Airbus A380
Dr Airbus A380 (Airbus-intärne Brojäktname Megaliner) isch e vierstrahlig Großruumfluugzyyg vum europäische Flugzyyghärsteller Airbus S. A. S. mit zwei durgängige Passagierdeck. Dr Diefdecker isch s grescht zivil Verchehrsfluugzyyg, wu bishär in Seriefertigung produziert woren isch. In dr Konzeptionsphase isch s Fluugzyyg Airbus A3XX gnännt wore. D Ändmontasch vum Fluugzyyg findet im franzesische Toulouse un d Kabinenuusrischtig im dytsche Hamburg-Finkenwerder statt. Dr Erschtflug vu däm Langstreckefluugzyyg isch am 27. April 2005 mit ere Maschine mit dr Wärchsserienummere MSN001 in dr Version A380-841 absolviert wore. Bishär sin 234 Fluugzyyg vu däm Typ bstellt wore.[1] Di erscht Maschine isch am 15. Oktober 2007 z Toulouse an d Fluuggsellschaft Singapore Airlines ibergee wore[2] un het am 25. Oktober 2007 ihre erschte Passaschierfluug ghaa.[3]
| Airbus A380 | ||
|---|---|---|
 | ||
| Typ: | Vierstrahligs Grossruumflugzüüg | |
| Entwurfsland: | ||
| Härsteller: | Airbus | |
| Erstflug: | 27. April 2005 | |
| Indienststellig: | 25. Oktober 2007 | |
| Produkzionsziit: | Syt 2005 i der Serieprotuktion. Ds Produktionsändi isch für 2021 planet | |
| Stuckzahl: | 249 (Stand: 1 Novämber 2020) | |
Bstellige und Usliferige
Luut Airbus sind 215 vo insgesamt 317 bstellte A380 usgliferet worde.[4]
 |
Istellig vom Projekt
Der Airbus A380 isch du aber nid so guet verchouft worde wi erwartet. Underanderem isch das am Airbus A380-800 gläge. Bi däm het me nämlech d Dragflächine z gross konstrueier, damit me de der Airbus A380-900, wo wäsendlech länger wär gsi, z boue. Doch Airbus het die Variante vom A380 nie boue. So het sech der Airbus A380-800 nid ganz so efizänt la ysetze, wi sech das d Fluggsellschafte hei vorstellt gha. Nach däm d Fluggsellschaft Emirats ihri di bstellti Azahl a Flugzüüg redutziert het u Quantas im Undernäme mit teilt het, das si acht Airbus A380 nid wärde übernäh, het Aribus beschlosse der Bou vom A380 im Jahr 2021 yzstelle.[5]
Zwürschefäll
S hett au bereits en Schtörfall mit ere A 380 von der auschtralische Fluggsellschaft Quantas geh, wo viel diskutiert worde isch: Dur en Defekt sind im Flug Trümmerteil fascht uff en Flügeltank prallt. Zuedem het denn bi der Landig nur ein Triebwärch Gägeschub geh, was dezue gfüehrt het, dass d Maschine erscht 150 Meter vom Pischte-Ende zum Stillschtand choo isch.
Literatur
- Andreas Spaeth: Airbus A 380. Der fliegende Gigant aus Europa. Heel, Königswinter 2005, ISBN 978-3-89880-410-3.
- Achim Figgen, Karl Morgenstern, Dietmar Plath: A380. Geschichte, Technik und Erprobung des Mega-Airbus. GeraMond, München 2006, ISBN 3-7654-7030-9.
- Peter-Michael Ziegler, Benjamin Benz: Fliegendes Rechnernetz. IT-Technik an Bord des Airbus A380. In: c’t. Jg. 2005, Nr. 17, ISSN 0724-8679, S. 84.
Weblink
Commons: Airbus A380 – Sammlig vo Multimediadateie- Die A380 uf dr Airbus-Websyte (änglisch)
- Airbus-A380-Produktionsliste uf airfleet.net (änglisch)
- A380 production list (änglisch)
- Bärbel Scheele, Dominic Egizzi: Countdown für die Zulassung uf ZDF: Abenteuer Wissen
- Foto- und Videoreportage von der Erstlandung des A 380 in Wien und Linz am 2. Juni 2010
- Video-Bericht bei messelive.tv über den Airbus A380 auf der ILA 2010 in Berlin
- Wie viele Airbus A380 braucht der Markt