సిర్సా జిల్లా

జిల్లా కేంద్రం సిర్సా పేరే జిల్లాకూ పెట్టారు. సిర్సా అనే పేరుకు మూలం సంస్కృత పదం " సైరిషక ". మహాభారతం కావ్యంలోని ఎనిమిదవ అధ్యాయంలో దివ్యవాదన విభాగంలో ఈ పేరు ప్రస్తావించబడింది. మహాభారతంలో నకులుని పశ్చిమదేశ జైత్రయాత్రలో సైరిషిక ప్రాంతం వర్ణించబడింది.క్రీ.పూ 5 వ శతాబ్దంలో ఈ ప్రాంతం సుసంపన్నంగా ఉండేదని భావిస్తున్నారు. పాణిని రచనలలో కూడా ఈ ప్రాంత ప్రస్తావన ఉంది.

ఈ ప్రాంతం పేరును గురించి వైవిధ్యమైన ప్రస్తావనలు ఉన్నాయి. ఈ ప్రాంతం పురాతన నామం సైరిషిక నుండి కాలక్రమంలో రూపాంతరం చెంది సిర్సా అయింది. ప్రాంతీయ కథనాలు ఈ ప్రాంతంలో 7వ శతాబ్దంలో సరస్ అనే రాజు నిర్మించాడని భావిస్తున్నారు. ఆయన ఇక్కడ ఒక కోటను నిర్మించాడని భావిస్తున్నారు. అందుకు చొహ్నంగా నగరానికి ఆగ్నేయంలో 5చ.కి.మీ వైశాల్యంలో ఇప్పటికీ కోట అవశేషాలు లభిస్తున్నాయి. ఈ నగరానికి సమీపంలో ప్రవహిస్తున్న సరస్వతి నది కారణంగా కూడా దీనికీ పేరు వచ్చిందని భావిస్తున్నారు. మద్యయుగంలో ఈ ప్రాంతాన్ని సరస్తుతి అని పిలిచే వారు. ఇక్కడ విస్తారంగా ఉన్న దిరిశన చెట్ల కారణంగా కూడా ఈ ప్రాంతానికి సిర్సా అన్న పేరు వచ్చిందని భావిస్తున్నారు. దీనిని పాణిని ఆయన శిష్యుని రచనలు బలపరుస్తున్నాయి. పురాతన కాలంలో సిర్సా సిరసపట్టణం అని పిలువబడేది. మరికొందరు ఇక్కడ ఉన్న ప్రఖ్యాతమైన " సరసైనాథ్ " ఆలయం కారణంగా కూడా ఈ ప్రాంతానికీ పేరు వచ్చిందని భావిస్తున్నారు.

1819లో ఈ ప్రాంతాన్ని బ్రిటిష్ ప్రభుత్వం ఆక్రమించి వాయువ్య ఢిల్లీ లోని భాగంగా చేసింది. 1820లో వాయువ్యఢిల్లీ నుండి ఉత్తర, పశ్చిమ డిల్లీ జిల్లాలు ఏర్పాటు చేయబడినప్పుడు ఈ ప్రాంతం పశ్చిమ ఢిల్లీలో భాగంగా మారింది. తరువాయ ఈ ప్రాంతం హర్యానా రాష్ట్ర జిల్లాగా మార్చబడింది. 1837లో హర్యానా నుండి వేరుచేయబడి కొత్తగా ఏర్పాటు చేయబడిన బట్టియానా జిల్లాలో భాగంగా మారింది. 1858లో బట్టియానా జిల్లా పంజాబు ప్రొవింస్‌కు బదిలీ చేయబడి తిరిగి సిర్సా జిల్లాగా మార్చబడింది. 1884లో సిర్సా జిల్లా నుండి సిర్సా, దబ్వాలి తాలూకాలు వేరుచేయబడి సిర్సా తాలూకా చేయబడి దానిని హిస్సార్లో భాగంగా చేసారు. 1968లో సిర్సా, దబ్వాలి రెండు తాలూకాలుగా చేయబడ్డాయి. 1975 నవంబర్ 1 న ప్రస్తుత సిర్సా జిల్లా రూపొందించబడింది.

2006 గణాంకాలను అనుసరించి పచాయితీ రాజ్ మంత్రిత్వశాఖ భారతదేశ జిల్లాలు (640) లో వెనుకబడిన 250 జిల్లాలలో సిర్సా జిల్లా ఒకటి అని గుర్తించింది.^[1] బ్యాక్‌వర్డ్ రీజన్ గ్రాంటు ఫండు నుండి నిధులను అందుకుంటున్న హర్యానా రాష్ట్ర 2 జిల్లాలలో ఈ జిల్లా ఒకటి.^[1]

విభాగాల వివరణ

భాషలు

రాజస్థానీ ప్రాంతీయ భాష అయిన బగ్రి భాషను జిల్లాలో దాదాపు 2 100 000 మంది మాట్లాడుతుంటారు.^[5][6] అంతేకాక హిందీ, పంజాబీ, సరైకి, ఉర్ధూ భాషలు కూడా వాడుకలో ఉన్నాయి.

కింది సిర్సా జిల్లా గ్రామాల జాబితా:

• District- Sirsa district official website^{[permanent dead link]}