Shenzhen

Shenzhen er ein storby i den kinesiske provinsen Guangdong ved kysten mot Sørkinahavet. Byen ligg på austbreidda av estuaret til Perlefloda, tett opp mot Hongkong. Eit overslag over folketalet innanfor bygrensene var 8,9 millionar i 2009.

Shenzhen
Andre namn	Shēnzhèn
Det sentrale forretningsdistriktet i Shenzhen Det sentrale forretningsdistriktet i Shenzhen
Styresmakter
Land Provins	Folkerepublikken Kina Guangdong
Geografi
Flatevidd	1 997,27 km²
Flatevidd - By	2,050 km²
Innbyggjarar - By (2009)	8,912,300
Koordinatar	22°33′N 114°06′E / 22.550°N 114.100°E / 22.550; 114.100
Høgd over havet	25 m
Tidssone	UTC + 8 (UTC+8)
Diverse anna
Telefon-retningsnummer	755
Bilnummer	B
Heimeside: http://sz.gov.cn

I 2017 hadde Shenzhen eit estimert registrert folketal på 12 905 000.^[1] Politi og styresmakter i byen estimerer at det verkelege folketalet er rundt 20 millionar, på grunn av store mengder kortvarig busette og uregistrerte innbyggjarar og andre tilreiste.^[2]^[3]

Historie

Det har vore busetnad i området i 6000 år. Historia til Shenzhen kan delast inn i fire periodar:

Baiyue-stammane (forhistorisk tid til 1573): Under Xia- og Shang-dynastia var Shenzhen ein tilhaldsstad for baiyue-stammane, som var sjøfarande folk. Dei som budde her var kalla nanyue, ei sørleg gruppe av hiyue-folket. Dei livnærte seg for det meste av fiske.
Eige «fylke» (1573-1841): I 1573 vart det organisert eit fylke kalla Xinan i det området som i dag er Shenzhen og Hongkong. Dette var ein del av militærområdet Dongguan. Fylkeshovudstaden var i Nantou. Salt, te, krydder og ris vart berande for økonomien i fylket.
Territorielle konsesjonar til Storbritannia (1842-1898): Nanjingtraktaten som vart påtvinga kinesarane av britane vart underteikna den 24. juli 1842. Traktaten legitimerte den britiske overtakinga av Hongkongøya sør i Xinan fylke. Den 11. januar 1890 vart også Kowloon-halvøya avstått til Storbritannia (Pekingkonvensjonen), og den 21. april 1898 vart Qing-dynastiet tvinga til å «leige ut» det såkalla New Territories til Storbritannia for ein periode på 99 år. Dette området kosta Xinan ytterlegare 1 055,61 km² av totalt 3 076 km². I 1913 fekk Xinan fylke det nye namnet Bao'an fylke, for å hindre forveksling med fylket Xin'an i provinsen Henan.
Grunnlegginga av Shenzhen (1979). I mars 1979 vart Bao'an fylke omgjort til byen Shenzhen. I 1980 vart byen utpeika som ei «spesiell økonomisk sone», den første av desse i landet.^[4]

Styresmakter

Leiaren for lokallaget til Kinas kommunistparti er Wang Weizhong, og borgarmeisteren er Chen Rugui (2020).

Kjelder

Denne geografiartikkelen som har med Kina å gjere, er ei spire. Du kan hjelpe Nynorsk Wikipedia gjennom å utvide han.

[1]

[2]

[3]

[4]