சைலுரிடே
| சைலுரிடே | |
|---|---|
 | |
| பலாக்ரோனோடசு அபோகன் | |
| உயிரியல் வகைப்பாடு | |
| திணை: | |
| பிரிவு: | |
| வகுப்பு: | |
| வரிசை: | |
| குடும்பம்: | சைலுரிடே குவியெர், 1816 |
| மாதிரிப் பேரினம் | |
| சைலுரசு | |
| பேரினம் | |
சைலுரிடே (Siluridae) என்பது சைலுரிபார்மிசு வரிசையில் உள்ளகெளிறு மீன் குடும்பமாகும். இதில் இன்றைக்கு சுமார் 105 சிற்றினங்கள் 12 அல்லது 14[3] பேரினத்தின் கீழ் வைக்கப்பட்டுள்ளன.
ஐரோப்பா மற்றும் ஆசியாவின் பெரும்பகுதி முழுவதும் சைலூரிபார்மிசு மீன்கள் காணப்பட்டாலும், இவை தென்கிழக்கு ஆசியாவில் மிகவும் வேறுபட்டவை. இதைத் தவிரக் கிழக்கு ஆசியா, இந்தியத் துணைக்கண்டம், தென்மேற்கு ஆசியா மற்றும் ஐரோப்பாவில் இவற்றின் பன்முகத்தன்மை குறைகிறது. சைலுரிபார்மிசு மத்திய ஆசியாவின் பெரும்பகுதியில் காணப்படவில்லை.[3] சைலுரிடே குடும்பத்தை இரண்டு பெரும் குழுக்களாகப் பிரிக்கலாம். இதில் ஒன்று மிதவெப்ப வடக்கு ஐரோவாசிய இனக்குழு மற்றும் மிகவும் மாறுபட்ட மிதவெப்பமண்டல/வெப்பமண்டல தெற்கு மற்றும் தென்கிழக்கு ஆசிய இனக்குழு ஆகும்.[3]
குறிப்பிடத்தக்க சிற்றினங்கள்
- வெல்சு கெளிறு, சிலுரஸ் கிளானிசு
- பாண்டம் கெளிறு, கிரிப்டோப்டெரசு விட்ரோலசு
- வாலகோ ஆட்டு
- வாலகோனியா லீரி
- அரிஸ்டாட்டில் கெளிறு
- அமுர் கெளிறு
- பலாக்ரோனோடசு அபோகன்
- ஓம்போக்
பொதுவான பண்புகள்
சிலுரிடே குடும்பம் மிகவும் வேறுபட்ட சிற்றினங்களைக் கொண்டது. இருப்பினும் அனைத்து சிற்றினங்களுக்கிடையில் தனித்துவமான வேறுபாடுகள் இல்லை. ஆனால் சில முக்கிய வகைகளில் இராட்சத மற்றும் சிறு கெளிறு மீன் வழக்கமாகக் கொண்டிருக்கும் பண்புகளில் சிறிய துடுப்புகள் மற்றும் மீசை போன்றவை அடங்கும். இந்த கெளுத்தி மீன்களுக்கு இவற்றின் முதுகுத் துடுப்புகள் அல்லது கொழுப்புத் துடுப்புகளில் முதுகெலும்பு முட்கள் இல்லை. மேலும் இவற்றின் இடுப்புத் துடுப்புகள் சிறியதாகவோ அல்லது இல்லாததாகவோ இருக்கும். குத துடுப்பு அடித்தளம் பொதுவாக மிக நீளமாக இருக்கும்.[1] இந்தக் குடும்பத்தில் உள்ள மிகப்பெரிய சிற்றினம் வேல்சு கெளிறு சிலுரசு கிளானிசு ஆகும்.[1] இது 3 m (9.8 அடி)க்கும் மேற்பட்ட நீளமும் 300 lb (140 kg) வரை எடையும் கொண்டது.
மேற்கோள்கள்
- 1 2 3 Bornbusch, A.H. (1995).