Мангака

Мангака (јапонски: 漫画家) — јапонски збор за човек што црта стрипови. Надвор од Јапонија, зборот обично се користи за да значи „уметник, цртач на манги“. Повеќето мангаки учат на уметнички факултет или училиште за манги, или стажираат кај друг уметник пред да влезат во индустријата како главен творец. Поретко мангаката право се пробива во индустријата, без претходно да биде помошник.

Кога работи непосредно на манга, мангаката го одредува бројот и положбата на рамките на страницата и ги црта главните контури и најзначајните детали за околината, додека еден или повеќе од неговите помошници ја вршат тешката работа: ги наведуваат контурите со мастило, ги применуваат тоновите на екранот, цртаат заднини и помалку значајни кадри и слично.^[1] Овој систем на заедничка работа бил поставен од Осаму Тезука.^[2][3]