نیلسن منڈیلا

نیلسن روہیلا منڈیلا، (پیدائش: 18 جولائی 1918ء ترانسکی، جنوبی افریقا) جنوبی افریقا کے سابق اور پہلے جمہوری منتخب صدر ہیں جو 99-1994 تک منتخب رہے۔ صدر منتخب ہونے سے پہلے تک نیلسن منڈیلا جنوبی افریقا میں نسلی امتیاز کے کٹر مخالف اور افریقی نیشنل کانگریس کی فوجی ٹکڑی کے سربراہ بھی رہے۔ جنوبی افریقہ میں سیاہ فاموں سے برتے جانے والے نسلی امتیاز کے خلاف انھوں نے تحریک میں بھرپور حصہ لیا اور جنوبی افریقہ کی عدالتوں نے ان کو مختلف جرائم جیسے توڑ پھوڑ، سول نافرمانی، نقض امن اور دوسرے جرائم کی پاداش میں قید با مشقت کی سزا سنائی۔ نیلسن منڈیلا اسی تحریک کے دوران میں لگائے جانے والے الزامات کی پاداش میں تقریباً 27 سال پابند سلاسل رہے، انھیں جزیرہ رابن پر قید رکھا گیا۔ 11 فروری 1990ء کو جب وہ رہا ہوئے تو انھوں نے پر تشدد تحریک کو خیر باد کہہ کہ مذاکرات کا راستہ اپنانے کا فیصلہ کیا جس کی بنیاد پر جنوبی افریقہ میں نسلی امتیاز کو سمجھنے اور اس سے چھٹکارا حاصل کرنے میں مدد حاصل ہوئی۔
نسلی امتیاز کے خلاف تحریک کے خاتمے کے بعد نیلسن منڈیلا کی تمام دنیا میں پزیرائی ہوئی جس میں ان کے مخالفین بھی شامل تھے۔ جنوبی افریقہ میں نیلسن منڈیلا کو “ماڈیبا“ کے نام سے بھی جانا جاتا ہے جو منڈیلا خاندان کے لیے اعزازی خطاب ہے۔

نیلسن منڈیلا
(خوسیہ میں: Nelson Rolihlahla Mandela)
مناصب
صدر جنوبی افریقا (10  )
برسر عہدہ 10 مئی 1994  – 14 جون 1999
ایف ڈبلیو دی کلرک   تھابو مبیکی
ناوابستہ ممالک کی تحریک کا جنرل سیکریٹری (19  )
برسر عہدہ 2 ستمبر 1998  – 1999
تھابو مبیکی
معلومات شخصیت
پیدائشی نام	(خوسیہ میں: Rolihllahla Mandela)
پیدائش	18 جولا‎ئی 1918ء [1][2][3][4][5][6][7]  ایمویزو [1][8][9][10]
وفات	5 دسمبر 2013ء (95 سال)[11][3][12][5][6][7][13]  ہینگٹن ایسٹیٹ
وجہ وفات	تنفسی مسائل
مدفن	قونو [14]
مقام نظر بندی	جزیرہ روبن (1962–1982) پولسمور جیل (اپریل 1982–1988)
رہائش	ہینگٹن ایسٹیٹ
شہریت	جنوبی افریقا
جماعت	افریقی قومی کانگریس (1943–) ساؤتھ افریقن کیمونسٹ پارٹی (1950ء کی دہائی–1960ء کی دہائی)
رکن	امریکی اکادمی برائے سائنس و فنون
زوجہ	ایولن ماس (5 اکتوبر 1944–19 مارچ 1957)[15] ونی منڈیلا (14 جون 1958–19 مارچ 1996)[16] گراسا ماچل (18 جولا‎ئی 1998–5 دسمبر 2013)[17]
اولاد	زینانی منڈیلا-ڈلامنی [15]،  زندزی منڈیلا [15]
والد	گاڈلا ہینری [1]
والدہ	نوسکینی فینی [18]
عملی زندگی
مادر علمی	وٹواٹرسرانڈ یونیورسٹی جامعہ جنوبی افریقا جامعہ لندن
تعلیمی اسناد	بی اے
پیشہ	سیاست دان ،  آپ بیتی نگار ،  وکیل ،  سیاسی کارکن ،  سیاسی قیدی ،  منظر نویس [19]
مادری زبان	خوسائی
پیشہ ورانہ زبان	انگریزی [3][20]،  خوسائی
کارہائے نمایاں	آزادی کا طویل سفر
اعزازات
جیوسیپے موتا میڈل (2006) گاندھی امن انعام   (2000)  صدارتی تمغا آزادی   (1999)  آرڈر آف دی نیل (1997)  آرڈر آف ایلی فینٹ (1996)  آرڈر آف میرٹ (1995)  گولڈ اولمپک آرڈر (1994)[21] نوبل امن انعام   (1993)[22][15][23][24] پرنسسز آف ایسٹوریس ایوارڈ برائے بین الاقوامی تعاون (1992)  آرڈر آف جوز مارٹی (1991)[25]  آرڈر آف لینن   (1990) لینن امن انعام   (1990) سخاروف انعام   (1988) شعبۂ انسانی حقوق کا اقوام متحدہ انعام (1988) جواہر لعل نہرو ایوارڈ (1979)[26]  بھارت رتن    آرڈر آف فرینڈشپ کانگریشنل گولڈ میڈل  فلاڈلفیا لبرٹی میڈل برونو كرايسكی اعزاز کینیڈا کی اعزازی شہریت  آرڈر آف اگسٹو سیزر سنڈینو  آرڈر آف آگسٹنہو نیٹو  نشان پاکستان    آرڈر آف جمیکا [27]
دستخط
ویب سائٹ
ویب سائٹ	باضابطہ ویب سائٹ
	IMDB پر صفحات
درستی - ترمیم

آج نیلسن منڈیلا جنوبی افریقہ اور تمام دنیا میں ایک تحریک کا نام ہے جو اپنے طور پر بہتری کی آواز اٹھانے میں مشہور ہے۔ نیلسن منڈیلا کو ان کی چار دہائیوں پر مشتمل تحریک و خدمات کی بنیاد پر 250 سے زائد انعامات سے نوازا گیا جن میں سب سے قابل ذکر 1993ء کا نوبل انعام برائے امن ہے۔ نومبر 2009ء میں اقوام متحدہ کی جنرل اسمبلی نے 18 جولائی (نیلسن منڈیلا کا تاریخ پیدائش) کو نیلسن منڈیلا کی دنیا میں امن و آزادی کے پرچار کے صلے میں “یوم منڈیلا“ کے طور پر منانے کا اعلان کیا۔