Panamapapira

Panamapapira (engelsk: Panama Papers), Panama-dokumenta, Panama-avsløringane eller Panama Papers-lekkasjen, er ei offentliggjering av omtrent 11,5 millionar dokument som vart leke ut frå advokatfirmaet Mossack Fonseca i Panama.^[1][2] Dokumenta, som vart leke ut 3. april 2016, viste at advokatfirmaet hadde hjelpt ei stort mengd rike og kjende personar verda over i plassering av pengar og eigarskap i såkalla skatteparadis.^[3] Dokumenta namngjev over 500 bankar, 214 000 verksemder og fleire statsoverhovud, politikarar og milliardærar, inkludert rundt 200 norske kundar.^[4]

Dokumenta vart først leke ut av ein varslar til to journalistar, Bastian Obermayer og Frederik Obermaier i den tyske avisa Süddeutsche Zeitung.^[5] Dei to journalistane delte seinare opplysningane med International Consortium of Investigative Journalist (ICIJ). Den 3. april 2016 vart saka offentleggjort samstundes i 109 aviser, online-medium og fjernsynsstasjonar i 76 land.^[6] Det har ikkje vorte gjort kjent korleis dokumenta har vorte skaffa fram, men Mossack Fonseca har omtalt det som eit datainnbrot.^[7]

Dokumenta har avslørt informasjon som har hjelpt til at éin statsminister sa opp stillinga si, og at Panama «har avgjort å innføra internasjonale skatterapporteringsstandarder».

Panama Papers-prosjektet fekk Pulitzer-prisen i 2017.^[8]