Emiratos Árabes Xuníos

Los Emiratos Árabes Xuníos^[12] (n'árabe دولة الإمارات العربية المتحدة‎ 'Dawlat al-ʾImārāt al-ʿArabīyyah al-Muttaḥidah'), tamién denomaos EAX o Los Emiratos, ye un estáu allugáu al sureste de la península arábica nel Golfu Pérsicu, n'Oriente Mediu compuestu por siete emiratos: Abu Dhabi, Ajmán, Dubái, Fujairah, Ras Al-Jaima, Sarja y Umm al-Qaywayn. Llenda con Omán al sureste y con Arabia Saudita al oeste y sur. Esti réxime de monarquía absoluta ye una federación de los siete emiratos nomaos anantes; caún tien un gobernante propiu, y xuntos los siete formen el Conseyu Supremu Federal, dirixíu por ún que tien el títulu de Presidente. La población del estáu (2013) ye de 9,2 millones d'habitantes; d'ellos 1,4 millones son ciudadanos emiratíes, y los otros 7,8 millones son expatriaos.

Emiratos Árabes Xuníos الإمارات العربيّة المتّحدة Al-Imārāt al-‘Arabīya al-Muttaḥida
estáu soberanu
Bandera de los Emiratos Árabes Xuníos escudu de los Emiratos Árabes Xuníos
Himnu nacional	Īschī Bilādī (es)
Alministración
Nome oficial	les Émirats arabes unis (fr) الإمارات العربية المتحدة (ar)
Capital	Abu Dhabi
Forma de gobiernu	monarquía federal Monarquía absoluta Monarquía constitucional
Presidente de los Emiratos Árabes Xuníos	Mohammed bin Zayed Al Nahyan (es) (dende 14 mayu 2022)
Primer Ministru de los Emiratos Árabes Xuníos	Mohamed bin Rashid Al Maktum
Llingües oficiales	árabe inglés
Relixón oficial	islam[1]
División	ver Emiratu de Dubái, Emiratu d'Abu Dhabi, Emiratu de Sarja, Emiratu d'Ajmán, Emiratu de Ras Al-Jaima, Emiratu de Fujairah y Emiratu d'Umm al-Qaywayn
Rellaciones diplomátiques	ver Canadá Alemaña (mayu 1972) Australia Yeme Arabia Saudita Israel Francia Xordania República Popular China Reinu Xuníu Exiptu Afganistán Arxelia Baḥréin Dinamarca Santa Sede Kosovu Kenia Kuwait El Líbanu Malasia Estáu de Palestina Omán Siria Turquía Paquistán Indonesia Filipines Méxicu Taiwán Somalia India Rusia Irán Serbia Bangladex Xeorxa (20 ochobre 1992) Hungría Rumanía (1r agostu 1989) Corea del Norte (17 setiembre 2007)
Miembru de	ver Organización de les Naciones Xuníes (9 avientu 1971) Lliga d'Estaos Árabes (6 avientu 1971) Organización Mundial del Comerciu Organización pa la Cooperación Islámica (1972)[2] Bancu Internacional de Reconstrucción y Fomentu (22 setiembre 1972) Asociación Internacional de Fomentu (23 avientu 1981) Corporación Financiera Internacional (30 setiembre 1977) Organismu Multillateral de Garantía d'Inversiones (20 ochobre 1993) Centru Internacional d'Arreglu de Diferencies Relatives a Inversiones (22 xineru 1982) Bancu Africanu de Desarrollu Bancu Árabe pal Desarrollu Económicu n'África Fondu árabe pal desarrollu económicu y social Fondu Monetariu Árabe Interpol (2 ochobre 1973)[3] Organización pa la Prohibición d'Armes Químiques (28 avientu 2000)[4] Organización Hidrográfica Internacional [5] UNESCO (20 abril 1972)[6] Grupu d'Observaciones de la Tierra Xunión Postal Universal (30 marzu 1973)[7] Xunión Internacional de Telecomunicaciones (27 xunu 1972)[8] Organización de Países Esportadores de Petroleu (marzu 1967) Organización Internacional de Proteición Civil (16 mayu 1999) Organización Meteorolóxica Mundial (17 avientu 1986)[9] Organización Mundial de la Salú [10] Organización Mundial d'Aduanes (7 febreru 1979)[11]
Xeografía
Coordenaes	24°24′N 54°18′E / 24.4°N 54.3°E / 24.4; 54.3
Superficie	83600 km²
Costes	1.318 km
Llenda con	867 km
Puntu más altu	Jebel Jais (es)
Puntu más baxu	Golfu Pérsicu
Demografía
Población	9 890 400 hab. (2020)
Densidá	118,31 hab/km²
Xentiliciu	d’Emiratos Árabes (masculín singular) d’Emiratos Árabes Xuníos (femenín singular)
Esperanza de vida	77,256 años
IDH	0,911 (2021)
Tasa de fertilidá	1,784 (2014)
Economía
Moneda	Dírham de los Emiratos Árabes Xuníos
PIB nominal	415 021 590 688 $ (2021)
Bancu central	Bancu Central de los Emiratos Árabes Xuníos
Más información
Dominiu d'Internet	.ae y .امارات (en)
Códigu telefónicu	+971
Códigu ISO	784 / ARE / AE
Estaya horaria	UTC+04:00 y Asia/Dubai (en)
u.ae

La ocupación humana remóntase, nesta fastera de la península arábiga, al momento de l'aparición de los humanos modernos: hai restos de 125.000 años d'antigüedá nel xacimientu Faya-1 en Mleiha (Sharjah). Consérvense llugares d'enterramientu del Neolíticu, y tamién de la Edá del Bronce; el más antiguu d'ellos, del V Mileniu e.C., ye'l de Jebel Buhais. Tres décades de conflictos marítimos, a primeros del sieglu XIX los emiratos entamaron a ser conocíos como Estaos de la Tregua tres de la firma d'un tratáu perpetuu de paz marítima colos ingleses en 1819. Esti tratáu, ratificáu en 1853 y 1892, convirtió a estos emiratos nún protectoráu británicu. El alcuerdu finó col establecimientu d'una federación independiente d'emiratos el 2 d'avientu de 1971. Seis de los siete emiratos que formen los EAX anguaño formaron la federación inicial, a la que se añadió l'emiratu de Ras al-Jaima el 10 de febreru de 1972.

La llingua oficial del país ye l'árabe, y la relixón oficial l'Islam. Les reserves de petroleu del país son les séptimes mayores del mundu, y les de gas natural les decimoséptimes. Sheikh Zayed, gobernante d'Abu Dhabi y primer presidente de los EAX, dirixó'l desarrollu del país, invirtiendo los beneficios del petroleu n'educación, asistencia sanitaria ya infraestructures. La economía del país ye la más diversificada d'ente les de tolos del Conseyu de Cooperación pa los Estaos Árabes del Golfu, y la so ciudá más populosa, Dubái, ye una importante ciudá global y un nudu perimportante de comunicaciones aérees y de comerciu marítimu. Amás, el país depende muncho menos de los beneficios del petroleu y el gas qu'en décades pasaes, y ta dirixendo la so economía hacia'l turismu y los negocios.

Los Emiratos Árabes Xuníos tienen una presencia internacional creciente, y ye una de les potencies medianes de la rexón. Ye miembru de les Naciones Xuníes, la Lliga Árabe, la Organización pa la Cooperación Islámica, la Organización de Países Esportadores de Petroleu y el Conseyu de Cooperación pa los Estaos Árabes del Golfu.