Terroraaschleg am 22. Merz 2016 z Brüssel

D Terroraaschleg am 22. Merz 2016 z Brüssel sin Sprängstoffaaschleg gsii, wu an zwee verschidene Ort in dr belgische Hauptstadtregion Brüssel veriebt wore sin. Zue dr Aaschleg het si d Terrororganisation Islamische Staat bekännt.^[1] In dr frieje Morgestund het s zmindescht zwoo Detonazionen am Brüsseler Flughafe gee un zmindescht ai Detonazion in dr Brüsseler Innestadt im U-Bahnhof Maalbeek/Maelbeek, wu in dr Nechi vu Beherde vu dr Europäische Union lyt.^[2] Bi dr Terroraaschleg isch s zuen ere hoche Zahl vu Dodesopfer un verletzte Persone chuu. No offiziällen Informazione sin 35 Personen um s Läbe chuu^[3], dodrunter vier, wu an ihre Verletzige gstorbe sin, derzue di drei Sälbschtmordatteteter. Iber 300 sin verletzt wore.^[2][4]