மோக்லி: லெஜண்ட் ஆஃப் த ஜங்கிள்

ஓநாய்களால் வளர்க்கப்படும் சிறுவன் மொக்லி - ரோஹன் சந்த்

காலனித்துவ வேட்டைக்காரர் - ஜான் லாக்வுட்

மெசுவா என்ற பெண் - ப்ரீடா பிண்டோ

குரல் பதிவுகள்

பகீரா (கருஞ் சிறுத்தை) - கிறிஸ்டின் பேல்

பாலு (இமயமலை பழுப்பு நிறக்கரடி) - ஆண்டி செர்கிஸ்

ஷேர்கான் (வங்காள புலி) - பெனடிக் கம்பெர்பாட்ச்

மலைப்பாம்பு - கேட் பிளான்செட்

கோடிட்ட கழுதைப்புலி - டாம் ஹாலேண்டர்

அகிலா (ஓநாய்) - பீட்டர் முல்லன்

மோக்லியின் வளர்ப்புத் தாயான இந்திய ஓநாய் - நவோமி ஹாரிஸ்

மோக்லியின் வளர்ப்பு தந்தையான இந்திய ஓநாய் - எடி மார்சன்

2012 ஆம் ஆண்டில் வார்னர் பிரதர் பிக்சர்ஸ் ஸ்டிவ்ஸ் க்ளோவ்ஸுடன் திரைப்படத்தை எழுதுவதற்கும், இயக்குவதற்கும், தயாரிப்பதற்கும் பேச்சுவார்த்தைகளில் ஈடுபட்டுள்ளதாக அறிவித்தது. 2013 ஆம் ஆண்டு திசம்பரில் க்ளோவ்ஸ் இப்படத்தை தயாரிப்பார் என்று தெரிவிக்கப்பட்டது.^[2] க்ளோவ்ஸின் மகள் காலி க்ளோசுடன் அலெசான்ட்ரோ கோன்சலஸ் இரிருட்டு படத்தின் இயக்கத்திற்காக பேச்சுவார்த்தைகளில் ஈடுபட்டார். இருப்பினும் முரண்பாடுகளன் காரணமாக கோன்சலஸ் இரிருட்டு திரைப்படத்தில் இருந்து விலகினார்.^[3] 2014 ஆம் ஆண்டில் ஆண்டி செர்கிஸ், தி இமாஜினேரியத்தின் ஒத்துழைப்பாளரான ஜொனாதன் கேவென்டிசுடன் இணைந்து இந்த படத்தை இயக்கி தயாரிப்பார் என்று அறிவிக்கப்பட்டது.^[4] தயாரிப்பு வடிவமைப்பாளராக ஃப்ரீமேன், ஆடை வடிவமைப்பாளராக அலெக்சான்ட்ரா பைர்ன் ஆகியோர் பணியாற்றினார்கள்.

2014 ஆம் ஆண்டில் சேர்கானின் எதிர்மறையான கதாப்பாத்திரத்திற்கு குரல் கொடுப்பதற்காக பெனடிக்ட் கம்பெர்பாட்ச் படத்தில் இணைந்தார்.^[5] கிறிஸ்டியன் பேல், கேட் பிளான்செட், நவோமி ஹாரிஸ், டாம் ஹாலண்டர், எடி மார்சன், பீட்டர் முல்லன் மற்றும் ரோஹன் சந்த் ஆகியோர் நடிப்பதாக மறுநாள் அறிவிக்கப்பட்டது.^[6] 2015 ஆம் ஆண்டு மார்ச் 9 அன்று முதன்மை புகைப்படம் எடுத்தல் தொடங்கியது.^[7] இது தென்னாப்பிரிக்காவிலும், இங்கிலாந்தின் லீவ்ஸ்டனில் உள்ள வார்னர் பிரதர்ஸ் ஸ்டுடியோவிலும் படமாக்கப்பட்டது.^[8]

இந்த திரைப்படத்திற்கு முதலில் ஜங்கிள் புக்: ஆரிஜின்ஸ் என்று பெயரிடப்பட்டது. 2016 அல் வெளியிடுவதாக தெரிவிக்கப்பட்டது. 2016 ஆம் ஆண்டில் வால்ட் டிஸ்னியின் த ஜங்கிள் புக் என்ற திரைப்படத்தின் வெளியீட்டினால் இந்த திரைப்படத்தின் 2018 ஆம் ஆண்டில் வெளியிட மாற்றியமைக்கப்பட்டது.^[9] 2017 ஆம் ஆண்டில் திசம்பரில் அதிகாரப்பூர்வ தலைப்பு மொக்லி என மாற்றப்பட்டது.^[10] இந்த திரைப்படத்தின் முன்னோட்டம் 2018 ஆம் ஆண்டு மே 21 அன்று திரையிடப்பட்டது.

2018 ஆம் ஆண்டில் சூலையில் நெட்பிக்ஸ் இந்த திரைப்படத்தின் உலகளாவிய விநியோக உரிமையை வார்னர் பிரதர்ஸ் நிறுவனத்திடமிருந்து வாங்கியதாகவும் 3டி வெளியிட்டு திகதியை  நிர்ணயிக்கும் என்றும் அறிவிக்கப்பட்டது.^[11] 2018 ஆம் ஆண்டில் நவம்பர் 7 அன்று இந்த திரைப்படத்திற்கான புதிய முன்னோட்டத்தை நெட்ஃபிக்ஸ் வெளியிட்டது. மொக்லி: லெஜண்ட் ஆஃப் தி ஜங்கிள் திரைப்படம் 2018 ஆம் ஆண்டில் நவம்பர் 18 ஆம் திகதி மும்பையில் உலகத் திரையிடலைக் கொண்டிருந்தது. முதன் முறையாக ஹாலிவுட் திரைப்படம் இந்தியாவில் திரையிடலை கொண்டிருந்தது.^[12]