carreiras en italica indican volta rápida)

Ano	Equipo	Chasis	Motor	1	2	3	4	5	6	7	Pos.	Pts
1932	Pilesi Racing Team	Bugatti T35B	Bugatti 2.3 L8	ITA	FRA	ALE Ret					22º	23
1935	Auto Union AG	Auto Union B	Auto Union 5.0 V16	MON	FRA	BEL	ALE 9	SUI 11^[5]	ITA 3	ESP NTS	15º	47
1937	P. Pietsch	Maserati 6C-34	Maserati 3.7 L6	BEL	ALE Ret	MON NTS	SUI 10	ITA			17º	35
1938	P. Pietsch	Maserati 6CM	Maserati 1.5 L6	FRA	ALE 6	SUI	ITA				14º	28
1939	Officine A. Maserati	Maserati 8CTF	Maserati 3.0 L8	BEL	FRA	ALE 3					14º	26
1939	P. Pietsch	Maserati 4CL	Maserati 1.5 L4				SUI Ret				14º	26
Fonte:^[6]

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	Pos.
1950	Paul Pietsch	Maserati 4CLT/48	Maserati 4CLT 1.5 L4 s	GBR	MON	500	SUI	BEL	FRA	ITA Ret		NC
1951	Alfa Romeo SpA	Alfa Romeo 159	Alfa Romeo 158 1.5 L8s	SUI	500	BEL	FRA	GBR	ALE Ret	ITA	ESP	NC
1952	Motor Presse Verlag	Veritas Meteor	Veritas 2.0 L6	SUI	500	BEL	FRA	GBR	ALE Ret	NED	ITA	NC

Notas

Véxase tamén

[1]

[2]

[3]

[4]

[5]

[6]

Search