Македонски железници

Железничката мрежа во Република Македонија има:

• 699 км отворени пруги
• 226 км станични колосеци
• 102 км индустриски колосеци^[1]

• граница со Србија - Табановце - Куманово - Скопје - Велес - Градско - Гевгелија - граница со Грција (како дел од коридор X)
• Куманово - Бељаковце (во ремонт и градба до Крива Паланка и граница со Бугарија, како дел од коридор VIII)
• Градско - Шивец (до индустријата за фероникел крај Кавадарци)
• граница со Косово - Волково - Ѓорче Петров - Скопје
• Ѓорче Петров - Тетово - Гостивар - Зајас - Кичево (која треба да се продолжи до Охрид и Струга и граница со Албанија, како дел од коридорот VIII)
• Зајас - Тајмиште (до рудникот за железна руда)
• Велес - Прилеп - Бакарно Гумно - Битола - Кременица - граница со Грција (како дел од коридор Х) (во ремонт дел до граница со Грција до 2016)
• Бакарно Гумно - Сопотница (до рудникот за железна руда)
• Велес - Овче Поле - Штип - Кочани

Возниот ред е определен согласно Објавата ^[2][3] на Македонски железници за 2021 година.

Интеррегионална линија 6903: Кичево - Длапкин Дол - Строгомишта - Зајас - Падалиште - Лакавица - Гостивар - Врановци - Жеровјане - Брвеница - Тетово - Ратае - Јегуновце фабрика - Јегуновце - Орашје - Радуша - Сулари - Сарај - Ѓорче Петров - Скопје Север - Железарница.^[4]

Првата железница на територијата на Република Македонија е од времето на Османлиското Царство. На 9 август 1873 година со железница биле поврзани Скопје и Солун. Оваа железничка врска, која во 1874 година е продолжена до Косовска Митровица, е именувана Македонски железници.^[5] На 14 јуни 1894 година Солун е поврзан и со Битола.^[5] На 20 октомври 1924 година завршена е делницата Велес-Штип и првиот влез влегува на станицата во Штип.^[5]Пругата, пак, Велес – Битола е предадена во сообраќај на 20 јануари 1936 година.^[6]

Во февруари 2015 година, „Македонски железници“ се модернизирале со 107 нови транспортни вагони, како дел од проектот за набавка на 150 вагони, реализиран од страна на македонската влада.^[7]

Македонски железници, повеќепати го менувалe името од своето формирање како железничко претпријатие во 1945 година:

• 1945 Државна дирекција за железници – Скопје во рамки на сојузната југословенска управа
• 1963 Железничко транспортно претпријатие – Скопје
• 1977 Железничкa транспортна организација – Скопје
• 1989 Јавно претпријатие Македонски железници – Скопје
• 2007 Јавно претпријатие за железничка инфраструктура Македонски железници – Скопје
• 2007 Акционерско друштво за транспорт Македонски железници Транспорт – Скопје

• Македонски железници Архивирано на 17 декември 2008 г. — Официјална страница на МЖ
• Видеоканал на Јутјуб — сè за МЖ