ఆంధ్రప్రదేశ్ రెవెన్యూ డివిజన్ల జాబితా
ఆంధ్రప్రదేశ్ లో 76 రెవెన్యూ డివిజన్లు ఉన్నాయి. వీటికి రెవెన్యూ డివిజనల్ ఆఫీసర్ (ఆర్డీఓ) అధిపతిగా ఉంటాడు. రెవెన్యూ డివిజన్లు కేంద్రాలను ఉప జిల్లాలు అనికూడా అంటారు.
![](http://upload.wikimedia.org/wikipedia/commons/thumb/8/83/Andhra_Pradesh_districts_-_Telugu.svg/220px-Andhra_Pradesh_districts_-_Telugu.svg.png)
చరిత్ర
ఆంధ్రప్రదేశ్ జిల్లాల పునర్వ్యవస్థీకరణ - 2022కు ముందు 2021 డిసెంబరు 22న ఏర్పడిన బద్వేల్ రెవెన్యూ డివిజనుతో కలిపి రాష్ట్రంలో 51 రెవెన్యూ డివిజన్లు ఉన్నాయి. తొలి పునర్వ్యవస్థీకరణలో కొత్తగా 22 రెవెన్యూ డివిజన్లు ఏర్పాడ్డాయి.[1] ఆ తరువాత కొత్తగా ఏర్పడిన కోనసీమ జిల్లాలో 7 మండలాలతో 2022 జూన్ 29 న కొత్తపేట కేంద్రంగా కొత్తపేట రెవెన్యూ డివిజను, వైఎస్ఆర్ జిల్లాలో 8 మండలాలతో పులివందుల కేంద్రంగా పులివెందుల రెవెన్యూ డివిజను, కొత్తగా ఏర్పడిన బాపట్ల జిల్లాలో 9 మండలాలతో 2022 ఆగస్టు 5న రేపల్లె కేంద్రంగా రేపల్లె రెవెన్యూ డివిజను ఏర్పడ్డాయి.
అయితే తూర్పు గోదావరి జిల్లా లోని ఎటపాక రెవెన్యూ డివిజనులో ఉన్న నాలుగు మండలాలు, డివిజను కేంద్రం ఎటపాకను, పునర్వ్యవస్థీకరణలో కొత్తగా ఏర్పడిన అల్లూరి సీతారామరాజు జిల్లాలో భాగంగా చేర్చి, ఎటపాక రెవెన్యూ డివిజనులో ఉన్న మండలాలు కొత్తగా ఏర్పడిన రంపచోడవరం రెవెన్యూ డివిజనులో కలిసాయి.దాని పర్యవసానంగా ఎటపాక రెవెన్యూ డివిజను రద్దై, చారిత్రాత్మక రెవెన్యూ డివిజనుగా మిగిలింది. ఆ తరువాత 2022 అక్టోబరు 25 న రంపచోడవరం రెవెన్యూ డివిజనులోని నాలుగు మండలాలతో (ఈ మండలాలు ఆంధ్రప్రదేశ్ జిల్లాల పునర్వ్యవస్థీకరణ - 2022 కు ముందు ఎటపాక రెవెన్యూ డివిజనులో ఉన్నాయి) చింతూరు రెవెన్యూ డివిజను ఏర్పడింది.[2]
రెవెన్యూ విభాగాల జాబితా
ఆంధ్రప్రదేశ్ రాష్ట్రంలో ప్రస్తుతం ఉన్న 76 రెవెన్యూ డివిజన్ల పట్టిక[3][4]