عہد نامہ قدیم
عہدنامہ قدیم ایک مسیحی اصطلاح ہے جو کتاب مقدس کے ایک بڑے حصہ کے لیے استعمال کی جاتی ہے، اس میں یہود کی تمام کتابیں بشمول تورات (شروع کی پانچ کتابیں) شامل ہیں۔ عہدنامہ قدیم تنک کے نام سے مشہور ہے۔ اس کے تین اجزاء ہیں: تورات (قانون)، نبییم (انبیا) اور کتُبیم (کتب)۔
کاتھولک اور راسخ الاعتقاد کلیسیاؤں کے مطابق عہدنامہ قدیم 46 کتابوں پر مشتمل ہے، جنہیں اسفار بھی کہا جاتا ہے۔ جبکہ پروٹسٹنٹ اور یہود کے نزدیک اس مجموعہ میں محض 39 کتابیں ہیں، یہود نے اس مجموعہ میں صرف ان کتابوں کو شامل کیا ہے جو عبرانی زبان میں مدون ہوئے تھے، اس کے علاوہ یونانی زبان میں ترتیب پانے والی دیگر کتابیں ان کے نزدیک مذہبی وقانونی استناد کا درجہ نہیں رکھتیں۔
تعداد کتب
عہد نامہ قدیم میں کتب کی تعداد مختلف یہودی و مسیحی فرقوں میں الگ الگ ہے۔
مشرقی راسخ الاعتقاد کی فہرست مسلمہ کی کچھ کتابیں لاطینی ولگاتا کے ضمیمہ میں بھی ملتی ہیں، جو رومن کاتھولک کلیسیا کی سابقہ باضابطہ بائبل تھی۔.
ولگاتا بائبل کے ضمیمہ میں کتب | |
| ولگاتا میں نام | مشرقی راسخُ الا عتقاد کلیسیا |
|---|---|
| 3 ایسدرس | 1 ایسدرس |
| 4 ایسدرس | |
| منسی کی دعا | منسی کی دعا |
| Psalm of David when he slew Goliath (زبور 151) | زبور 151 |