රන්මය අනුපාතය

රන්මය නියමය, දින දර්ශන අධ්‍යයනයේ දී සහ තාරකා විද්‍යාවේ දී වර්ෂ නිරූපණයට ගන්නා රන්මය සංඛ්‍යා, අන්ත දෙකක් අතර ‍පවතින ඉතා යෝග්‍ය මධ්‍යන්‍ය හෙවත් රන්මය මධ්‍යන්‍ය දර්ශනවේදය , යනාදිය සමඟ පටලවා නොගත යුතුය.

ගොනුව:1064.jpg

රන්මය ඡේදයක් යනු රන්මය අනුපාතයට අනුව දෙකට බෙදා ඇති රේඛා ඛණ්ඩයකි. රේඛා ඛණ්ඩයේ මුළු දිග වන a+b , දිගින් වැඩි ඡේදය වන , a ට දරන අනුපාතය , a වඩාත් කුඩා ඡේදය වන b දරණ අනුපාතයට සම වේ.

ගණිත සහ කලා ක්ෂේත්‍රවලදී සලකනු ලබන අගයන් දෙකක් සඳහා ඒවායේ ඓක්‍යය ඒවා අතරින් විශාල අගයට දරන අනුපාතය, විශාල අගය කුඩා අගයට දරන අනුපාතය, සමාන වේ නම් එම අගයයන් රන්මය අනුපාතයෙන් පවතී යැයි කියනු ලැබේ. රන්මය අනුපාතයේ අගය 1.6180339887 පමණ වේ.

අවම වශයෙන් පුනරුද සමයේ පටන් බොහෝ කලාකරුවන් හා ගෘහ නිර්මාණ ශිල්පීන් සිය ක්‍රියාකාරකම් සඳහා රන්මය අනුපාතයට ආසන්න අගයයන් භාජක කර ඇත. මෙම යෙදුම් අතර රන්මය සෘජුකෝණාස්‍රය වැඩි වශයෙන් දැකගත හැකි අතර එහි දිගු පාදය කෙටි පාදයට දරන අනුපාතය රන්මය අනුපාතයට සම වේ. මෙසේ රන්මය අනුපාතය යෙදීම කලාත්මකව වඩාත් ආකර්ශනීය බව විශ්වාස කෙරුණි. රන්මය අනුපාතයේ අනන්‍ය හා ආකර්ශණීය ගුණ හේතුවෙන් ගණිතඥයින් විසින් ද එය අධ්‍යයනය කර ති‍බේ.

රන්මය අනුපාතය ගණිතමය නියතයක් ලෙස ප්‍රකාශ කළ හැකි අතර සාමාන්‍යයෙන් ගොනුව:1064-3.jpg (ෆයි) නම් ග්‍රීක අක්ෂරයේ නිරූපණය කෙරේ. ඉහත රන්මය ඡේදයේ රූප සටහන මඟින් මෙම නියතය අර්ථ දැක්වීමට යෙදෙන ජ්‍යාමිතික සම්බන්ධතාව ආදර්ශනය කෙරේ. වීජ ගණිතය ඇසුරෙන් රන්මය අනුපාතය පහත පරිදි ප්‍රකාශ කළ හැක.

ගොනුව:1064-1.jpg

මෙම සමීකරණ‍යේ විසඳුම සඳහා පහත දැක්වෙන අනන්‍ය ධන වීජ ගණිතමය අපරිමේය සංඛ්‍යාව ලැබේ.

ගොනුව:1064-2.jpg

රන්මය අනුපාතය වෙනුවෙන් හෝ ආශ්‍රිතව යෙදෙන අනෙක් වචන අතරට රන්මය ඡේදය (ලතින් බසින් sectio aurea) රන්මය මධ්‍යන්‍යය, රන්මය සංඛ්‍යාව සහ ෆයි (ගොනුව:1064-3.jpg ) නම් ග්‍රීක අක්ෂරය යනාදිය අයත් වේ.

ආද්‍යත්ත හා මධ්‍යන්‍ය අනුපාතය, මධ්‍ය ඡේදය , දිව්‍යමය සමානුපාතය (ඉතාලි බසින් proporzione divina) දිව්‍යමය ඡේදය (ලතින් බසින් sectio divina) රන්මය සමානුපාතය, රන්මය කැපුම සහ ෆීඩියාස්ගේ මධ්‍යන්‍යය යනාදිය මේ හා සම්බන්ධව හමුවන අනෙකුත් යෙදුම් අතර වේ.