Kristen Bell

Kristen Anne Bell (f. 18. júlí 1980) er bandarísk leikkona. Árið 2001 kom hún fyrst fram á Broadway sem Becky Thatcher í Ævintýrum Tom Sawyer. Eftir að hafa flutt til Los Angeles landaði Bell fjölmörgum gestahlutverkum í sjónvarpsþáttum og litlum kvikmyndum áður en hún lék aðalhlutverkið í kvikmyndinni Spartan. Fyrsta kvikmyndahlutverk hennar var pínulítið hlutverk í Polish Wedding. Hún hlaut frægð og frama fyrir að fara með titilhlutverkið í sjónvarpsþáttaröðinni Veronica Mars sem voru sýndir á árunum 2004-2007.

Kristen Bell
Bell árið 2012
Upplýsingar
Fædd	Kristen Anne Bell 18. júlí 1980 Huntington Woods, Michigan
Ár virk	1998 -

Á meðan hún lék í Veronicu Mars lék Bell Mary Lane í kvikmyndinni Reefer Madness: The Movie Musical, en það var endurtekning á hlutverki sem hún hafði leikið í leikhúsuppfærslu í New York. Árið 2007 gekk hún til liðs við leikaralið Heroes þar sem hún fór með hlutverk Elle Bishop, og Gossip Girl þar sem hún er sögumaður. Árið 2008 lék hún Söruh Marshall í gamanmyndinni Forgetting Sarah Marshall. Síðan þá hefur hún leikið í fjölmörgum gamanmyndum, þ.á m. Fanboys, Couples Retreat og When in Rome. Bell hefur fengið Satellite- og Saturn-verðlaun, og tilnefnd nokkrum sinnum til Television Critics Association-verðlauna og Teen Choice-verðlauna.