Karbon
Karbon (bahaso Latin: Carbonium), atau zat arang marupokan unsua kimia nan mampunyoi simbol C dan nomor atom 6 pado tabel periodik. Sabagai unsua golongan 14 pado tabel periodik, karbon marupokan unsua non-logam dan bavalensi 4 (tetravalen), nan baarati basonyo ado ampek elektron nan dapek digunokan untuak mambantuak ikatan kovalen. Ado tigo macam isotop karbon nan ditamukan sacaro alami, yakni 12C dan 13C nan stabil, dan 14C nan basipaik radioaktif jo wakatu paruah paluruahannyo sakitar 5730 taun.[9] Karbon marupokan salah satu dari babarapo unsua nan dikataui kabaradoannya sajak zaman saisuak.[10][11] Istilah "karbon" barasa dari bahaso Latin carbo, nan aratinyo batu baro.
| |||||||||||||||||||||||||||||
| Panampilan | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
bening (intan) & hitam (grafit) Intan (kiri) dan grafit (kanan), 2 alotrop terkenal dari karbon  Garis spektrum karbon | |||||||||||||||||||||||||||||
| Ciri-ciri umum | |||||||||||||||||||||||||||||
| Namo, lambang, Nomor atom | karbon, C, 6 | ||||||||||||||||||||||||||||
| Jinih unsur | nonlogam | ||||||||||||||||||||||||||||
| Golongan, pariode, blok | 14, 2, p | ||||||||||||||||||||||||||||
| Massa atom standar | 12.0107(8) | ||||||||||||||||||||||||||||
| Konfigurasi elektron | 1s2 2s2 2p2 atau [He] 2s2 2p2 2,4 | ||||||||||||||||||||||||||||
| Sipaik fisika | |||||||||||||||||||||||||||||
| Fase | Padat | ||||||||||||||||||||||||||||
| Masso jinih (mandokek-i suhu kamar) | Amorf:[1] 1.8–2.1 g·cm−3 | ||||||||||||||||||||||||||||
| Massa jenis (mendekati suhu kamar) | Intan: 3.515 g·cm−3 | ||||||||||||||||||||||||||||
| Massa jenis (mendekati suhu kamar) | Grafit: 2.267 g·cm−3 | ||||||||||||||||||||||||||||
| Titik sublimasi | 3915 K, 3642 °C, 6588 °F | ||||||||||||||||||||||||||||
| Titik tripel | 4600 K (4327°C), 10800[2][3] kPa | ||||||||||||||||||||||||||||
| Kalor palaburan | 117 (grafit) kJ·mol−1 | ||||||||||||||||||||||||||||
| Kapasitas kalor | 6.155 (intan) 8.517 (grafit) J·mol−1·K−1 | ||||||||||||||||||||||||||||
| Sipaik atom | |||||||||||||||||||||||||||||
| Bilangan oksidasi | 4, 3[4], 2, 1[5], 0, -1, -2, -3, -4[6] | ||||||||||||||||||||||||||||
| Elektronegativitas | 2.55 (skala Pauling) | ||||||||||||||||||||||||||||
| Energi ionisasi (lebih lanjut) | partamo: 1086.5 kJ·mol−1 | ||||||||||||||||||||||||||||
| ke-2: 2352.6 kJ·mol−1 | |||||||||||||||||||||||||||||
| ke-3: 4620.5 kJ·mol−1 | |||||||||||||||||||||||||||||
| Jari-jari kovalen | 77(sp³), 73(sp²), 69(sp) pm | ||||||||||||||||||||||||||||
| Jari-jari van der Waals | 170 pm | ||||||||||||||||||||||||||||
| Lain-lain | |||||||||||||||||||||||||||||
| Struktur kristal | diamond | ||||||||||||||||||||||||||||
| Catatan struktur kristal | (intan, bening) | ||||||||||||||||||||||||||||
| Pambanahan magnetik | diamagnetik[7] | ||||||||||||||||||||||||||||
| Konduktivitas termal | 900-2300 (intan) 119-165 (grafit) W·m−1·K−1 | ||||||||||||||||||||||||||||
| Ekspansi termal | (25 °C) 0.8 (intan)[8] µm·m−1·K−1 | ||||||||||||||||||||||||||||
| Kacapatan suaro (batang ringan) | (20 °C) 18350 (intan) m·s−1 | ||||||||||||||||||||||||||||
| Modulus Young | 1050 (intan)[8] GPa | ||||||||||||||||||||||||||||
| Modulus Shear | 478 (intan)[8] GPa | ||||||||||||||||||||||||||||
| Bulk modulus | 442 (intan)[8] GPa | ||||||||||||||||||||||||||||
| Rasio Poisson | 0.1 (intan)[8] | ||||||||||||||||||||||||||||
| Kakarasan Mohs | 10 (intan) 1-2 (grafit) | ||||||||||||||||||||||||||||
| Nomor CAS | 7440-44-0 | ||||||||||||||||||||||||||||
| Isotop paliang stabil | |||||||||||||||||||||||||||||
| |||||||||||||||||||||||||||||
Karbon mampunyoi babarapo jinih alotrop, nan paliang tanamo adolah grafit, intan, dan karbon amorf.[12] Sipaik-sipaik fisika karbon baragam bagantuang pado jinih alotropnyo. Sabagai contoh, intan barono transparan, sadangkan grafit barono itam dan kusam. Intan marupokan salah satu materi paliang kareh di dunia, sadangkan grafit cukuik lunak untuak maninggakan bakehnyo pado karateh. Intan mamiliki konduktivitas listik nan sangek randah, sadangkan grafit adolah konduktor listrik nan sangek rancak. Di bawah kondisi normal, intan mampunyoi konduktivitas termal nan tatinggi di antaro materi-materi lain nan dikataui. Sado alotrop karbon babantuak padek dalam kondisi normal, tapi grafit marupokan alotrop nan paliang stabil sacaro termodinamik di antaro alotrop-alotrop lainnyo.
Sado alotrop karbon sangek stabil dan mamaralukan suhu nan sangek tinggi untuak bareaksi, bahkan jo oksigen. Kaadaan oksidasi karbon nan paliang umumnyo ditamukan adolah +4, manokalo +2 dijumpoi pado karbon monoksida dan senyawa kompleks logam transisi lainnyo. Sumber karbon anorganik paliang gadang ado pado batu kapua, dolomit, dan karbon dioksida, sadangkan sumber organik ado pado batu baro, tanah gambuik, minyak bumi, jo klatrat metana. Karbon dapek mambantuak labiah banyak senyawa daripada unsua-unsua lainnyo, jo ampia 10 juta senyawa organik murni nan alah dideskripsikan sampai kini.[13]
Karbon adolah unsua paliang balimpah ka-15 di karak Bumi dan ka-4 di alam semesta. Karbon ado pado sado jinih mukaluak iduik, dan pado manusia, karbon marupokan unsua paliang balimpah kaduo (sakitar 18,5%) sasudah oksigen.[14] Kabalimpahan karbon iko, basamoan jo kaanekaragaman senyawa organik dan kamampuannyo mambantuak polimer mambuek karbon sabagai unsua dasa kimiawi kahidupan. Unsua iko adalah unsua nan paliang stabil di antaro unsua-unsua nan lain, sainggo dijadikan patokan dalam mangukua satuan massa atom.
Rujuakan
 | Iko nan bakaik jo kimia baru rancangan. Bantulah Wikipedia untuak mangambangannyo. |
