Resident Evil 4
Resident Evil 4, იაპონურად ცნობილი როგორც Biohazard 4 — Survival horror-ის ჟანრის ვიდეო თამაში, შემუშავებული და გამოცემული კომპანია Capcom-ის მიერ. ეს არის რიგით მეექვსე ნაწილი Resident Evil-ის სერიიდან და თავდაპირველად გამოვიდა GameCube პლატფორმისთვის, 2005 წლის იანვრის თვეში ჩრდილოეთ ამერიკასა და იაპონიაში, ხოლო ევროპასა და ავსტრალიაში 2005 წლის მარტს.
| Resident Evil 4 | |
|---|---|
 GameCube-ის ჩრდილოეთ ამერიკული ვერსიის გარეკანის ფოტო | |
| დეველოპერ(ებ)ი | Capcom Production |
| გამომცემელი |
|
| პლატფორმ(ებ)ი | GameCube, PlayStation 2, Microsoft Windows, Wii, Zeebo, iOS, PlayStation 3, Xbox 360, Android, PlayStation 4, Xbox One |
| გამოსვლის თარიღი | 11 იანვარი, 2005
|
| ჟანრ(ებ)ი | Survival horror, მესამე პირის შუტერი |
| რეჟიმ(ებ)ი | ერთმოთამაშიანი |
| რეჟისორ(ებ)ი | სინძი მიკამი |
| პროდიუსერ(ებ)ი | ჰიროიუკი კობაიასი |
| დიზაინერ(ებ)ი | ჰიროსი სიბატა სიგენორი ნისიკავა კოძი კაკაე |
| პროგრამისტ(ებ)ი | კიოჰიკო საკატა |
| მხატვარი |
|
| სცენარისტი | სინძი მიკამი ჰარუო მურატა |
| კომპოზიტორი | მისაო სენბონგი სუსაკუ უტიამა |
Resident Evil 4-ის სიუჟეტი მიმდინარეობს 2004 წელს, მეორე ნაწილის მოვლენებიდან ექვსი წლის შემდეგ, აშშ-ის მთავრობის სპეც აგენტის, ლეონ ს. კენედის-ის გარშემო, რომელსაც აგზავნიან საიდუმლო კულტის მიმდევრების მიერ მოტაცებული, აშშ-ის პრეზიდენტის ქალიშვილის, ეშლი გრეჰემის გადასარჩენად.[4] ესპანეთის ერთ-ერთ სოფელში მოგზაურობისას ლეონი იბრძვის ადგილობრივი ორდის წინააღმდეგ და თანამშრმლობას ამყარებს საიდუმლო აგენტ ადა ვონგთან.
გეიმპლეი არის მესამე პირის ხედვით და ორიენტრირებულია ფიზიკურ მოქმედებასა და ორმხრივ შეტაკებაზე დიდი რაოდენობით მტრის ჯგუფის წინანღმდეგ გახსნილ სივრცეში. კამერა განთავსებული არის პერსონაჟის უკან და იარაღის დამიზნებისას იძლევა ხედვის მასშტაბის გაფართოების საშუალებას.[5]
პირველი ხმები თამაშის შესახებ გაჟღერდა 1999 წელს და შექმნამდე დიდი გზა განვლო. [6] შემქმნელთა ჯგუფს ხელმძღვანელობდა სინძი მიკამი. ორიგინალური გამოცემის გამოსვლიდან ნახევარი წლის შემდეგ, თამაში პორტირებული იქნა პლატფორმა PlayStation 2-ზე. 2011 წლის 20 სექტემბერს PlayStation 3-სა და Xbox 360-ზე გამოვიდა HD-რემასტერინგული ვერსია მაღალი სიხშირით.
Resident Evil 4-მა მიიღო უმაღლესი შეფასებები ვიდოე თამაშების მიმოხილველებისგან. გადაეცა უამრავი ჯილდო, მათ შორის წლის თამაშის ტიტული სხვადასხვა გამოცემებისგან.[7][8][9] ის იქცა წარმატებულ მრავალ-პლატფორმულ თამაშად და დიდი წვლილი მიუძღვის survival horror-ისა და მესამე პირის შუტერის ჟანრის განვითარებაში. Resident Evil 4 ფართოდ არის აღიარებული ყველა დროის ერთ-ერთ საუკეთესო ვიდეო თამაშად. საერთო განხილვების საიტებზე შედეგები ამგვარად გადანაწილდა: GameRankings; GC — 95.83%, [10] PC — 74.24%,[11] PS2 — 95.85%,[12] PS3 — 85.18%,[13] Wii — 91.59%,[2] Xbox 360 — 86.97% [14]; Metacritic; GC — 96/100,[15] PC — 76/100,[16] PS2 — 96/100,[17] PS3 — 84/100,[18] Wii — 91/100,[1] Xbox 360 — 84/100.[19]
თამაში წარმატებული აღმოჩნდა კომეცრიულადაც, Capcom-ზე დაყრდნობით, ყველა პლატფორმაზე გაყიდვების სრული რაოდენობა შეადგენს 5.9 მილიონ ასლს.[20] 2010 წელს გამოვიდა სერიის გაგრძლება Resident Evil 5.
ლიტერატურა
- Future Press, Resident Evil 4: The Official Strategy Guide, ჰამბურგი, გერმანია: Future Press, 1 იანვარი, 2005. — 48 გვ, ISBN 3937336508.
- Dan Birlew, OSG Resident Evil 4 PS2 (Official Strategy Guides), ინდიანაპოლისი, აშშ: Bradygames, 18 ოქტომბერი, 2005. — 256 გვ, ISBN 0-74400-557-4.
- Biohazard 4 The Fastest Official Guide = バイオハザード4 最速オフィシャルガイド, იაპონია: Capcom, 5 იანვარი, 2005. — 112 გვ.(Capcom Official Books), ISBN 4-906582-41-9.
- Resident Evil 4 Biohazard Perfect Capture Guide (for GC Biohazard 4) = バイオハザード4 完全攻略ガイド, ტოკიო, იაპონია: Futabasha, 5 მარტი, 2005. — 287 გვ.(CAPCOM KANPEKI KŌRYAKU Series 50), ISBN 4-575-16436-4.