ژینگ ہی

ژینگ ہی (1371ء -1433ء) جن کا اصل نام حاجی محمود شمس الدین تھا، ایک چینی مسلمان سیاح، سفیر اور بحری سالار تھے۔ انھوں نے 1405ء اور 1433ء کے درمیان جنوب مشرقی ایشیا، جنوبی ایشیا اور مشرقی افریقہ کو بھیجی جانے والی کئی بحری مہمات کی قیادت کی۔ انھیں عربی اور چینی دونوں زبانوں پر عبور تھا۔

ژینگ ہی
(چینی میں: 鄭和)
ژینگ ہی کا مجسمہ
معلومات شخصیت
پیدائشی نام	(چینی میں: 鄭和)
پیدائش	1371[1] کنینگ، یوننان، چین[1]
وفات	1433ء (عمر 61–62) یا 1435ء (عمر 63–64) نانجنگ
شہریت	منگ خاندان
دیگر نام	Ma He Sanbao
نسل	ہوئی قوم [2]
مذہب	اسلام
عملی زندگی
پیشہ	ملاح، سفارت کار، سیاح اور محل کا خواجہ سرا
پیشہ ورانہ زبان	چینی زبان [3][4]
ملازمت	شہنشاہ یونگلو ،  شہنشاہ ہونگشی
کارہائے نمایاں	منگ خزانہ اسفار
عسکری خدمات
کمانڈر	منگ خزانہ اسفار
درستی - ترمیم

ان کے جد امجد سید اجل شمس الدین ایرانی النسل تھے جو منگول دورِ حکومت میں چین کے صوبہ یوننان کے گورنر بنائے گئے۔ یوننان ہی میں ژینگ ہی کی پیدائش ہوئی۔

1405ء اور 1433ء کے درمیان چین کی مِنگ حکومت نے سات بحری مہمات بحر ہند کے مختلف ساحلوں کی طرف بھیجیں۔ ژینگ ہی کو ان مہمات اور ان پر جانے فوجی دستوں کا سالار بنایا گیا۔ ان میں سے صرف پہلی مہم میں 317 جہاز اور 28000 فوجی اور دیگر کارکن شامل تھے۔ ژینگ ہی ان مہمات میں عرب، برونائی، مشرقی افریقہ، ہندوستان، جزائر ملایا اور تھائی لینڈ گئے۔ ژینگ نے مقامی حکمرانوں کو سونے، چاندی، چینی برتنوں اور ریشم کے تحائف پیش کیے جبکہ مختلف مقامی بادشاہوں نے انھیں شتر مرغ، زیبرے، اونٹ، ہاتھی دانت اور زرافے تحفے میں دیے۔