Pennsylvania

Pennsylvania ( [ˌpɛnsɪlˈveɪ̯nɪə̯]a a) je US-ameriski zwjazkowy stat, kotryž leži na sewjerowuchodźe kraja, mjez New Yorkom a Wulkimi jězorami. Ma něhdźe 13 milionow wobydlerjow na 119.000 km² a je tuž po ludnosći šesty najwjetši zwjazkowy stat a po přestrjeni kusk wjetša hač Bołharska. Stolica je Harrisburg z 50.000 wobydlerjemi, z wulkim wotstawkom najwjetše město pak Philadelphia (1.500.000 wob.).

Pennsylvania

hesło: Virtue, Liberty and Independence („Pócćiwosć, swoboda a njewotwisnosć“)
přimjeno: Keystone State
Zakładne daty
stolica	Harrisburg
přestrjeń	119.283 km²
wobydlerstwo	12.802.503 (1. jul 2015)[1]
hustosć	107 wob. na km²
časowe pasmo	UTC–5 (EST)
Politika
guwerner	Tom Wolf (Dem.)
přistup do unije	12. decembra 1787
Přehladna karta zwjazkoweho stata
p • d • w

Stat mjezuje z New Yorkom na sewjeru, New Jerseyjom na wuchodźe, z Delawarom a Marylandom na juhu, z West Virginiju na juhozapadźe a z Ohiom na zapadźe. Na sewjerozapadźe nadeńdźe so město Erie při Erieskim jězoru, kiž twori kanadisku hranicu. Najwjetša rěka je Susquehanna River. Najwyše hory nadeńdu so w Appalachach.

Pennsylvania ratificěrowa dnja 12. decembra 1787 wustawu Zjednoćenych statow a słuša k třinaće załožerskim statam.

W lěće 2007 mějachu 90,1 % wobydlerstwa jendźelšćinu za maćeršćinu a 4,1 % španišćinu. Němsce rěčachu 0,57 %, Pennsylvanisku němčinu (Pennsylvania Dutch) 0,4 %. Oficielnje nima Pennsylvania žanu hamtsku rěč. 25 % wobydlerstwa maja němskich prjedownikow, 16 % irskich, 12 % italskich a jenož 7 % jendźelskich.

• 
  Lackawanna State Forest
• 
  Kapitol zwjazkoweho stata
• 
  Philadelphia
• 
  Nalěpk w němskim dialekće Pennsylvanije (Rěčimy hišće maćeršćinu)
• 
  Amish people su zwjetša hišće jara tradicionelnje žiwi a rěča šwabski dialekt