Media Asia
Media Asia est pars Asiae, varie definita. Definitio a Sovieticis adhibita tantum Uzbeciam, Turcomanniam, Kyrgessiam, Tadzikistaniam complectitur. Unione Sovietica dissoluta illae quattuor, una cum Casachia, hanc quoque esse Mediae Asiae partem confirmaverunt.[1] Quae definitio nunc a plerisque accipitur. Unesco tamen alia definitione utitur, quae etiam Afganiam, Mongoliam, et partes Iraniae, Pakistaniae, Indiae, Russiae, et Sinarum comprehendit, regionem quidem quae dici potest a Mari Caspio in occidente ad Sinam in oriente extendi. Quae regio vulgo stanes appellatur, quia nomina plurium civitatum intra regionem suffixo stan (vocabulo Persice 'terra alicuius' significante[2]) terminant.
Media Asia temporibus prae-Islamicis primisque Islamicis plerumque erat regio Iranica,[3][4] cuius incolae erant Bactriani (linguis Iranicis Orientalibus utentes), Sogdiani, Chorasmiani, et Scythae Dahaeque, gentes seminomadici. Postquam gentes Turcicae irruptionem in terras regionis fecerunt, Media Asia facta est patria gentium Cazachorum, Uzbecorum, Tatarorum, Turcomannorum, Kyrgyzorum, et Uigurorum; linguae Turcicae pro linguis Iranicis in regione plerumque substitutae sunt. Omnem regionem Marcus Paulus Venetus Turcestaniam appellavit.[5][6][7]
Nexus interni
Notae
Bibliographia
- Klein, Igor, Ursula Gessner, et Claudia Kuenzer. 2012. "Regional land cover mapping and change detection in Central Asia using MODIS time-series." Applied Geography 35 (1–2): 219–34. doi:10.1016/j.apgeog.2012.06.016.
- Mandelbaum, Michael, ed. 1994. Central Asia and the World: Kazakhstan, Uzbekistan, Tajikistan, Kyrgyzstan, and Turkmenistan. Novi Eboraci: Council on Foreign Relations Press.
- Olcott, Martha Brill. 1996. Central Asia's New States: Independence, Foreign policy, and Regional security. Vasingtoniae: United States Institute of Peace Press.
- Phillips, Andrew, et Paul James. 2013. "National Identity between Tradition and Reflexive Modernisation: The Contradictions of Central Asia." National Identities 3 (1): 23–35.
- Paksoy, Hasan Bulent. 1989. ALPAMYSH: Central Asian Identity under Russian Rule. Hartford Connecticutae: AACAR. Editio interretialis.
- Rall, Ted. 2006. Silk Road to Ruin: Is Central Asia the New Middle East? Novi Eboraci: NBM Publishing.
- Soucek, Svatopluk. 2000.l A History of Inner Asia. Cantabrigiae: Cambridge University Press.
