Soechoi Su-57
Die Soechoi Su-57 (Russies: Сухой Су-57; onbevestigde NAVO verslagdoening naam: Felon)[8] is 'n verskuilbare, enkelsitplek, tweelingenjin multirol vyfde-generasie gevegvliegtuig wat sedert 2002 ontwikkel word vir Russiese lugsuperioriteit en aanvalsoperasies.[9] Die vliegtuig is die produk van die PAK FA, 'n vyfde generasie vegvliegtuigprogram van die Russiese Lugmag. Soechoi se interne naam vir die vliegtuig is T-50. Die Su-57 is beplan om die eerste vliegtuig in Russiese militêre diens te wees wat sluiptegnologie gebruik. Sy nooiensvlug is op 29 Januarie 2010 onderneem en die eerste produksievliegtuie is in 2020 afgelewer.[10]
| Su-57 Felon | |
|---|---|
 | |
| 'n Soechoi Su-57 in vlug by die MAKS-2011-lugskou | |
| Tipe | Lugsuperioriteit, multirol-sluipvegter |
| Vervaardiger | Сухой (Soechoi) / OAK (Komsomolsk-on-Amur Aircraft Production Association) |
| Ontwerp deur | Alexander Davidenko[1] |
| Nooiensvlug | 29 Januarie 2010[2] |
| Vrygestel | 25 Desember 2020[3] |
| Status | Onder ontwikkeling |
| Hoofgebruikers | Russiese Lugmag Russiese Vloot[4] |
| Vervaardig | 2009–hede |
| Aantal gebou | 11 (10 toets en 1 serie)[5] teen 2019. |
| Programkoste | VS$8–10 miljard (2009 beraming.)[6] |
| Eenheidskoste | VS$42 miljoen[7] |
| Weergawes | Sukhoi/HAL FGFA (vir Indië) |
Die vegter is ontwerp om superkruisspoed, supermanuvreurbaarheid, verskuiling en gevorderde avionika te hê om die vorige generasie vegvliegtuie, sowel as grond- en seeverdediging te oorkom.[11][12] Die Su-57 is bestem om die MiG-29 en Su-27 in die Russiese Lugmag te vervang.[13]
Toekomstige operateurs
- Russiese Lugmag – 78 vliegtuie op bestelling.[14][15]
Ongelukke
Op 10 Junie 2014 is die vyfde vlieënde prototipe, vliegtuig T-50-5, erg beskadig deur 'n enjinbrand ná die landing. Die vlieënier het daarin geslaag om ongedeerd te ontsnap. Soechoi het gesê dat die vliegtuig herstel sal word, en dat die brand "nie die tydsberekening van die T-50-toetsprogram sal beïnvloed nie".[16][17]
Op 24 Desember 2019 het die eerste reeks Su-57 120 km van die Dzyomgi-lughawe, Chabarofsk-krai, neergestort tydens die laaste fase van sy fabrieksproewe weens die wanfunksionering van die beheerstelsel. Die vlieënier het uitgeskiet en is met 'n helikopter opgepik. Volgens TASS is die toetsvlug op 'n hoogte van 8000 meter uitgevoer toe die wanfunksionering plaasgevind het, wat veroorsaak het dat die vliegtuig in 'n vinnige spiraal neergedaal het. Toe al die pogings om die vliegtuig in 'n horisontale vlug te stabiliseer met behulp van die handmatige vlugbeheerstelsel misluk het, het die vlieënier op 'n hoogte van 2000 meter uitgeskiet.