ഷൗ രാജവംശം

ദിവ്യഗർഭത്തിലൂടെ ഉണ്ടായി എന്ന് വിശ്വസിക്കുന്ന ക്വി എന്ന വ്യക്തിയാണ് കഥകളിൽ ഷൗ രാജവംശത്തിന്റെ ആദ്യ കണ്ണി. ഇദ്ദേഹം ചെറുപ്പകാലത്ത് മൂന്ന് തവണ മരണത്തിൽ നിന്ന് അത്ഭുതകരമായി രക്ഷപെടുകയുണ്ടായി. ക്വി ചൈനയിലെ കൃഷി മെച്ചപ്പെടുത്തി എന്നാണ് വിശ്വാസം. ക്വിയുടെ മകൻ ബുഷു കൃഷി ഉപേക്ഷിച്ചു എന്ന് വിശ്വസിക്കപ്പെടുന്നു.^[4] പിൻഗാമിയായ ലിയു,^[5] കൃഷി പുനരാരംഭിക്കുകയും ബിൻ,^[iii] എന്ന സ്ഥലത്ത് താമസമാക്കുകയും ചെയ്തു. ഇദ്ദേഹത്തിന്റെ പിൻഗാമികൾ തലമുറകളോളം ഇവിടം ഭരിച്ചു. തായി രാജാവ് പിന്നീട് ഇവരെ വൈ നദിയുടെ താഴ്വരയിലുള്ള ഷൗ എന്ന പ്രദേശത്തേയ്ക്ക് കൊണ്ടുപോയി. ഷാങ് രാജാക്കന്മാർക്കുവേണ്ടി പല സിറോങ് ഗോത്രങ്ങളെയും കീഴടക്കിയ ജിലി പിന്നീട് അധികാരത്തിൽ വന്നു. ഇദ്ദേഹത്തെ ചതിച്ച് കൊലപ്പെടുത്തുകയാണുണ്ടായത്. ഇദ്ദേഹത്തിന്റെ സഹോദരന്മാരായ വു യി, വെൻ ഡിങ് എന്നിവർ യാങ്സി നദീതടത്തിലേയ്ക്ക് ഓടിപ്പോയി അവിടെ വു രാജ്യം സ്ഥാപിച്ചു. ജിലിയുടെ മകൻ വെൻ കൈക്കൂലി കൊടുത്ത് തടവിൽ നിന്ന് രക്ഷപെടുകയും ഷൗ തലസ്ഥാനം ഫെങ് എന്ന സ്ഥലത്തേയ്ക്ക് (ഇന്നത്തെ സിയാൻ) മാറ്റുകയും ചെയ്തു. 1046 ബി.സി.യോടടുത്ത് വെനിന്റെ മകൻ വു, കൂട്ടാളിയായ ജിയാങ് സിയ എന്നിവർ 45,000 പേരും 300 രഥങ്ങളും ഉൾപ്പെട്ട സൈന്യം മഞ്ഞനദിയ്ക്ക് കുറുകേ നയിച്ച് ഷാങ് രാജവംശത്തിലെ ഷൗ രാജാവിനെ മുയേ യുദ്ധത്തിൽ പരാജയപ്പെടുത്തി. ഇത് ഷൗ രാജവംശത്തിന്റെ തുടക്കം കുറിച്ചു.^[iv] ഷാങ് രാജവംശത്തിലെ ഒരംഗത്തെ സോങ്ങിന്റെ ഡ്യൂക്ക് എന്ന സ്ഥാനം നൽകി നിലനിർത്തി.

സംസ്കാരം

ഷൗ ഉപയോഗിച്ചിരുന്ന ഭാഷ ഷാങ് ഭാഷയിൽ നിന്ന് വ്യത്യസ്തമായിരുന്നില്ല.^[8] ഷാങ് സംസ്കാരത്തെ ഷൗ രാജവംശം സ്വാംശീകരിക്കുവാൻ ശ്രമിച്ചിരുന്നു.^[9][10]

സ്വർഗ്ഗം നൽകിയ ഭരണാധികാരം

ചൈനീസ് പാരമ്പര്യമനുസരിച്ച് ഷൗ ഷാങ് രാജവംശത്തെ പരാജയപ്പെടുത്തിയശേഷം പൂർവ്വികാരാധനയ്ക്ക് പകരം എല്ലാവർക്കും ആരാധിക്കാവുന്ന ദൈവങ്ങളിലേയ്ക്ക് മാറി. ടിയാൻ അല്ലെങ്കിൽ സ്വർഗ്ഗമായിരുന്നു പുതിയ ആരാധനാമൂർത്തി. "സ്വർഗ്ഗം നൽകിയ ഭരണാധികാരം" തങ്ങൾക്കുണ്ടെന്നായിരുന്നു ഷൗ ഭരണാധികാരികൾ അവകാശപ്പെട്ടത്. ഭരണാധികാരി "സ്വർഗ്ഗപുത്രൻ" ആണെന്നും ദൈവികമായ അധികാരം അദ്ദേഹ‌ത്തിനുണ്ടെന്നും ഭരണം നഷ്ടപ്പെട്ടാൽ അതിനർത്ഥം സ്വർഗ്ഗത്തിന്റെ അംഗീകാരം അദ്ദേഹത്തിന് നഷ്ടപ്പെട്ടു എന്നുമായിരുന്നു. ഷാങ് രാജവംശം തിന്മയുടെ പ്രതിരൂപമായിരുന്നു എന്നും അതിനാലാണ് തങ്ങൾക്ക് ഭരണം ലഭിച്ചത് എന്നുമായിരുന്നു ഷൗ വിശ്വാസം.^[11]

ഫ്യൂഡൽ വ്യവസ്ഥ

ഇക്കാലത്ത് യൂറോപ്പിലെ മാതിരി ഫ്യൂഡൽ സിസ്റ്റമാണ് നിലനിന്നിരുന്നത് എന്നാണ് ചരിത്രകാരന്മാർ രേഖപ്പെടുത്തി‌യിരിക്കുന്നത്. രാജവംശം സ്ഥാപിച്ചപ്പോൾ ഭൂമി തിരിച്ച് പരമ്പരയായി അനുഭവിക്കാവുന്ന രീതിയിൽ കുടുംബങ്ങൾക്ക് നൽകുകയുണ്ടായി. ഇവർ പിൽക്കാലത്ത് രാജാവിനേക്കാൾ ശക്തരായി മാറുകയുമുണ്ടായി. പിതാവ് വഴിയുള്ള പരമ്പര മാത്രമേ നിയമപരമായി ഇവർ കണക്കാക്കിയിരുന്നുള്ളൂ.^[12][13]

മൂത്ത പുത്രന്മാരെ അധികാരമേൽപ്പിക്കുകയും ഇളയ സഹോദരന്മാരെ കുറഞ്ഞ സ്ഥാനത്തോടുകൂടിയ പുതിയ വംശങ്ങൾ സ്ഥാപിക്കാൻ അനുവദിക്കുകയുമായിരുന്നു ചെയ്തിരുന്നത്. ഭരണത്തിലിരിക്കുന്നയാളോടുള്ള ബന്ധം കുറയുന്തോറും രാഷ്ട്രീയാധികാ‌രം കുറഞ്ഞുവരും. ഈ സമ്പ്രദായം പിന്നീട് കൊറിയയിലേയ്ക്കും വ്യാപിക്കുകയുണ്ടായി.^[14]

കൃഷി

വെള്ളം തിരിച്ചുവിട്ട് ജലസേചനത്തിനുപയോഗിക്കാനുള്ള വലിയ പദ്ധതികൾ ഇക്കാലത്ത് നടപ്പിലാക്കപ്പെട്ടിരുന്നു. നദികളിൽ അണക്കെട്ടുകൾ നിർമ്മിക്കപ്പെട്ടിരുന്നു. ജലസേചനത്തിനായി വലിയ കനാൽ ശൃംഖലകൾ സ്ഥാപിക്കപ്പെട്ടിരുന്നു.

സൈന്യം

ആദ്യകാലത്തെ പടിഞ്ഞാറൻ ഷൗ രാജ്യത്തിന് വലിയ സൈന്യമുണ്ടായിരുന്നു. ഷാവോ രാജാവിന്റെ ഭരണത്തിന്റെ പത്തൊൻപതാം വർഷമായിരുന്നു ഇവരുടെ സൈനികശക്തി ഏറ്റവും മെച്ചപ്പെട്ട നിലയിലെത്തിയത്. ഹാൻ നദിയുടെ തീരത്തുള്ള ഒരു സൈനിക നീക്കത്തിനിടെ ഇദ്ദേഹത്തിന്റെ സൈന്യത്തിന്റെ പാതി നശിക്കുകയും രാജാവ് മരണമടയുകയും ചെയ്തു. സംസ്കാരരഹിതർ എന്ന് വിളിച്ചിരുന്ന അതിർത്തിക്കപ്പുറത്തുള്ള ജനവിഭാഗങ്ങൾക്കെതിരേയായിരുന്നു ഇവരുടെ ആക്രമണങ്ങൾ.

ഷൗ കാലഘട്ടത്തിലാണ് ചൈനയിൽ രഥങ്ങൾ യുദ്ധത്തിൽ ഉപയോഗിക്കാൻ ആരംഭിച്ചത്.^[15][16]

തത്ത്വശാസ്ത്രം

ഷൗ ഭരണകാലത്ത് ചൈനീസ് തത്ത്വശാസ്ത്രത്തിന്റെ ആരംഭഘട്ടമായിരുന്നു. പിൽക്കാലത്ത് വലിയ സ്വാധീനമുണ്ടാക്കിയ തത്ത്വചിന്തകരായിരുന്ന കൺഫൂഷ്യസ്, ലാവോസെ എന്നിവർ ഇക്കാലത്ത് ജീവിച്ചിരുന്നു. മോഷി, മെൻസിയസ്, ഷാങ് യാങ്, ഹാൻ ഫേയ് എന്നിവർ ഇക്കാലത്ത് ജീവിച്ചിരുന്നവരാണ്.^[17]

ഷാങ് ഭരണാധികാരികളെപ്പോലെതന്നെ ഷൗ രാജവംശത്തിലെ ഭരണാധികാരികളുടെയും സ്ഥാനപ്പേര് വാങ് (王) എന്നായിരുന്നു. ഈ സ്ഥാനം മലയാളത്തിൽ "രാജാവ്" എന്ന് തർജ്ജമ ചെയ്യാവുന്നതാണ്. ഷാങ് രാജാക്കന്മാരുടെ സാമന്തന്മാരായിരുന്നുവെങ്കിലും വു രാജാവിന്റെ പൂർവ്വികരായ – ഡാൻഫു, ജിലി, വെൻ – എന്നിവരെയും "ഷൗ രാജാക്കന്മാർ" എന്ന് വിളിക്കാറുണ്ട്.

• ഷൗ രാജവംശത്തിന്റെ വംശാവലി
• നാല് അധിനിവേശങ്ങൾ
• ചൈനയുടെ ചരിത്രത്തിലെ വിവിധ തലസ്ഥാനങ്ങൾ
• സെങ് മാർക്വി യിയുടെ ശവക്കല്ലറ

അവലംബമായി ഉപയോഗിച്ചിരിക്കുന്ന ഗ്രന്ഥങ്ങൾ

• Beckwith, Christopher I. (16 March 2009). Empires of the Silk Road: A History of Central Eurasia from the Bronze Age to the Present. Princeton University Press. ISBN 1400829941. Retrieved 30 December 2014. {{cite book}}: Invalid |ref=harv (help)
• Schinz, Alfred (1996). Axel Menges (ed.). The Magic Square: Cities in Ancient China. Stuttgart, London: Daehan Printing & Publishing Co. {{cite book}}: Invalid |ref=harv (help)
• Kleeman, Terry F. (1998). Great Perfection: Religion and Ethnicity in a Chinese Millennial Kingdom. University of Hawaii Press. ISBN 0824818008. Retrieved 31 December 2014. {{cite book}}: Invalid |ref=harv (help)
• Bodman, Nicholas C. (1980), "Proto-Chinese and Sino-Tibetan: data towards establishing the nature of the relationship", in van Coetsem, Frans; Waugh, Linda R. (eds.), Contributions to historical linguistics: issues and materials, Leiden: E. J. Brill, pp. 34–199, ISBN 978-90-04-06130-9.
• Chinn, Ann-ping (2007), The Authentic Confucius, Scribner, ISBN 0-7432-4618-7
• Ebrey, Patricia Buckley; Walthall, Anne; Palais, James B. (2006), East Asia: A Cultural, Social, and Political History, Boston: Houghton Mifflin Company, ISBN 0-618-13384-4
• Gernet, Jacques (1996), A History of Chinese Civilization (Second ed.), Cambridge University Press, ISBN 0-521-49781-7
• Hucker, Charles O. (1978), China to 1850: A short history, Stanford University Press, ISBN 0-8047-0958-0
• Krech, Volkhard; Steinicke, Marian (2011). Dynamics in the History of Religions between Asia and Europe: Encounters, Notions, and Comparative Perspectives. Brill. ISBN 9004225358. Retrieved 30 December 2014. {{cite book}}: Invalid |ref=harv (help)
• Khayutina, Maria (2003), "Where Was the Western Zhou Capital?", The Warring States Working Group, WSWG-17, Leiden, Germany: Warring States Project, p. 14, archived from the original (PDF) on 2010-05-29, retrieved 2016-11-13
• Schirokauer, Conrad; Brown, Miranda (2006), A Brief History of Chinese Civilization (Second ed.), Wadsworth: Thomson Learning, pp. 25–47
• Shaughnessy, Edward L. (1988), "Historical Perspectives on The Introduction of The Chariot Into China", Harvard Journal of Asiatic Studies, 48 (1): 189–237, doi:10.2307/2719276, JSTOR 2719276
• Shaughnessy, Edward L. (1999), "Western Zhou History", in Loewe, Michael; Shaughnessy, Edward L. (eds.), The Cambridge History of Ancient China, pp. 292–351, ISBN 978-0-521-47030-8
• Wu, K. C. (1982), The Chinese Heritage, New York: Crown Publishers, ISBN 0-517-54475-X

• Fong, Wen, ed. (1980), The great bronze age of China: an exhibition from the People's Republic of China, New York: The Metropolitan Museum of Art, ISBN 978-0-87099-226-1.
• Lee, Yuan-Yuan; Shen, Sinyan (1999), Chinese Musical Instruments, Chinese Music Monograph Series, Chinese Music Society of North America Press, ISBN 978-1-880464-03-8.
• Li, Feng (2006), Landscape and Power in Early China: The Crisis and Fall of the Western Zhou 1045–771 ബി.സി., Cambridge University Press, ISBN 978-0-521-85272-2.
• Shen, Sinyan (1987), "Acoustics of Ancient Chinese Bells", Scientific American, 256 (4): 94, doi:10.1038/scientificamerican0487-104.
• Sun, Yan (2006), "Cultural and Political Control in North China: Style and Use of the Bronzes of Yan at Liulihe during the Early Western Zhou", in Mair, Victor H. (ed.), Contact and Exchange in the Ancient World, Honolulu: University of Hawai'i Press, pp. 215–237, ISBN 978-0-8248-2884-4.
• Wagner, Donald B. (1999), "The Earliest Use of Iron in China", in Young, S. M. M.; Pollard, A. M.; Budd, P.; Ixer, R. A. (eds.), Metals in Antiquity, Oxford: Archaeopress, pp. 1–9, ISBN 978-1-84171-008-2. {{citation}}: Unknown parameter |displayeditors= ignored (|display-editors= suggested) (help)

Wikimedia Commons has media related to Zhou Dynasty.

• Chinese Text Project, Rulers of the Zhou period – with links to their occurrences in pre-Qin and Han texts.