മെലാനിയ ട്രംപ്

1970 ഏപ്രിൽ 26 ന് സ്ലൊവേനിയയിലെ (മുൻ യുഗോസ്ലാവിയയുടെ ഭാഗം) നോവോ മെസ്റ്റോയിലാണ് മെലാനിജ ക്നാവ്സ് ജനിച്ചത്.^[4][5] മെലാനിജയുടെ പിതാവ് വിക്ടർ ക്നാവ്സ് (ജനനം: മാർച്ച് 24, 1944) അടുത്തുള്ള പട്ടണമായ റാഡെസിയിൽ നിന്നുള്ള വ്യക്തിയും സർക്കാർ ഉടമസ്ഥതയിലുള്ള വാഹന നിർമ്മാതാവിന്റെ കാർ, മോട്ടോർ സൈക്കിൾ ഡീലർഷിപ്പുകൾ കൈകാര്യം ചെയ്തിരുന്നയാളുമായിരുന്നു.^[6][7] മാതാവായ അമാലിജ (മുമ്പ്, ഉലാനിക്) (ജനനം: ജൂലൈ 9, 1945) റാക്ക ഗ്രാമത്തിൽ നിന്നെത്തി സെവ്‌നിക്കയിലെ കുട്ടികളുടെ വസ്ത്ര നിർമ്മാതാക്കളായ ജുത്രാങ്കയിൽ ഒരു പാറ്റേൺ മേക്കറായി ജോലി ചെയ്തിരുന്ന വനിതയുമായിരുന്നു.^[8][9] കുട്ടിക്കാലത്ത്, മെലാനിയയും ഫാക്ടറിയിലെ മറ്റ് തൊഴിലാളികളുടെ മക്കളും കുട്ടികളുടെ വസ്ത്രങ്ങൾ സംബന്ധമായ ഫാഷൻ ഷോകളിൽ പങ്കെടുത്തിരുന്നു.^[10] മെലാനിയക്ക് ഐൻസ് എന്ന പേരിൽ കലാകാരിയും അവരുടെ "ദീർഘകാല വിശ്വസ്തയുമായ",^[11][12][13] ഒരു മൂത്ത സഹോദരിയുും പിതാവിന്റെ മുൻ ബന്ധത്തിൽ നിന്നുള്ളയാളും അവൾ ഒരിക്കലും കണ്ടിട്ടില്ലെന്ന് പറയപ്പെടുന്നതുമായ ഒരു ഒരു മൂത്ത അർദ്ധസഹോദരനുമുണ്ട്.^[14][15]