Рајна-Рур

Постојат многу различни поддефиниции на она што му припаѓа на областа Рајна-Рур, но метрополитенската област официјално има граници со Хам на исток, Менхенгладбах на запад и Бон на југ и малиот град Везел како своја најсеверна точка. Северната граница е слична со границата на Рурската област.

Табелата подолу го покажува неофицијалниот збир на областите. Во официјалната дефиниција метрополитенската област е многу помала.

Евростат Urban Audit го дели Рајна-Рур областа во шест Поголеми урбани зони (ПУЗ). Овие шест урбани зони не ги покриваат градовите Ремшајд и Золинген, ниту округот Рајна-Нојс.

• 
  Келн

• 
  Дортмунд
• 
  Диселдорф (покраински главен град)
• 
  Есен

Рурска област (Вестфалски дел)

Бохум, Ботроп, Гелзенкирхен, Хаген, Хам, Херне, Изерлон, Реклингхаузен, Витен

Рурска област (Рајнски дел)

Дујсбург, Мерс, Милхајм во Рур, Оберхаузен

Бершки крај

Бершки Гладбах, Ремшајд, Золинген, Вупертал

Рајнска долина

Бон, Крефелд, Леверкузен, Менхенгладбах, Мерс, Нојс

Историски гледано, поголемиот дел од Рур бил во најголем дел се одликува со тешката индустрија од времето на доцниот 19-ти и раниот 20 век. Од средниот век, Келн, Дортмунд и другите градови биле важни регионални трговски центри, но во текот на 19-от век градот Диселдорф постигнал голем пораст и станал администативен центар на областа, а од 1945 година и политички главен град.

Денес, метрополитенската област Рајна-Рур изнесува околу 15% од БДП-то на германската економија и може да се постави како трет најголем БРП на метрополитенските области во Европската Унија и 16-ти најголем БДП во светот. И покрај оваа големина, областа Рајна-Рур често нема меѓународна конкурентност од недостатокот на единствена презентација, во која градовите и урбаните области во рамките на областа, често се занимаваат со посебна инвестициона политика едни против други.^[17]

Во рамките на областа, Диселдорф и Келн се далеку најголеми економски центри,^[18] со специјализација во финансиите/високата технологија и осигурувањето/мултимедија услугите соодветно. Други поголеми економски центри се Бон, Дортмунд и Есен. Областа е дом на дванаесет^[19] Форчн Глобал 500 компании, меѓу кои се Е.ОН АГ, Диселдорф; Deutsche Post AG, Бон; Метро АГ, Диселдорф; Deutsche Telekom AG, Бон; ThyssenKrupp AG, Есен/Дујсбург; RWE AG, Есен; Бајер АГ, Леверкузен; Франц Ханиел & ГмбХ, Дујсбург; Евоник Индустрија, Есен; Аркандор АГ, Есен; Хохтиф АГ, Есен и Henkel Group, Диселдорф.

Метрополитенската област може да се пофали со два меѓународни аеродрома Келн/Бон и Диселдорф и неколку регионални/домашни аеродроми како Дортмунд, Диселдорф/Менхенгладбах и Веце. Градот Келн, исто така, е поврзан со аеродромот Франкфурт со едночасовна железничка брза линија Келн-Франкфурт.

Комерцијални аеродроми

Северна Рајна-Вестфалија ја има најгустата мрежа на аутобанови во Германија и Феркерсфербунд Рајна-Рур е регионалниот подземен железнички систем, кој ги поврзува сите градови и нивните локални У- и С-железнички системи (С-железница Рајна-Рур).

Пристаниште Дујсбург (Дуиспорт) и пристаниште Дортмунд се големите индустриски пристаништа во внатрешноста и служат како центри по Рајна и германскиот континентален воден транспортен систем.

Настани

Областа е домаќин на бројни мега настани, составени од забавни саеми и културни настани како што се кенски и диселдорфски карневал, Келн Комеди Фестивал, Рурфестшпиле Реклингхаузен, РурТринале и Келн геј прајд, како и трговските саеми на Келнскиот саем - Келнски саем и Саем во Диселдорф. Со капацитет од над 20.000 луѓе, Келнарена и Вестфаленхален влегуваат во кругот на најголемите затворени арени во Германија.

Областа е домаќин на осум фудбалски клубови, најуспешните меѓу нив се ФК Борусија Дортмунд, ФК Борусија Менхенгладбах, ФК Келн, ФК Шалке 04 и ФК Бајер Леверкузен.

Знаменитости

Неколкуте туристички одредишта во областа привлекуваат над 12 милиони туристи годишно; Келнската катедрала, самата над 6 милиони туристи. Други поважни атракции се палатите Августусбург и Фалкенлуст близу Бон и Замок Бенрат близу Диселдорф, како и рудникот за јаглен и индустриски комплекс Цолферајн и други знаменитости на европскиот пат на индустриското наследство.

• 
  Келнска катедерала
• 
  Цолферајн

Музеи

НРВ Форум, Уметничка галерија Северна Рајна-Вестфалија, Кунстхале Диселдорф, Музеј Кених, Музеј Лудвиг, Римско-германски музеј, Музеј Валраф-Рихарц, Неандерталски музеј и Германски музеј Бон се некои од најпознатите примери.

Метрополитенската област Рајна-Рур е дом на девет универзитети и преку 30 високи школи, со вкупно над 300.000 студенти. Најголемиот е најстариот универзитет е Келнскиот (Universität zu Köln), првично основан во 1388. Други универзитети се:

• Универзитет Бохум,
• Универзитет Бон,
• Германски спортски универзитет Келн,
• Технолошки универзитет Дортмунд,
• Универзитет Дујсбург-Есен,
• Универзитет Диселдорф,
• Универзитет Хаген и
• Универзитет Вупертал.

Следниве регистри ги покажуваат сите општини кои официјално припаѓаат на областа Рајна-Рур. Демографски, овие општини вклучуваат 20 градови (слободни градови (German: „Kreisfreie Städte“)), секој со повеќе од 100.000 жители и 11 окрузи (German: „Kreis“), секој со население со повеќе од 250.000 жители. Некои окрузи припаѓаат само делумно на областа Рајна-Рур. Во таков случај единствено општините кои припаѓаат на метрополитенската област се прикажани.

• Рајна-Лана
• Рајна-Мајна
• Список на метрополитенски области во Европа по население
• Список на метрополитенски области во Германија

• Кнап, Волфганг (1998). The Rhine-Ruhr area in transformation: Towards a European metropolitan region?. европска планска студија.
• Дилеман, Франс М. (1998). Randstad, Rhine-Ruhr and Flemish diamond as one polynucleated macro-region?. Блеквел.
• Блитефогел, Ханс Х. (1998). The Rhine-Ruhr metropolitan region: Reality and discourse. европска планска студија.

• Мегаградови - Келнски универзитет
• Иднината припаѓа на метрополитенскиот регион Рајна-Рур Архивирано на 5 јануари 2013 г., Регионална влада Диселдорф
• Рајна-Рур Архивирано на 19 октомври 2015 г., Европски метрополитенски области во Германија
• Метрополитенски регион Рајна-Рур - уметнички производ Архивирано на 19 октомври 2015 г., Сојузен завод за градба и регионално планирање (Bundesamt für Bauwesen und Raumordnung, BBR)