ఆంటోని రాజు
ఆంటోని రాజు కేరళ రాష్ట్రానికి చెందిన రాజకీయ నాయకుడు. ఆయన రెండుసార్లు ఎమ్మెల్యేగా ఎన్నికై విజయన్ రెండవ మంత్రివర్గంలో 2021 మే 2 నుండి 2023 డిసెంబరు 24 రాష్ట్ర రవాణా శాఖ మంత్రిగా పనిచేశాడు.[2]
ఆంటోని రాజు | |||
![]() | |||
ఎమ్మెల్యే | |||
అధికారంలో ఉన్న వ్యక్తి | |||
అధికార ప్రారంభం 20 మే 2021 | |||
ముందు | వీఎస్ శివకుమార్ | ||
---|---|---|---|
నియోజకవర్గం | తిరువనంతపురం | ||
రోడ్డు రవాణా, మోటారు వాహనాలు, జల రవాణా మంత్రి | |||
పదవీ కాలం 2 మే 2021 – 24 డిసెంబరు 2023 | |||
ముందు | ఎకె శశీంద్రన్ | ||
నియోజకవర్గం | తిరువనంతపురం | ||
ఎమ్మెల్యే | |||
పదవీ కాలం మే 20, 1996 – మే 10, 2001 | |||
ముందు | ఎం.ఎం. హసన్ | ||
తరువాత | ఎం.వీ. రాఘవన్ | ||
నియోజకవర్గం | తిరువనంతపురం | ||
వ్యక్తిగత వివరాలు | |||
జననం | త్రివేండ్రం | 1954 డిసెంబరు 18||
రాజకీయ పార్టీ | జనాధిపత్య కేరళ కాంగ్రెస్[1] | ||
నివాసం | నాంథెన్కోడ్, తిరువనంతపురం , కేరళ | ||
వెబ్సైటు | www.antonyraju.in |
జననం, విద్యాభాస్యం
ఆంటోని రాజు 1954లో ఎస్ అల్ఫోన్స్, టి లూర్దమ్మ దంపతులకు జన్మించాడు. ఆయన తుంబలోని సెయింట్ జేవియర్స్ కాలేజ్, మార్ ఇవానియోస్ కాలేజీలో కేరళ కాంగ్రెస్ విద్యార్థి విభాగం అయిన కేరళ స్టూడెంట్స్ కాంగ్రెస్ (KSC) యూనిట్ ప్రెసిడెంట్గా పనిచేశాడు. ఆంటోని రాజు తిరువనంతపురంలోని కేరళ లా అకాడమీ లా కాలేజీ నుండి న్యాయశాస్త్రంలో పట్టా పొంది 1982లో న్యాయవాదిగా నమోదు చేసుకున్నాడు.
వివాహం
ఆంటోని రాజు గ్రేసీని వివాహం చేసుకున్నాడు. వారికి ఇద్దరు పిల్లలు, డాక్టర్ రోష్ని, రోహన్ ఉన్నారు.[3]
రాజకీయ జీవితం
ఆంటోని రాజు కేరళ కాంగ్రెస్ పార్టీలో వివిధ హోదాల్లో పనిచేసి 1991లో తిరువనంతపురం వెస్ట్ నియోజకవర్గం నుండి పోటీ చేసి కాంగ్రెస్ అభ్యర్థి ఎంఎం హసన్పై చేతిలో ఓడిపోయాడు. ఆయన 1996లో కాంగ్రెస్ అభ్యర్థి ఎంఎం హసన్ను ఓడించి తొలిసారి ఎమ్మెల్యేగా అసెంబ్లీకి ఎన్నికై 2001లో కమ్యూనిస్ట్ మార్క్సిస్ట్ పార్టీ అభ్యర్థి ఎంవీ రాఘవన్ చేతిలో ఓడిపోయాడు. ఆంటోని రాజు న్యాయవాద వృత్తిపై వచ్చిన వివాదాల కారణంగా 2006, 2011 రెండు అసెంబ్లీ ఎన్నికల్లో పోటీ చేయలేదు. ఆయన 2016లో పోటీ చేసి జానాధిపత్య కేరళ కాంగ్రెస్ అభ్యర్థి రాజు విఎస్ శివకుమార్ చేతిలో ఓడిపోయి తిరిగి 2021లో జరిగిన శాసనసభ ఎన్నికల్లో పోటీ చేసి ఎమ్మెల్యేగా ఎన్నికై 2021 మే 2[4][5] నుండి 2023 డిసెంబరు 24 రాష్ట్ర రవాణా శాఖ మంత్రిగా పనిచేశాడు.[6][7]