Պամիր

Պամիր
Տեսակ	լեռնաշղթա
Երկիր	Ղրղզստան, Տաջիկստան, Չինաստան, Աֆղանստան, Հնդկաստան և Պակիստան
Մասն է	Ալպ-Հիմալայան գեոսինկլինալ
Բարձրություն (ԲԾՄ)	7649 մետր
Երկարություն	500 կմ
Մակերես	120 000 կմ²
Մեծագույն գագաթ	Կոնգուր

Պամիր ( չինարեն հեշտ. 帕米尔 , պինին: Pàmǐ'ěr, պարս.՝ پامیر, տաջ.՝ Պամիր) Կենտրոնական Ասիայի հարավում և Հիմալայան լեռների հյուսիսում ձգվող լեռնաշղթա է^{[к. 1]}^[1], որն անցնում է Չինաստանով, Աֆանստանով և Պակիստանով։ Պամիրը գտնվում է Կենտրոնական Ասիայի այլ հզոր լեռնային համակարգերի հարևանությամբ՝ Հինդուկուշ, Կարակորումի, Կունլունի և Տյան Շանի^{[к. 2]}։

Լեռնագրություն

Կոնգուրի պիկը (բարձրությունը 7649 մ) Պամիրի ամենաբարձր գագաթն է, գտնվում է Չինաստանի տարածքում։
Իսմոիլ Սոմոնի պիկը (նախկինում Կոմունիզմի պիկ) (բարձրությունը 7495 մ) նախկին ԽՍՀՄ—ի ամենաբարձր գագաթն է, որը հայտնաբերել են ռուս լեռնագնացները 1880 թվականին^[2]։ 1932 թվականին այն անվանեցին Ստալինի պիկ, 1962 թվականին անվանափոխվեց Կոմունիզմի պիկ, 1998 թվականին վերանվանվեց Իսմաիլ Սոմոնի պիկ։
Լենինի պիկի (Աբու Ալի իբն Սինի պիկ) բարձրությունը 7134 մ է, հայտնաբերվել է 1871 թվականին, նախկինում անվանել են Քաուֆմանի պիկ, 1928 թվականին անվանափոխվեց Լենինի պիկ, 2006 թվականին անվանափոխվեց Աբու Ալի Իբն Սինի պիկ^[3]։
Կորժենևի պիկի բարձրությունը 7105 մ է, հայտնաբերվել է 1910 թվականին, ի պատիվ ռուս աշխարհագետ Ն. Լ. Կորժենևսկու, անվանեցին նրա կնոջ անունով՝ Եվգենի Կորժենևսկի։