1990

W Serbach

• 15. januara: Jan Malink wobdźěli so jako serbski zastupnik prěni króć na wuradźowanju Kulojteho blida NDR.
• 02. februara: W Choćebuskej Serbskej rozšěrjenej wyšej šuli „Marjana Domaškojc“ zeńdźe so prěni raz Serbska narodna zhromadźizna Delnjeje Łužicy. Něhdźe 50 Serbow je přitomnych.
• 06. februara: Při Radworskej wosadnej cyrkwi bu k česći Alojsa Andrickeho šesty zwón poswjećeny.
• 17. měrca: Na nimorjadnej hłownej zhromadźiznje Domowiny bu Bjarnat Cyž z 302 hłosomaj za noweho předsydu woleny. Přećiwny kandidat Jan Malink, čłon Serbskeje narodneje zhromadźizny, dósta 233 hłosow. Jako městopředsydy wuzwolichu so Jurij Grós, Marko Hendrich a Harald Końcak.
• 24. meje: Na kongresu Federalistiskeje unije europskich ludowych skupin (FUEN) přiwza so Domowina do tuteje organizacije.
• 31. meje: W Berlinje załoži so Towarstwo za spěchowanje Serbskeho kulturneho a informaciskeho centruma z předsydu Witom Meškankom.
• 11. oktobra: W Budyšinje wožiwi so Maćica Serbska z nowym předsydu Gerhardom Wirthom.
• 24. nowembra: W Budyšinje wotměje so pod nawodom Měrka Šołty 116. schadźowanka.
• 15. decembra: Załoženje Zwjazka serbskich wuměłcow z prezidentom Simonom Brězanom.

Druhdźe

• 18. měrca: W Němskej demokratiskej republice wotměja so prěnje swobodne wólby k Ludowej komorje. Do poslednjeho parlamenta NDR zaćahnychu tež Serbja Marja Michałkowa, Ludwig Nowak, Stanisław Tilich (wšitcy CDU), Jurij Čornak, Werner Maruš (wobaj DBD) a Jurij Grós (PDS).
• 19. junija: Němska, Francoska, Belgiska, Nižozemska a Luxemburgska podpisuja Schengenske zrěčenje wo wotstronjenju stajnych hraničnych kontrolow.
• 02. awgusta: Irakske wójsko nadpadnje susodny Kuwait dla rozestajenja wo wolijowišćo při hranicy. Z tym započnje so Druha Golfowa wójna.
• 03. oktobra: Zasozjednoćenje Němskeje: nowe zwjazkowe kraje na teritoriju NDR přistupja Zwjazkowej republice, na čož so z Dnjom němskeje jednoty kóždolětnje wopomina.
• 22. nowembra: Mikroneziska bu njewotwisna wot Zjednoćenych statow.
• 02. decembra: Při wólbach k dwanatemu Zwjazkowemu sejmej Němskeje dóstanje CDU/CSU 43,8 %, SPD 33,5 %, FDP 11,0 % a Zeleni 3,8 %. To běchu prěnje cyłoněmske wólby po Druhej swětowej wójnje. Čorno-žołte knježerstwo pod Helmutom Kohlom wostanje w zastojnstwje, Zeleni dyrbja zwjazkowy sejm wopušćić. PDS (2,4 %) a Zwjazk 90 (1,2 %) docpějetej we wuchodźe dosć hłosow, tak zo móžetej do sejma zaćahnyć.

• 04. januara: Toni Kroos – němski kopar
• 31. januara: Cro – němski rapper
• 18. měrca: Wilson Gonzalez Ochsenknecht – němski filmowy hrajer
• 12. apryla: Marco Böhme – sakski politikar Lěwicy
• 15. apryla: Emma Watson – britiska filmowa hrajerka a model
• 02. julija: Roman Lob – němski spěwar
• 15. awgusta: Jennifer Lawrence – US-ameriska filmowa hrajerka
• 06. nowembra: André Schürrle – němski kopar
• 30. nowembra: Magnus Carlsen – norwegski šachownik
• 09. decembra: LaFee – němska popowa spěwarka

• 07. januara: Erika Rjedźic – serbska dźiwadźelnica (* 1927)
• 19. januara: Herbert Wehner – němski socialdemokratiski politikar (* 1906)
• 25. januara: Ava Gardner – US-ameriska filmowa hrajerka (* 1922)
• 24. februara: Ivan Smoler – serbsko-čěski chemikar a narodny prócowar (* 1901)
• 03. apryla: Sarah Vaughan – US-ameriska jazzowa spěwarka (* 1924)
• 12. apryla: Luis Trenker – južnotirolski architekt, krosnowar, filmowy hrajer, režiser a spisowaćel (* 1892)
• 15. apryla: Greta Garbo – šwedska filmowa hrajerka (* 1905)
• 20. apryla: Horst Sindermann – němski politikar a prezident Ludoweje komory NDR (* 1915)
• 14. meje: Pawoł Kmjeć – serbski ludowy wuměłc a awtor dźiwadłowych hrow (* 1916)
• 16. meje: Sammy Davis Junior – US-ameriski spěwar, rejowar a filmowy hrajer (* 1925)
• 06. julija: Měrćin Nowak-Njechorński – serbski moler, grafikar, publicist a spisowaćel (* 1900)

• 09. julija: Frido Mětšk – serbski stawiznar, spisowaćel, přełožowar a wudawaćel (* 1916)
• 29. julija: Bruno Kreisky – awstriski politikar a zwjazkowy kancler (* 1911)
• 15. awgusta: Wiktor Robjertowič Coj – ruski spěwar (* 1962)
• 27. awgusta: Stevie Ray Vaughan – US-ameriski bluesowy hudźbnik (* 1954)
• 09. septembra: Samuel K. Doe – liberiski prezident (* 1951)
• 18. septembra: Jan Brankačk – serbski stawiznar (* 1930)
• 30. septembra: Rudolf Jahn – ministerski prezident Braniborskeje wot 1949 do 1952 (* 1906)
• 30. septembra: Patrick White – awstralski spisowaćel, nošer Nobeloweho myta (* 1912)
• 13. oktobra: Lê Đức Thọ – vietnamski politikar (* 1911)
• 14. oktobra: Leonard Bernstein – US-ameriski komponist a dirigent (* 1918)

• 19. oktobra: Hanka Krawcec – serbska grafikarka (* 1901)
• 11. nowembra: Giannis Ritsos – grjekski spisowaćel (* 1909)
• 21. nowembra: Alfons Hrjehor – serbski dirigent a hudźbny spěchowar (* 1932)
• 23. nowembra: Roald Dahl – waliziski spisowaćel (* 1916)
• 14. decembra: Friedrich Dürrenmatt – šwicarski spisowaćel, dramatikar a moler (* 1921)

• Nobelowe myto
  • za fyziku: Jerome I. Friedman, Henry W. Kendall a Richard E. Taylor
  • za chemiju: Elias James Corey Jr.
  • za medicinu: Joseph E. Murray a E. Donnall Thomas
  • za literaturu: Octavio Paz
  • Měrowe Nobelowe myto: Michail Gorbačow
  • za hospodarsku wědomosć: Harry M. Markowitz, Merton H. Miller a William F. Sharpe
• Myto Ćišinskeho
  • I. rjadownje: Kito Lorenc, Měrćin Salowski
  • II. rjadownje: Bohumila Šretrová; Křesćan Bart, Jan Mahr a Měrćin Słodeńk (w kolektiwje); Hana Tilichowa, Lotar Balko a Maks Donat (w kolektiwje)

• Kulturna stolica Europy: Glasgow