Marlene Dietrich
Ni Marlene Dietrich (Panangibalikas nga Aleman: [maɐˈleːnə ˈdiːtʁɪç]; 27 Disiembre 1901 – 6 Mayo 1992)[2] ket maysa idi nga Aleman-Amerikano nga aktres ken kumakanta.
| Marlene Dietrich | |
|---|---|
_(Cropped).png) Ni Marlene Dietrich, edad 49 (idi 1951) | |
| Nayanak | Marie Magdalene Dietrich 27 Disiembre 1901 Schöneberg, Aleman nga Imperio |
| Natay | 6 Mayo 1992 (tawen 90) Paris, Pransia |
| Trabaho | Aktres/Kumakanta |
| Tawen nga aktibo | 1919-1984 |
| A(s)sawa | Rudolf Sieber (m.1923-1976; idi pimmusay) |
| Annak | Maria Riva, naipasngay idi 13 Disiembre 1924 |
| Kakabagian | John Michael Riva (apo a lalaki), (1948-2012)[1] |
| Website | www |
Ni Dietrich ket nagtultuloy a nadayeg ti kadagupan nga atiddog a karerna babaen ti panagtultuloy a ti kinabukbokudanna a panagparnuay, iti propesion ken pannakailaslasin. Idiay Berlin idi tawtawen ti 1920, isu ket nagtigtignay iti entablado ken dagiti naulimek a pelikula. Ti panagibpabpabuyana akas ni "Lola-Lola" iti Ti Asul nga Anghel, nga inmatonan babaen ni Josef von Sternberg, ket nangiyeg daytoy kaniana iti pammadayaw ken nakaited kaniana iti kontrato iti Paramount Pictures idiay Estados Unidos. Dagiti pelikula ti Hollywood a kas ti Shanghai Express ken Desire ket nangipuonan dagitoy ti kalibnosna ken dagiti naisalsalumina a langana, a daytoy ti nangipatibker ti kinadayegna ken nakaaramid kaniana kadagiti kangatuan ti matgedan nga aktres ti dayta a panawen. Ni Dietrich ket nagbalin nga umili ti Estados Unidos idi 1939,[3] ken ti kadagupan ti Sangalubongan a Gubat II isu ket maysa a nadayeg managliwlia kadagiti sanguanan ti gubat. Urayno isu ket sagpaminsan pay a naga-raramid kadagiti pelikula kalpasan dagiti tawen ti gubat, ni Dietrich ket kaaduan a nagbanbaniaga iti lubong a kas maysa naballigian nga agpabpabuya.
Idi 1999, ti Instituto ti Amerikano a Pelikula ket nanginagan kenni Dietrich ti maikasiam a-kalatakan nga aktres iti amin a panawen.
Kinaubing
Ni Marie Magdalene Dietrich ket naipasngay idi Disiembre 27 1901 idiay Leberstrasse 65 idiay Rote Insel iti Schöneberg, nga itan ket distrito ti Berlin, Alemania. Isuna idi ti kaubingan kadagiti dua nga anak a babai (ti kabsatna a babai a ni Elisabeth ket nabakbaket iti maysa a tawen) ni Louis Erich Otto Dietrich ken ni Wilhelmina Elisabeth Josephine (née Felsing), a nagassawa idi Disiembre 1898. Ti ina ni Dietrich ket nagtaud iti nabaknang a pamilia idiay Berlin a nagtagikua ti pabrika ti pagaramidan ti pagorasan ken ti amana ket maysa idi a teniente iti polis. Ti amana ket pimmusay idi 1907.[4] Ti gayyemna a ni, Eduard von Losch, ti maysa nga aristokrata nga umuna a teniente dagiti Granadero, ket inaremna ni Wilhelmina ken kanungpalan nga inasawana idi 1916, ngem nabiit met a pimmusay a kas nagbanagan kadagiti sugat idi las-ud ti Umuna a Sangalubongan a Gubat.[5] Ni Eduard von Losch ket saan nga opisial a nangampon kadagiti Dietrich nga ubbing, isu a ti apelyido ni Dietrich ket saan idi a von Losch, a kas dagiti masansan a naitunton. Isuna ket nabirngasan ti "Lena" ken "Lene" (naibalikas iti Lay-neh) iti uneg ti pamiliana. Idi agtawen iti 11, isu ket nakaala kadagiti dua nga immuna a naganna tapno mangporma ti "Marlene".
Ni Dietrich nagbasa idiay eskuela ti babbai ti Auguste-Viktoria manipud idi 1907–1917[6] ken nagturpos manipud idiay Victoria-Luise-Schule (tattan ket ti Goethe-Gymnasium Berlin-Wilmersdorf) ti simmaruno a tawen.[7] Isu ket nagadal iti biolin[8] ken nagbalin a nagay-ayat iti teatro ken dandaniw a kas maysa a balasang. Dagiti tagtagainepna nga agbalin a konsierto a biolinista ket napaay idi nasugatan ti ngulayngulayna,[9] ngem babaen idi 1922 isu ket nagtrabtrabaho a kas maysa a biolinista iti maysa a banda a mangkuykuyog kadagiti naulimek a pelikula iti sinema idiay Berlin ken daytoy idi ti immuna a trabahona ken nakaikkatanna met laeng kalpasan ti uppat a lawas.[10]
Nasapa a pagsapulan
Ti kasapaan idi a propesional a panagparangna iti entablado ket kas ti koro a babai iti panagbanniaga a panagbapuya iti Girl-Kabarett ni Guido Thielscher, dagiti paglinglingayan iti estilo iti bodebil, ken dagiti rebista ni Rudolf Nelson idiay Berlin.[12] Idi 1922, ni Dietrich ket nagballigi a nag-audision para iti teatrikal a direktor ken impresario ti drama ti akademia ni Max Reinhardt;[13] nupay kasta, isu ket nagtrabtrabaho a kas koro a babai ken nagtigtignay kadagiti bassit a papel kadagiti drama, ken awan ti immuna a naisangayan a pannakaikaskaso kaniana. Isu ket immuna a nagpapel bassit iti pelikula iti pelikula ti, Ti Bassit a Napoleon idi 1923.[14]
Naamuanna ti masakbayan nga asawana a ni Rudolf Sieber, iti lugar ti pagaramidan iti pelikula iti sabali a pelikula iti dayta a tawen, ti Tragödie der Liebe. Ni Dietrich ken ni Sieber ket nagassawada iti sibil a seremonia idiay Berlin idi 17 Mayo 1923.[15] Ti bugtbugtong nga anakana ket ti anakana babai a ni Maria Elisabeth Sieber, ket naipasngay idi 13 Disiembre 1924.[16]
Ni Dietrich ket nagtultuloy a nagtrabtrabaho iti enteblado ken iti pelikula idiay Berlin ken idiay Vienna kadagiti amin a paset ti tawen ti 1920. Iti entablado, isu ket addaan idi kadagiti nadumaduma a kinapangruna iti papel ti Pandora's Box ni Frank Wedekind ,[17] ti The Taming of the Shrew ni William Shakespeare[17] ken ti A Midsummer Night's Dream[18] ken ti pay Back to Methuselah ni George Bernard Shaw[19] ken ti Misalliance.[20] Daytoy idi ket dagiti musikal ken dagiti rebista, a kas ti Broadway, Es Liegt in der Luft, ken Zwei Krawatten, nupay kasta, ket isu dagitoy ti nakaawisanna kadagiti adu a pannakaikaskaso. Babaen dagidi naladaw a tawen ti 1920, ni Dietrich ket nagtigtignay pay kadagiti adu a parte iti iskrin, a mairaman ti Café Elektric idi 1927, ti Ich küsse Ihre Hand, Madame idi 1928 ken ti Das Schiff der verlorenen Menschen idi 1929.[21]
Dagiti nota
Dagiti nagibasaran
- Bach, Steven (1992). Marlene Dietrich: Biag ken Salaysay. Doubleday. ISBN 0-385-42553-8.
- Riva, Maria (1994). Marlene Dietrich. Ballantine Books. ISBN 0-345-38645-0.
- Riva, David J. (2006). Ti Babai a Nakigubgubat: Naipammalagipan ni Marlene Dietrich. Estado nga Unibersidad ti Wayne. ISBN 0-8143-3249-8.
- Spoto, Donald (1992). Asul nga Anghel: Ti Biag ni Marlene Dietrich. William Morrow and Company, Inc. ISBN 0-688-07119-8.
- Morley, Sheridan (1978). Marlene Dietrich. Sphere Books. ISBN 0-7221-6163-8.
- Carr, Larry (1970). Uppat a Paspasaw a Ruprupa:Ti Ebolusion ken Panagbalbaliw ni Swanson, Garbo, Crawford ken Dietrich. Doubleday and Company. ISBN 0-87000-108-6.
- Walker, Alexander (1984). Dietrich. Harper & Row. ISBN 0-060-15319-9.
Dagiti akinruar a silpo
Dagiti midia a mainaig ken ni Marlene Dietrich iti Wikimedia Commons- Opisial a website
- Marlene Dietrich iti Internet Broadway Database (iti Ingles)
- Marlene Dietrich iti Internet Movie Database (iti Ingles)
