Malaesia

Malaesia^[1] (Malaice et Anglice Malaysia) est monarchia constitutionalis foederalis Asiae austro-orientalis, quae constat ex duabus regionibus mari Sinensi australi separatis: Malaesia paeninsulari Thailandiae adiacente et Malaesia orientali in insula Borneo sita. Caput et urbs maxima est Cuala Lumpuria, et sedes administrationis est Putrajaya. Malaesia in tredecim civitates et tria territoria foederalia dividitur, et plus quam triginta duas milliones incolarum habet.

Malaesia

Res apud Vicidata repertae:

Terra continens: Asia
Territoria finitima: Thailandia, Bruneium, Indonesia, Singapura, Philippinae
Locus: 3°46′50″N 102°18′52″E
Caput: Cuala Lumpuria

Gestio

Monarchia constitutionalis, federal monarchy, elective monarchy, monarchia parlamentaria
Princeps: Ibraimus
Praefectus: Anwar Ibrahim
Consilium: Parliament of Malaysia
Iudicium: Federal Court of Malaysia
Situs interretialis

Populus

Numerus: 32 447 385
Sermo publicus: lingua Malaica
Zona horaria: UTC+8, Asia/Kuala_Lumpur
Moneta: Malaysian ringgit

Commemoratio

Paean: Negaraku

Sigla

ISO MY, MYS, 458; IOC MAS
Dominium interretiale: .my
Praefixum telephonicum: +60
Siglum autoraedarum: MAL

Regna Malaica hic iacentia ab anno 1786 paulatim imperio Britannico subiecta sunt. Anno 1957 foederatio Malaica libertatem accepit, et territoriis Bornei borealis, Sarawak et Singapurae additis, anno 1963 nova foederatio nomine Malaysia proclamata est. Anno 1965 Singapura ex foedere expulsa est.

Fere duae tertiae partes incolarum sunt Bumiputera, hoc est Malai et populi indigenae (Orang Asli, Dayak, Anak Negeri). Quinta pars sunt Sinenses, et sex centesimae sunt Indici.^[2] Islam est religio civitate constituta, sed constitutio libertatem credendi incolis non Musulmanis dat. Res publica parlamento in modum Westmonasteriensis regitur et legem communem sequitur. Dux civitatis est monarcha, titulo Yang di-Pertuan Agong appellatus, e regibus haereditariis novem civitatum Malaicarum per quinque annos electus. Dux rectionis est primus minister.