Baruch S. Blumberg
Baruch Samuel Blumberg (28. juli 1925–5. april 2011) var ein USA-amerikansk lækjar, nobelprisvinnar og president i American Philosophical Society. Blumberg vann nobelprisen i medisin i 1976 saman med Daniel Carleton Gajdusek.
Biografi
Blumberg voks opp i Brooklyn, New York City. Han fullførte doktorgraden sin i 1957 ved Balliol College i Oxford i England. I 1976 fekk han så nobelprisen «for sine oppdagingar rundt nye mekanismar til opphavet og utspreiinga av infeksjonssjukdomar.» Frå 1964 har han vore medlem i Fox Chase Cancer Center i Philadelphia.
Blumberg har identifisert fleire farlege virus gjennom karrieren sin. Eitt av desse er Hepatitt B-viruset, som han også har utvikla ein vaksine mot.
Sidan 1977 har han vore universitetsprofessor i medisin og antropologi ved University of Pennsylvania, og frå 1989 til 1994 var han Master of Balliol College i Oxford. Frå 1999 til 2002 var han direktør ved NASA Astrobiology Institute.
Kjelder
- Engelsk Wikipedia og bokmålswikipedia om Blumberg, henta inn 16. april 2011.