Gennaro Gattuso

Karriera e hershme

Gattuso e filloi karrierën e tij me skuadrën umbriajane, Perugia, por në moshën 19 vjeçare u transferua tek skuadra skoceze e Rangers FC.

Walter Smith, i cili e solli Gattuson në Glasgow, u largua nga skuadra në vitin 1998. Pasardhësi i Smithit, Dick Advocaat, nuk e favorizonte Gattuson dhe, pasi që u luajt jashtë pozicionit të tij si mbrojtës krahu në të djathtë, italiani në tetor të vitit 1998 u shit tek skuadra e sapo promovuar në Seria A, Salernitana për 4 milionë £. Pavarësisht shfaqjeve të tija të mira, nuk ishte e mjaftueshme për të mbajtur skuadrën në Serie A.

Milan

Gattuso u ble nga AC Milani për 8 milionë €. Stili i tij i mundësoi menaxherit të Milanit Carlo Ancelotti të vendos mesfushorin Andrea Pirlo në një pozicion më të avancuar ku Gattuso luante më thellë në mesfushë. Ai shkonte më përpara për ta fituar topin për bashkë-lojtarët e tij sulmues dhe pastaj përsëri kthehej në pozicionin e tij mbrojtës. Stili i tij i lojës karakterizohet me ndërhyrje të ashpra dhe shumë punë – një stili i cili i ka dhënë atij pseudonimin Ringhio (Hungërima). Ai nënshkroi zgjatje të kontratës në qershor të vitit 2003 dhe në tetor të vitit 2004.

Ai e luajti ndeshjen e tij të 300-të për skuadrën në një barazim pa gola në Ligën e Kampionëve kundrejt Lilleit më 26 shtator 2006, dhe ai e vazhdoi kontratën e tanishme të tij me Milanin deri në vitin 2011 më 1 shkurt 2007. Më 23 maj 2007, Gattuso e fitoi Ligën e Kampionëve për të dytën herë në karrierën e tij kur Milani i fitoi Liverpool 2–1 në finale.

Më 27 dhjetor 2007, Gattuso trajnoi me ish skuadrën e tij të Rangersit për të rifituar formën e tij gjatë pushim dimëror në Serie A përderisa bashkëshortja e tij e vizitoi familjen e saj në Skoci gjatë krishtlindjeve. dhjetorin e ardhshëm, Gattuso pëso një shqyerje të ligamentit anterior cruciate herët në fitoren 1-0 kundrejt Catanias. Megjithatë, pavarësisht lëndimit, Gattuso i luajti të gjitha 90 minutat para se të diagnostikohej nga mjekët e skuadrës pas mbarimit të ndeshjes. Ai bëri një operacion për të shëruar lëndimin më 19 dhjetor 2008, në Antwerp. Pritej që të humbasë deri 6 muaj, por arriti që të kthehet në stolin e Milanit më 10 maj në ndeshjen kundrejt Juventusit, një muaj përpara të parashikuarës.

Më 14 dhjetor 2009 u konfirmua që Gattuso do të qëndrojë me AC Milanin deri më 30 qershor 2012, duke i shtuar edhe një vit tjetër kontratës së tij.

Sezoni Serie A 2010-11 me Milanin ishte një nga sezonet më të mirë në karrierën e tij, duke i dhënë fund mos-shënimit të golave për tre vjet, një gjuajte me këmben e majtë jashtë zonës së penalltisë duke qenë goli i vetëm kundrejt Juventusit më 5 mars 2011. Gattuso më vonë festoi edhe një gol tjetër në fitoren 4-1 kundrejt Cagliari Calcio një gjuajtje nga distanca me kokë kur portieri nuk ishte në vijën e tij. Gattuso e festoi fitimin e Scudettos së 18-të të AC Milanit në barazimin pa gola me Romën.

Gattuso përjetoi probleme me sytë në fillim të shtatorit të vitit 2011, pak ditë para se të fillojë sezoni i ri. Më 9 shtator 2011, Gattuso u ndesh me shokun e skuadrës Alessandro Nesta në ndeshjen kundrejt Lazios në lojën hapëse të Milanit për sezonin 2011-12. Ai menjëherë u zëvendësua (në minutën e 20-të) dhe u diagnostikua më paralizë të nervit të gjashtë kafkor, duke shkaktuar diplopi në syrin e tij të djathtë, një lëndimin i cili mund t’i jepte fund karrierës së tij futbollistike. Më voni ai kishte zbuluar se e kishte parë shokun e skuadrës Zlatan Ibrahimovic në katër vende të ndryshme gjatë fillimit të ndeshjes, dhe ka qenë i paaftë të shohë Nestën, që rezultoi me përplasjen e tyre.

Polemikat

Në fazën me grupe në Ligën e Kapionëve në ndeshjen kundrejt Ajaxit në shtator të vitit 2003, ai u ndëshkua me karton të kuq gjatë pjesës së dytë në kohën shtesë pasi që e goditi sulmuesin e Ajaxit, Zlatan Ibrahimović në fytyrë e pjesën e prapme të dorës. Temperamenti i tij i ka shkaktuar edhe më shumë probleme kur në dhjetor të vitit 2005, në bilbilin përfundimtar në fitoren 3-2 kundrejt Schalke 04 në Ligën e Kampionëve, Gattuso e kërkoi dhe e gjeti mesfushorin e Schakles Christian Poulsen për ta përqeshur si një reagim ndaj tij i cili ishte shumë i ashpër drejt Kakás në ndeshjen e parë. Gattuso insistoi se shtypi e ka ekzagjeruar domethënien e incidentit.

Më 15 shkurt 2011, gjatë ndeshjes së Milanit në Ligën e Kampionëve kundrejt Tottenham Hotspur, Gattuso e shtyu trajnerin Joe Jordan për fyti gjatë një incidenti në vijnë anësore. Jordan ishte jashtë vendit ku duhet të qëndrojë si teknik duke shkëmbyer fjalë me Gattuson, në lidhje me lojën relativisht fizike që e bënin ata. Pas ndeshjes, pasi që Gattuso kishte dhënë duart me lojtarët e Tottenhamit, pamjet filmike tregojnë atë duke u përballur me Joradnit dhe duke i rënë atij me kokë pas një shkëmbimi tjetër të fjalëve, para se të pengohet nga bashkë-lojtarët dhe oponentët. "E humba kontrollin. Nuk ka asnjë arsyetim për atë që e bëra. Marr përgjegjësitë e mia mbi këtë," tha 33 vjeçari Gattuso dhe gjithashtu theksoi se Jordani e ka provokuar atë gjatë gjithë ndeshjes por refuzoi të tregojë se çfarë kanë qenë fjalët e tij. Megjithatë, gazetat raportuan se Joe Jordan ka përdorur fjalë ksenofobike, thirrje fyese gjatë ndeshjes duke e thirrur Gattuson "fucking Italian" nga vija anësore. Ditën e nesërme u njoftua se UEFA kërkonte sanksionime shtesë ose dënim për veprimet e Gattusos kundrejt Jordanit një ditë më parë dhe u ngarkua me "sjellje të vulgare josportive". Gattuso më vonë u pezullua për pesë ndeshje në Ligën e Kampionëve. Një për akumulim të kartonit të verdhë, katër të tjerat ishin për incidentin me Jordanin. Trajneri i Tottenhamit gjithashtu morri një pezullim nga UEFA për përfshirjen e tij në incident.

Gattuso ka luajtur 73 ndeshje për vendin e tij dhe ka luajtur në Lojërat Olimpike Verore 2000, Kampionatin Botëror të Futbollit 2002, EURO 2004, Kampionatin Botëror të Futbollit 2006, EURO 2008, Kupa e Konfederatave 2009 dhe Kampionatin Botëror të Futbollit 2010.

Ai ishte një nga lojtarët kyç në kombëtaren italiane e cila fitoi Kupën Botërore, duke e fituar çmimin Lojtari i Ndeshjes në fazën e eliminimit në Kampionatin Botëror 2006 kundrejt Ukrainsë. Ai dhe Andrea Pirlo formuan një partneritet të frikshëm në zemër të mesfushës. Gattuso arritu famë të madhe për festimet e tija pas ndeshjeve pasi që Italia e fitoi Kupën Botërore, gjatë të cilës ai i hoqi shorcet e tija dhe vrapoi nëpër fushë me të brendshme, derisa zyrtarët e FIFA-s e detyruan që t’i veshë përsëri.

Në EURO 2008, kur ata të dy duhej të humbasin ndeshjen e çerekfinales kundrejt Spanjës për shkak të kartonëve të verdhë të akumuluar, trajneri Roberto Donadoni e kishte vështirë për të gjetur zëvendësim sepse asnjë prej lojtarëve rezervë nuk mundej të përputhej me kontributin e dyshes së Milanit. Italia e humbi ndeshjen 4-2 pas ekzekutimit të penalltive. Në qershor to vitit 2010, ai njoftoi se do të pensionohet nga kombëtarja pas Kampionatit Botëror të Futbollit 2010.

Milan

Më 27 nëntor 2017, Vincenzo Montella u shkarkua si trajner i ekipit të parë të Milanit, dhe më pas u zëvëndësua nga Gattuso, i cili la postin e trajnerit të ekipit nën-19.^[1]

Ai mu martua me Monica Romano (një vajzë skoceze me origjinë italiane), të cilën e takoi kur luante me Rangersin në një ndeshje ekspozimi në Tornto, Kanada. Çifti kaluan bashkë për një kohë të gjatë para se të martohen. Ata kanë një vajzë, Gabriella (lindur më 20 qershor 2004), dhe një djalë, Francesco (lindur më 8 nëntor 2007). Monica është motra e korrespondentes së GMTV-së nga Los Anxheles, Carla Romano.

Në janar të vitit 2010, Gattuso hapi një dyqan peshku në Gallarate, një qytet në provincën e Varezes, ku mesfushori ka jetuar për tetë vite. Ai pohoi se frymëzimi për ushqim dhe ngrënie ishte i mostrës së kuzhinës britanike përderisa ai luante për Rangersin.

¹Kompeticionet evropiane përfshijnë Ligën e Kampionëve, Kupa UEFA and Super Kupa UEFA
²Turnirë të tjerë përfshijnë Super Kupën e Italisë, Kupën Interkontinetale dhe FIFA Kupën Botërore të Klubeve

Statistikat me kombëtaren italiane

Golat me kombëtaren

Si lojtar

Klube

Perugia Youth^[2]

• Trofeo Giacinto Facchetti: 1995–96

Milan^[2]

• Serie A: 2003–04, 2010–11
• Coppa Italia: 2002–03
• Supercoppa Italiana: 2004, 2011
• UEFA Liga e Kampioneve: 2002–03, 2006–07
• UEFA Super Kupa: 2003, 2007
• FIFA Kupa e Botës për Klube: 2007

Kombëtarja

Italia nën-21^[2]

• UEFA Kampionati Evropian nën-21 i Futbollit: 2000

Italia^[2]

• FIFA Kupa e Botës: 2006

Personale

• Ekipi All-Star i FIFA Kupës së Botës: 2006
• Premio Nazionale Carriera Esemplare "Gaetano Scirea": 2012^[3]
• FIFPro World XI: I nominuar 2005, 2006, 2007, 2008^[4]
• I përfshirë në Hollin e Famës të A.C. Milan^[5]

Urdhëra

Klasi i 4të / Oficer: Ufficiale Ordine al Merito della Repubblica Italiana:(2006)

Klasi i 5të / Kalorës: Cavaliere Ordine al Merito della Repubblica Italiana:(2000)

• Official website - Transclusion error: {{En}} is only for use in File namespace. Use {{lang-en}} or {{in lang|en}} instead.
• Footballdatabase profile and stats - Transclusion error: {{En}} is only for use in File namespace. Use {{lang-en}} or {{in lang|en}} instead.
• Eccezzziunale... veramente 2 - The Internet Movie Database - Transclusion error: {{En}} is only for use in File namespace. Use {{lang-en}} or {{in lang|en}} instead.