烴

烴係化學造字，字形係碳嘅火字同氫嘅巠字組成。而讀法係碳字聲母加上氫字韻母，所以讀「聽」。之過因為有邊讀邊嘅習慣，亦俗讀「景」。

咁個字代表所有碳氫化合物。

烴係所有有機化合物之母，所有有機化合物，都不過係由其他原子或基團，替咗部份烴嘅碳或者氫原子。

烴可以分為脂鏈烴、脂環烴同埋芳烴。

脂鏈烴

係脂肪烴嘅一類，即係分子入面冇一個環，得一條碳鏈，可以開叉又可以係直直嘅一條碳鏈。脂鏈烴分為飽和烴同不飽和烴。飽和烴下有烷烴，而不飽和烴下有烯烴同炔烴。

例子有甲烷、乙烷（飽和烴）；乙烯、乙炔（不飽和烴）。

脂環烴

係脂肪烴嘅一類，即係分子入面係一個環，好似環己烷咁樣。

芳烴

芳烴，又叫芳香烴，當一個烴分子入面包含芳香環（苯環等等）嘅時候，就屬於芳香烴啦。例子有甲苯等。