దీన్-ఎ-ఇలాహీ

దీన్ ఎ ఇలాహీ (ఆంగ్లం: Dīn-i Ilāhī) (పర్షియన్ భాష :دین الهی) "Divine Faith")^[1],^[2] మొఘల్ చక్రవరి అయిన అక్బర్ స్థాపించి ప్రారంభించిన మతము. దీని యందు ఇస్లాం, హిందూమతం, క్రైస్తవం, జైన మతము, జొరాస్ట్రియన్ మతము యొక్క సారాంశాలు కానవస్తాయి. ^[2]అక్బర్ ఈ మతము స్థాపించుటకు చెప్పుకున్న కారణాలలో 'పరమత సహనం' ఒకటి. ఫతేపూర్ సిక్రీ యందు ఇబాదత్ ఖానా (పూజాగ్రహం) నిర్మించాడు. ఇందు అన్ని మతములకు చెందిన పండితులకు ఆహ్వానించి మతము, తత్వముపై ప్రసంగాలను ఏర్పాటు చేశాడు. కానీ అక్బర్ కృషి ఫలించలేదు. ఈ మతమందు 19 మంది మాత్రమే ప్రవేశించగలిగారు.^[3] అక్బర్, బీర్బల్ మాత్రమే ఈ మతమందు తమ జీవితం ఆఖరు వరకు ఉండగలిగారు. అన్ని మతాలకు చెందిన వారునూ, ఈ మతానికి తిరస్కరించారు. ముల్లాలైతే దీనిని ఇస్లాం మతాను సారం కుఫ్ర్ అన్నారు. రాజా మాన్‌సింగ్ కు ఈ మతంలో రావలసిందిగా స్వాగతిస్తే, తిరస్కరించి, హిందూమతం, ఇస్లాంలను మాత్రమే మతములుగా గుర్తించాడు.