New Jersey
New Jersey ( [nuːˈdʒɝzi] ) je US-ameriski zwjazkowy stat, kotryž leži při Atlantiskim pobrjoze na wuchodźe kraja, juhozapadnje New Yorka. Ma něhdźe dźewjeć milionow wobydlerjow na 22.600 km², je tuž po přestrjeni štwórty najmjeńši zwjazkowy stat a ma najwyšu hustosć zasydlenja (někak 400 wobydlerjow na km²). Stolica je Trenton z 85.000 wobydlerjemi, najwjetše město pak Newark z někak 280.000 wobydlerjemi.
hesło: Liberty and Prosperity („Swoboda a derjeměće“) | |
Zakładne daty | |
---|---|
stolica | Trenton |
přestrjeń | 22.588 km² |
wobydlerstwo | 8.958.013 (1. jul 2015)[1] |
hustosć | 397 wob. na km² |
časowe pasmo | UTC–5 (EST) |
Politika | |
guwerner | Chris Christie (Rep.) |
přistup do unije | 18. decembra 1787 |
Přehladna karta zwjazkoweho stata | |
Stat mjezuje z New Yorkom na sewjeru, z Delaware na juhu a z Pennsylvaniju na zapadźe. Na wuchodźe twori pobrjóh Atlantiskeho oceana přirodnu hranicu. Při juhozapadnej hranicy běži Delaware River jako najwuznamniša rěka.
Na teritoriju dźensnišeho stata załožichu so w 17. lětstotku prěnje europske sydlišća wot Nižozemjanow a Šwedow. Pozdźichu zasydlichu so Jendźelčenjo a pomjenowachu teritorij po kanalowej kupje Jersey. New Jersey přiwza so dnja 18. decembra 1787 jako třeći ze załoženskich statow do unije a ma přimjeno The Garden State („Zahrodny stat“).
Něhdźe 69 % wobydlerstwa ma jendźelšćinu jako maćeršćinu a 16 % španišćinu.
- Při rěce Delaware River w Appalachach
- Wodopad při Passaic River
- Jersey City
- Atlantic City při pobrjoze oceana
- Statny kapitol w Trentonje
Žórła
Wotkazaj
- Oficielne webstrony (jendź.)
Alabama |Alaska |Arizona |Arkansas |Colorado |Connecticut |Delaware |Florida |Georgia |Hawaii |Idaho |Illinois |Indiana |Iowa |Kaliforniska |Kansas |Kentucky |Louisiana |Maine |Maryland |Massachusetts |Michigan |Minnesota |Mississippi |Missouri |Montana |Nebraska |Nevada |New Hampshire |New Jersey |New Mexico |New York |North Carolina |North Dakota |Ohio |Oklahoma |Oregon |Pennsylvania |Rhode Island |South Carolina |South Dakota |Tennessee |Texas |Utah |Vermont |Virginia |Washington |West Virginia |Wisconsin |Wyoming
Zwjazkowy distrikt
Wonkowne teritorije
Ameriska Samoa |Knježniske kupy |Bakerowa kupa |Guam |Howlandowa kupa |Jarvisowa kupa |Johnstonowa kupa |Kingmanowy riff |Midwayske kupy |Navassa |Sewjerne Mariany |Palmyra |Puerto Rico |Wake