ఎం. తంబిదురై

మునిసామి తంబిదురై 1965లో 18 సంవత్సరాల వయస్సులో డీఎంకేలో చేరి యువజన కార్యకర్త, విద్యార్థి కార్యకర్తగా తన రాజకీయ జీవితాన్ని ప్రారంభించాడు. ఆయన డీఎంకేలో చేరినప్పుడు మద్రాసు క్రిస్టియన్ కాలేజీలో మొదటి సంవత్సరం విద్యార్థి. తంబిదురై 1965లో హిందీ వ్యతిరేక ఆందోళనలో చురుకుగా పాల్గొని అరెస్టయ్యాడు. 1972లో డీఎంకే పార్టీ నుండి విడిపోయినప్పుడు ఎం.జి.ఆర్ తో కలిసి అన్నాడీఎంకే పార్టీ మొదటి తరం వ్యవస్థాపక సభ్యులలో ఒకడిగా ఉన్నాడు.

మునిసామి తంబిదురై ఆయన ఆరుసార్లు లోక్‌సభ సభ్యుడిగా, రెండుసార్లు ఎమ్మెల్యేగా గెలిచి, మార్చి 1998 నుండి ఏప్రిల్ 1999 వరకు కేంద్ర న్యాయ, న్యాయ, కంపెనీ వ్యవహారాల  మంత్రిగా, 1985 నుండి 1989 వరకు తిరిగి 2014 నుండి 2019 వరకు రెండుసార్లు లోక్‌సభ డిప్యూటీ స్పీకర్‌గా, 2001 నుంచి 2006 వరకు మంత్రివర్గంలో ఉన్నత విద్యాశాఖ మంత్రిగా పని చేశాడు.