სალათა

სალათა, ყრდელი^[1] (ლათ. Lactuca sativa) — ერთწლოვანი ბოსტნეული მცენარე რთულყვავილოვანთა ოჯახისა.

სალათა
მეცნიერული კლასიფიკაცია
სამეფო:  მცენარეები განყოფილება:  ყვავილოვნები კლასი:  ორლებნიანნი რიგი:  ასტრასნაირნი ოჯახი:  რთულყვავილოვანნი გვარი:  ღორისქადა სახეობა:  სალათა
ლათინური სახელი
Lactuca sativa (L., 1753)
სისტემატიკა ვიკისახეობებში სურათები ვიკისაწყობში ITIS   36607 NCBI   4236 EOL   468144 GRIN   t:21360 IPNI   228239-1 TPL   gcc-89778

კულტურაში გავრცელებულია თითქმის ყველგან. იზრდება ველურადაც. სალათა ჯერ ივითარებს ფესვთანური ფოთლების როზეტს (თავიანი სალათა პატარ-პატარა თავებს), შემდეგ - ძლიერ განტოტვილ საყვავილე ღეროს, რომლის სიმაღლე 60-120 ამ აღწევს. სიცივეგამძლე (აღმონაცენი იტანს მინუს 3-5 °C ტემპერატურას), სინათლისა და ტენის მოყვერული მცენარეა, იყენებენ საჭმელად. შეიცავს C, B, PP და სხვა ვიტამინებს, კაროტინს, რკინისა და ფოსფორის მარილებს. მოსავლიანობა 300-500 ც/ჰა. სალათის სახესხვაობებია ფოთლოვანი სალათა, თავიანი სალათა და რომენის სალათა.

საქართველოში უმეტესად ფოთლოვანი სალათის ადგილობრივი ფორმებია გავრცელებული. სალათა მრავლდება თესლით, ზოგჯერ ჩითილით.