1 Presense an echip e grije da grand mach contà për ij campionà nassionaj. * Presense (Grije)
Edison Arantes do Nascimento (Três Corações, Brasil, 23 d'otóber dël 1940 - San Pàul ëd Brasil, 29 dzémber 2022), pì arnomà coma Pelé, a l'é stàit un fotbaleur brasilian ciamà con lë stranòm ëd "re".
A l'é stàit un dij mèj fotbaleur ëd la stòria mersì a soa abilità a marché grije da qualsëssia posission e për soa giustëssa ant ij passagi. Furnìa soa cariera da giugador a l'é stàit ministr brasilian për lë spòrt, e ambassador për l'UNESCO. A l'é 'dcò stàit ator ant ël film Escape to Victory dël 1981.
La part pì gròssa dla cariera 'd Pelé a l'ha passala ant la squadra brasilian-a dël Santos, sossietà anté che a l'ha giugà soa prima partìa a 16 ani an marcand na grija. Soa vita sportiva a l'é sempre stàita gropa a costa società andoa a l'ha vagnà doe Cope Libertadores, na Copa dle Cope Sudamerican-a, na Copa Intercontinental, 15 campionà brasilian e 5 Cope dël Brasil fin-a 'l 1975 quandi a l'é stàit vendù aj New York Cosmos, squadra dla North American Soccer League.
Ant soa cariera Pelé a l'ha pa mai giugà an Euròpa e donca a l'é stàit l'ùnich sudamerican tra ij pì fòrt ëd la stòria ch'a l'ha squasi mai chità sò pais (antramentre che Maradona, Ronaldo, Alfredo Di Stefano e Ronaldinho a l'han fàit ëd bon-e esperiense europenghe).
Sò nòm a l'é intrà ant ël lìber dij primà coma giugador che a l'ha marcà pì grije ant la stòria (1279 grije dal 1956 al 1977), coma fotbaleur pì giovo ch'a l'ha giugà na partìa final dël mondial (ai 19 ëd giugn dël 1958 quand a l'avìa nomach 17 ani a Göteborg contra la Svessia).
Selession nassional
A l'ha vagnà tre vire la Copa dël Mond (1958, 1962, 1970) con soa selession nassional ansema a giugador coma Mario Zagallo, Garrincha, Didì, Vavà, Zico, e via fòrt.
Ij nùmer
Partìe giugà: 1366
Grije marcà: 1282
Record ëd grije marcà ant na partìa: 8 grije, ai 21 ëd novèmber dël 1964, ant la partìa Santos 11 - Botafogo 0
Partìe con la selession brasilian-a: 115
Grije con la selession brasilian-a: 103
Marcador pì giovo dël Campionà Paulista: 1957 - Santos (a 17 ani)
Campion Mondial pì giovo: 1958 - Brasil (17 ani)
Record ëd grije ant na stagion: 1959 - 127 grije
Record ëd grije ant la stòria dla selession brasilian-a: 95 grije
Recòrd ëd grije coma fotbaleur professionista: 1199 grije
Pì granda transassion ëd vèndita ant ël fótbal prima dla fin dj'agn 1970: 1975 - Per ël Cosmos (US$ 7 milions)
Grije
Campionà Paulista
1957 - Santos (17 grije)
1958 - Santos (58 grije)
1959 - Santos (45 grije)
1960 - Santos (33 grije)
1961 - Santos (47 grije)
1962 - Santos (37 grije)
1963 - Santos (22 grije)
1964 - Santos (34 grije)
1965 - Santos (49 grije)
1969 - Santos (26 grije)
1973 - Santos (11 grije)
Copa Amèrica
1959 - Brasil (8 grije)
Copa Brasil
1961 - Santos (9 grije)
1963 - Santos (12 grije)
Torneo Rio-São Paulo
1961 - Santos (7 grije)
1963 - Santos (15 grije)
1964 - Santos (3 grije)
1965 - Santos (7 grije)
Mondial Interclubs
1962 - Santos (3 grije)
Copa Libertadores d'América
1963 - Santos (11 grije)
Grija nùmer 1000
A l'ha marcala aj 19 ëd november dël 1969 ant soa partìa nùmer 909, ant la vitòria dël Santos sël camp Vasco da Gama.