Stade Chaban-Delmas

	Stade Chaban-Delmas
	Binnekant van die Stade Chaban-Delmas
Bynaam	Lescure
Volle naam	Stade Jacques Chaban-Delmas
Ligging	Bordeaux, Frankryk
Koördinate	44°49′45″N 0°35′52″W / 44.82917°N 0.59778°W 0°35′52″W / 44.82917°N 0.59778°W
Eienaar	Stad Bordeaux
Kapasiteit	34 694
Oppervlak	Gras
Konstruksie
Gebou	1930
Geopen	12 Junie 1938
Renovasie	1938, 1987, 1998, 2008
Uitgebrei	1935
Argitek	René Buthaud; Jacques d'Welles; Raoul Jourde
Huurders
	FC Girondins de Bordeaux (1938–2015); Union Bordeaux Bègles (2011–hede)

Die Stade Chaban-Delmas is 'n stadion in die Suidwes-Franse metropool Bordeaux wat tussen 1938 en 2015 veral as tuisveld vir die plaaslike sokkerspan Girondins des Bordeaux gedien het en sedert 2011 die rugbyspan Union Bordeaux Bègles huisves. Die stadion se naam is in 2001 gewysig; dit het vroeër bekend gestaan as Stade du Parc Lescure en dra tans die naam van die politikus Jacques Chaban-Delmas wat in die periode tussen 1947 en 1995 die amp van burgemeester van Bordeaux beklee het.

Die aantal sitplekke is by die voorskrifte van internasionale wedstryde soos die FIFA Sokker-Wêreldbekertoernooi in 1998 aangepas en beloop tans 34 694. Sedert die somer van 2007 beskik die stadion oor twee reuseskerms met 'n oppervlak van 37 vierkante meter elk wat ter geleentheid van die Rugbywêreldbeker 2007 geïnstalleer is.

Die stadion is in 1935 in die vorm van 'n fietssportstadium (Frans: stade vélodrome) opgerig, en in 1938 is wedstryde van die FIFA Sokker-Wêreldbekertoernooi hier gehou. Dit was die eerste stadion ter wêreld wat oor volledig oordekte tribunes beskik het sonder enige pilaar wat die sig van die toeskouers belemmer het. Vanweë sy klassifisering as 'n historiese monument moet 'n aantal probleme by die stadion se herstel oorkom word. Die stadiondak beskerm nog die sitplekke wat ná die jaar 1984 op die ou fietsrenbaan opgerig is, nog die voormalige draaie.

Die tonnel wat die spelers se kleedkamers met die speelveld verbind, is met byna 120 meter die langste in Europa.

Op 19 Julie 2011 het die FC Girondins de Bordeaux sy plane bekend gemaak om 'n nuwe stadion opterig, geleë in Bordeaux-Lac en met plek vir 42 114 toeskouers. Die konstruksie aan die Nouveau Stade de Bordeaux het in 2013 begin en in April 2015 geëindig.

Wedstrydewysig bron

FIFA Sokker-Wêreldbekertoernooi in 1938wysig bron

Die hoofartikel vir hierdie afdeling is: FIFA Sokker-Wêreldbekertoernooi in 1938.

Datum	Tyd	Span 1	Telling	Span 2	Rondte	Toeskouers
12 Junie 1938	17:00	Brasilië	1–1 (e.t.)	Tsjeggo-Slowakye	Kwarteindrondte	22 021
14 Junie 1938	18:00	Brasilië	2–1	Tsjeggo-Slowakye	Herhaling	18 141
19 Junie 1938	17:00	Swede	2–4	Brasilië	Klein finale	12 000

FIFA Sokker-Wêreldbekertoernooi in 1998wysig bron

Die hoofartikel vir hierdie afdeling is: FIFA Sokker-Wêreldbekertoernooi in 1998.

Datum	Tyd	Span 1	Telling	Span 2	Rondte	Toeskouers
11 Junie 1998	17:30	Italië	2–2	Chili	Groep B	31 800
16 Junie 1998	17:30	Skotland	1–1	Noorweë	Groep A	31 800
20 Junie 1998	17:30	België	2–2	Meksiko	Groep E	31 800
24 Junie 1998	16:00	Suid-Afrika	2–2	Saoedi-Arabië	Groep C	31 800
26 Junie 1998	16:00	Argentinië	1–0	Kroasië	Groep H	31 800
30 Junie 1998	16:30	Roemenië	0–1	Kroasië	Agtste eindrondte	31 800

Rugbywêreldbeker 1999wysig bron

Die hoofartikel vir hierdie afdeling is: Rugbywêreldbeker 1999.

Datum	Tyd	Span 1	Telling	Span 2	Rondte	Toeskouers
8 Oktober 1999	21:00	Frankryk	47–13	Namibië	Groep C	34 030
9 Oktober 1999	13:30	Fidji	38–22	Kanada	Groep C	27 000

Rugbywêreldbeker 2007wysig bron

Die hoofartikel vir hierdie afdeling is: Rugbywêreldbeker 2007.

Datum	Tyd	Span 1	Telling	Span 2	Rondte	Toeskouers
9 September 2007	20:00	Ierland	32–17	Namibië	Groep D	33 694
15 September 2007	21:00	Ierland	14–10	Georgië	Groep D	33 807
25 September 2007	18:00	Kanada	12–12	Japan	Groep B	33 810
29 September 2007	15:00	Australië	37–6	Kanada	Groep B	35 200

Eksterne skakelswysig bron

Wikimedia Commons het meer media in die kategorie Stade Chaban-Delmas.