Praza de Lugo (A Coruña)

8°24′23″O / 43.366266666667, -8.4063694444444

A praza de Lugo é un espazo público da cidade da Coruña, situado entre a praza de Pontevedra e a praza de Ourense, no Ensanche coruñés. O lugar está adicado principalmente ao comercio e o lecer.

A praza deseñouse no plan do Primeiro Ensanche (1885) proxectado por Juan de Ciórraga^[1] e no centro da praza hai un mercado con máis de 150 postos e centro comercial.^[2]

Descricióneditar a fonte

A praza é de sección rectangular con 120 metros por 50 metros e está rodeada de catro rúas, unha delas peonil e as outras tres de sentido único de circulación. A maior parte da superficie da praza está ocupada polo mercado Eusebio da Guarda no cal está o único FNAC de Galiza. Nos últimos anos na zona abriron establecementos principalmente de roupa e complementos, converténdoa nunha das principais áreas comerciais da Coruña.^[3]

Na praza hai edificios modernistas de arquitectos como Julio Galán Carvajal ou Antonio López Hernández.^[4]

Mercadoeditar a fonte

O mercado orixinal que había na praza foi inaugurado o 9 de abril de 1910. A obra foi pagada en boa parte polo filántropo coruñés Eusebio da Guarda (que lle deu nome) quen deixou no seu testamento de 35 000 a 40 000 pesos tendo o concello que poñer o soar.^[5] O segundo mercado foi inaugurado en 1958 e derrubado en 2003 para inaugurar o novo en xullo de 2006.^[6]

Galería de imaxeseditar a fonte

• 
  Nº 1, de Faustino Domínguez Coumes-Gay (1889)
• 
  Nº 2-3 – Igrexa de Santa Lucía (Manuel Hernández y Álvarez Reyero, 1898-1912)^[7]
• 
  Nº 4-5-6 – Casa Tejero, de Antonio de Mesa (1918)
• 
  Nº 7-8, de Pedro Mariño (1925)
• 
  Nº 9, de Pedro Mariño (1925)
• 
  Nº 10 e 11-12 – Casa Reboredo (Juan de Ciórraga, 1898, 1905-30)
• 
  Nº 13 – Casa Arambillet (Antonio López Hernández, 1912)
• 
  Rúa de Betanzos nº 1, de Juan de Ciórraga (1900)
• 
  Rúa de Teresa Herrera nº 2-4 – Casa Ameixeiras, de Eduardo Rodríguez-Losada Rebellón (1925)
• 
  Rúa de Fonseca nº 7, de Leoncio Bescansa (1930)
• 
  Nº 17, de Antonio López Hernández (1912)
• 
  Nº 18-19, de Pedro Mariño (1927-1928)
• 
  Nº 20 – Casa d’Ortega, de Antonio Tenreiro e Peregrín Estellés (1934)
• 
  Nº 21 (1900-1945)
• 
  Nº 22, de Julio Galán Carvajal (1910-1911)
• 
  Nº 25-27 – Casa Viturro (Julio Galán Carvajal, 1910)

Notaseditar a fonte

Véxase taméneditar a fonte

Bibliografíaeditar a fonte

• García López, Alfonso (2009). Calles con historia (en castelán). A Coruña: Espacio Cultura. ISBN 978-84-938089-1-4.