نوبل انعام وصول کنندگان کی فہرست

ہر انعام کو ایک الگ کمیٹی دیتی ہے؛ رائل سویڈش اکیڈمی طبیعیات، کیمیا اور معاشیات کے انعامات دینے کی پابند ہے جبکہ کیرولنسکا انسٹی ٹیوٹ طب و فعلیات کے انعام تقسیم کرتی ہے اسی طرح نارویجن نوبل کمیٹی امن انعام کا فیصلہ کرتی ہے۔^[3]ہر انعام یافتہ ایک طلائی میڈل، ایک عدد ڈپلوما اور کچھ رقم وصول کرتا ہے جس کی مقدار ہر سال انعام یافتگان کی تعداد کے لحاظ سے مختلف ہوا کرتی ہے۔^[2] 1901ء میں سب سے پہلے نوبل انعامات جیتنے والوں کو 150،782 سویڈش کرونا دئے گئے، جو 2007ء میں 7,731,004 سویڈش رقم کے مساوی تھے۔ 2008ء میں انعام یافتگان کو دی جانے والی رقم 10,000,000سویڈش کرونا تھی(یہ رقم پاکستانی دس کروڑ اور بھارتی پانچ کروڑ کے لگ بھگ ہے،بمطابق 2015)۔۔^[4]یہ انعامات 10 دسمبر کو اسٹاک ہوم میں الفرڈ نوبل کی برسی کے دن دئے جاتے ہیں۔^[5]

جس سال کسی سبب سے نامزدگیاں نا ہوسکیں تو اس کی رقم اس کے ہمراہی انعام کو دی جاتی ہیں۔^[6] نوبل انعام 1940 تا 1942 تک دوسری جنگ عظیم کے باعث نا دی سکیں۔^[7]

1901ء سے 2017 تک نوبل انعام اور نوبل میموریل انعام برائے معاشیات 585 دفعہ 923 افراد اور تنظیموں کو دی گئی ہیں۔ چونکہ بعض افراد اور تنظیموں نے یہ انعام ایک سے زائد مرتبہ وصول کیے ہیں لہذا اصل تعداد گھٹ کر 892 افراد (844 مرد اور 48 خواتین) اور 24 تنظیم ہیں۔ چھ نوبل انعام یافتہ شخصیات ایسی ہیں جنھیں ان کے ملک کی حکومت نے یہ انعام وصول کرنے سے روکا۔ہٹلر نے چار جرمن شخصیات کو اس انعام کو وصول کرنے سے روکا یہ لوگ رچرڈ کوہن (کیمیا 1938ء) اڈلف بیوٹنندٹ (کیمیا 1939ء) ، گرہارڈ ڈومگٹ (طب و فعلیات 1939ء) اور کارل فان اوسیتسکی (امن 1935ء)تھے اسی طرح سوویت اتحاد نے بریس پاسترناک (ادب 1958ء) اور چینی حکومت نے لیو شیاوبو (امن 2010) پر یہ انعام نا لینے کے حوالے سے دباؤ ڈالا۔ لیو شیاوبو، کارل فان اوسیتسکی اور آنگ سان سو چی انعام کے وقت قید میں تھیں۔ دو نوبل انعام یافتگان ژاں پال سارتر (ادب 1964ء) اور لی ڈک تھو (امن 1973ء) نے یہ انعام حاصل کرنے سے انکار کیا؛اول الذکر صاحب کسی بھی اعزاز لینے کے قائل ناتھے اور انھوں نے تمام سرکاری اعزازات کا بھی بائکاٹ کر رکھا تھا اور موخر الذکر صاحب کا تعلق ویتنام سے تھا اور اس وقت وہاں کے حالات کے باعث انھوں نے اسے نا لیا۔

چھ انعام یافتگان نے ایک سے زائد انعامات حاصل کیے ہیں؛ان میں سے ریڈ کراس کمیٹی نے نوبل امن انعام تین دفعہ حاصل کیے جو اب تک کی سب سے بڑی تعداد ہے^[8]۔ اقوام متحدہ کے ادارے یو این ایچ سی آر کو یہی انعام دو دفعہ دیا گیا۔ اسی طرح امریکی طبیعیات دان جان باردین کو نوبل انعام برائے طبیعیات دو دفعہ ملا،جبکہ ان کے ہم وطن کیمیا دان فریڈرک سنگر کو نوبل انعام برائے کیمیا دو دفعہ دیا گیا۔ اس کے علاوہ دو انعام یافتگان کو دو مختلف شعبوں میں نوبل انعام ملے میری کیوری جنھیں یہ انعام طبیعیات اور کیمیا کے شعبے میں دیا گیا اور لینس پالنگ کو یہ انعام امن اور کیمیا کے شعبے میں ملا۔ 844 نوبل انعام یافتگان میں 48 خواتین شخصیات ہیں سب سے پہلی خاتون انعام یافتہ شخصیت میری کیوری تھیں انھوں نے یہ انعام 1903ء میں وصول کیا ^[9] نیز وہ پہلی شخصیت تھیں(مرد اور عورت دونوں میں) جنھوں نے یہ انعام دو بار جیتا انھوں نے دوسرا انعام شعبہِ کیمیا میں سنہ 1991ء میں جیتا۔^[8] پاکستان کی سماجی کارکن ملالہ یوسفزئی دنیا کی سب سے کم عمر ترین نوبل انعام یافتہ شخصیت ہیں جنھوں نے نوبل امن انعام محض 17 سال کی عمر میں 2014ء میں وصول کیا۔^[10][11]

• ¹ 1938 اور 1949 میں جرمنی نے اپنے تین نامزد شہریوں کو نوبل انعام وصول کرنے سے روکا.یہ تین افراد رچرڈ کوہن, کیمیا 1938; اڈلف بیوٹنندٹ, کیمیاءin 1939; اورگرہارڈ ڈومگٹ, طب و فعلیات 1939. انھیں بعد میں نوبل ڈپلوما اور ایوارڈ دیا گیا لیکن وہ رقم سے محروم رہے^[8]
• ² 1948 کا نوبل امن انعام نہیں دیا گیا۔ نوبل فاؤنڈیشن کے ویب گاہ کے مطابق یہ انعام موہن داس گاندھی, کو دیا جانا تھا لیکن اس سے قبل ان کا قتل ہو گیا لہذا اس اعزاز کو ان کے احترام میں نا دیا گیا.^[13]
• ³ ،روسی پیدائشی بریس پاسترناک, کو 1958 میں روسی حکومت نے ادب کا انعام لینے سے روکا^[8]
• ⁴ In 1964, ژاں پال سارتر نے ادب کا نوبل انعام ینے دے انکار کیا وہ کسی بھی قسم کے انعام لینے کے قائل نا تھے^[8]
• ⁴ In 1973, [[لی ڈک تھو| نے یہ انعام لینے سے انکار کیا کیونکہ وہ خود کو اس حقدار نہیں سمجھتے تھے کیونکہ انھوں نے ویتنام جنگ میں سیز فائر کروانے کے لیے کردار ادا کیا لیکن ان کے نزدیک یہ معاہدہ کامیاب نا ہوا تھا۔.^[7][8]
• ⁵ , لیو شیاوبو 2011 میں یہ انعام نا لے سکے کیونکہ انھیں چینی حکام نے 11 سال کے لیے قید کی سزا سنائی تھی۔^[14]

• نوبل انعام
• نوبل انعام حاصل کرنے والوں کی فہرست

عمومی

خاص

• رائل سویدش اکیڈمی آف سائنسز کی دفتری ویب گاہ
• نوبل فاؤنڈیشن کی دفتری ویب گاہ
• انعام یافتگان سے متعلق ڈوانلوڈ کے قابل معلومات^{[مردہ ربط]}