తిలోత్తమ షోమ్

ఆమె కోల్‌కతాలో అనుపమ్, బైసాకి షోమ్‌ దంపతులకు జన్మించింది.^[4] ఆమె తండ్రి భారత వైమానిక దళంలో ఉద్యోగి కావడంతో వారి కుటుంబం భారతదేశం అంతటా బదిలీలపై తిరిగింది.^[5]

ఢిల్లీలోని లేడీ శ్రీ రామ్ కాలేజీలో అరవింద్ గౌర్ అస్మిత థియేటర్ గ్రూప్‌లో చేరింది.^[6] ఆమె 2004లో న్యూయార్క్ విశ్వవిద్యాలయంలో ఎడ్యుకేషనల్ థియేటర్‌లో మాస్టర్స్ ప్రోగ్రాం కోసం న్యూయార్క్‌కు వెళ్లింది. 2008 మేలో భారతదేశానికి ఆమె తిరిగి వచ్చింది.^[7]

ఆమె మీరా నాయర్ చలన చిత్రం మాన్‌సూన్ వెడ్డింగ్‌ (2001)లో ఆలిస్‌గా తన సినీ రంగ ప్రవేశం చేసింది.^[8] ఇది ఆంగ్లంలో తన మొదటి సినిమా. కాగా, ఆమె హిందీ, ఇంగ్లీష్ చలనచిత్రాలతో పాటు బెంగాళీ, నేపాలీ, పంజాబీ, మరాఠీ, జర్మన్ భాషల్లో పలు చిత్రాలు, వెబ్ సీరీస్ లలోనూ నటించింది.

తిలోత్తమ షోమ్ 2015లో జయ బచ్చన్ మేనల్లుడు కునాల్ రాస్‌ను వివాహం చేసుకుంది.