తిలోత్తమ షోమ్
తిలోత్తమ షోమ్ (ఆంగ్లం: Tillotama Shome; జననం 1979 జూన్ 25) భారతీయ నటి. అనేక చలనచిత్ర నిర్మాణాలలో ఆమె కృషికి ప్రసిద్ధి చెందింది. 2021లో, 66వ ఫిల్మ్ఫేర్ అవార్డ్స్లో సర్ (2018) చిత్రంలో ఇంటి పనిమనిషి పాత్రను ప్రశంసనీయంగా పోషించినందుకు ఆమె ఉత్తమ నటిగా (క్రిటిక్స్) ఫిల్మ్ఫేర్ అవార్డును గెలుచుకుంది.
తిలోత్తమ షోమ్ | |
---|---|
జననం | [1] కోల్కతా, పశ్చిమ బెంగాల్, భారతదేశం | 1979 జూన్ 25
వృత్తి | నటి |
జీవిత భాగస్వామి | కునాల్ రాస్ (m. 2015) |
2019లో విడుదలైన రాహ్గిర్ - ది వేఫేరర్స్ చిత్రానికి గానూ ఆమెను యూకె ఏషియన్ ఫిల్మ్ ఫెస్టివల్లో ఉత్తమ నటి అవార్డు వరించింది.[3]
ప్రారంభ జీవితం
ఆమె కోల్కతాలో అనుపమ్, బైసాకి షోమ్ దంపతులకు జన్మించింది.[4] ఆమె తండ్రి భారత వైమానిక దళంలో ఉద్యోగి కావడంతో వారి కుటుంబం భారతదేశం అంతటా బదిలీలపై తిరిగింది.[5]
ఢిల్లీలోని లేడీ శ్రీ రామ్ కాలేజీలో అరవింద్ గౌర్ అస్మిత థియేటర్ గ్రూప్లో చేరింది.[6] ఆమె 2004లో న్యూయార్క్ విశ్వవిద్యాలయంలో ఎడ్యుకేషనల్ థియేటర్లో మాస్టర్స్ ప్రోగ్రాం కోసం న్యూయార్క్కు వెళ్లింది. 2008 మేలో భారతదేశానికి ఆమె తిరిగి వచ్చింది.[7]
ఆమె మీరా నాయర్ చలన చిత్రం మాన్సూన్ వెడ్డింగ్ (2001)లో ఆలిస్గా తన సినీ రంగ ప్రవేశం చేసింది.[8] ఇది ఆంగ్లంలో తన మొదటి సినిమా. కాగా, ఆమె హిందీ, ఇంగ్లీష్ చలనచిత్రాలతో పాటు బెంగాళీ, నేపాలీ, పంజాబీ, మరాఠీ, జర్మన్ భాషల్లో పలు చిత్రాలు, వెబ్ సీరీస్ లలోనూ నటించింది.
వ్యక్తిగత జీవితం
తిలోత్తమ షోమ్ 2015లో జయ బచ్చన్ మేనల్లుడు కునాల్ రాస్ను వివాహం చేసుకుంది.