ബംഗാൾ ക്ഷാമം (1943)

എ.ഡി 1943 ന് ഇന്ത്യയിലെ ബംഗാളിലുണ്ടായ ക്ഷാമമാണ് 1943 ലെ ബംഗാൾ ക്ഷാമം എന്ന പേരിൽ അറിയപ്പെടുന്നത്. ഇത് ഇന്ത്യയിലെ ബ്രിട്ടീഷ് ഭരണകാലത്തുണ്ടായ അവസാനത്തെ ക്ഷാമമായിരുന്നു. ഈ ക്ഷാമകാലത്ത് 30 ലക്ഷം പേർ മരിക്കുകയുണ്ടായി. ഹെൽമിന്തോ‌സ്പോറിയം ഒറൈസ എന്ന ഫംഗസ് പരത്തുന്ന ബ്രൗൺ സ്പോട്ട് രോഗം നെൽകൃഷിയെ ബാധിച്ചതാണ് ക്ഷാമത്തിന്റെ പ്രധാന കാരണങ്ങളിലൊന്ന്. 1998-ലെ സാമ്പത്തിക ശാസ്ത്രത്തിനുള്ള നോബൽ സമ്മാനം നേടിയ അമർത്യസെന്നിനെ ദാർശനികതയോടെ ചിന്തിക്കാൻ പ്രേരിപ്പിച്ചത് കുട്ടിക്കാലത്ത് അദ്ദേഹം നേരിൽ കാണാനിടയായ 1943 ലെ ബംഗാൾ ക്ഷാമം ആയിരുന്നു.