Kazakstán

Kazakstán^[14] (en kazaquistanín: Қазақстан, Qazaqstan, y en rusu: Казахстан, Kazakstán), oficialmente nomáu República de Kazakstán, ye un país trescontinental: el más del so territoriu pertenez al Asia Central septentrional, mentantu qu'una pequeña parte d'elli ta na Europa Oriental. Ye, colos sos 2.724.900 km², el mayor de tolos países del mundu que nun tienen costa en dengún mar del Océanu Mundial^[15]. Ye la nación cola mayor economía de toles del Asia Central: xenera'l 60% del PNB, principalmente pola bayura de gas natural y petroleu del so territoriu. Amás, el so subsuelu contién bayura de minerales, munchos entá por esplotar.

Kazakstán Қазақстан Республикасы Kazakstan Respubłīkasi Республика Казахстан Respublika Kazakhstan
estáu soberanu
Bandera de Kazakstán escudu de Kazakstán
Himnu nacional	Mi Kazakstán
Alministración
Nome oficial	Қазақстан Республикасы (kk) Республика Казахстан (ru) Казахстан (ru) Қазақстан (kk) قازاقىستان (ug) la République du Kazakhstan (fr)
Capital	Astaná (dende 1997)
Forma de gobiernu	presidencialismu
Presidente de Kazakstán	Kasim-Yomart Tokaev (es) (dende 2019)
Primer Ministru de Kazakstán	Älichan Smajylow (dende 5 xineru 2022)
Llingües oficiales	Idioma kazaquistanín rusu
División	ver Astaná, Almaty, Provincia d'Akmola, provincia de Aktobé (es) , provincia de Almatý (es) , Provincia d'Atirau, provincia de Kazajistán Oriental (es) , provincia de Jambyl (es) , provincia de Karagandá (es) , provincia de Kostanái (es) , provincia de Kyzylorda (es) , provincia de Mangystau (es) , provincia de Kazajistán Septentrional (es) , provincia de Pavlodar (es) , Provincia de Kazakstán Occidental, provincia de Turkestán (es) , Shymkent y Baikonur
Rellaciones diplomátiques	ver Alemaña (11 febreru 1992) Ucraína Arabia Saudita República Popular China Serbia Reinu Xuníu Bielorrusia Xeorxa Canadá Dinamarca Uzbequistán Turquía Xunión Europea Malasia Paquistán Taiwán Méxicu Estaos Xuníos Corea del Sur Rusia Azerbaixán Armenia Grecia India Irán Bangladex Corea del Norte (28 xineru 1992) Hungría
Miembru de	ver Organización de les Naciones Xuníes (2 marzu 1992) Comunidá d'Estaos Independientes Organización de Cooperación de Shanghái (26 abril 1996)[1] Organización de Cooperación Centroasiática (es) Organización pa la Seguridá y la Cooperación n'Europa (30 xineru 1992) Organización pa la Cooperación Islámica (1995)[2] Bancu Internacional de Reconstrucción y Fomentu (23 xunetu 1992) Asociación Internacional de Fomentu (23 xunetu 1992) Corporación Financiera Internacional (30 setiembre 1993) Organismu Multillateral de Garantía d'Inversiones (12 agostu 1993) Centru Internacional d'Arreglu de Diferencies Relatives a Inversiones (21 ochobre 2000) Bancu Asiáticu de Desarrollu (1994) Interpol (4 payares 1992)[3] Grupu d'abastecedores nucleares [4] Organización pa la Prohibición d'Armes Químiques (22 abril 2000)[5] UNESCO (22 mayu 1992)[6] Grupu d'Observaciones de la Tierra Xunión Postal Universal (27 agostu 1992)[7] Xunión Internacional de Telecomunicaciones (23 febreru 1993)[8] Organización Internacional de Proteición Civil (15 marzu 1996) Organización Meteorolóxica Mundial (5 mayu 1993)[9] Organización Mundial de la Salú [10] Organización del Tratáu de la Seguridá Colectiva (1994) Tratado de Libre Comercio de la Comunidad de Estados Independientes (es) (8 avientu 2012) Organización de Estados Turcos (es) (2009) Organización Mundial d'Aduanes (30 xunu 1992)[11]
Xeografía
Coordenaes	48°N 68°E / 48°N 68°E / 48; 68
Superficie	2724900 km²
% agua	1,7%
Llenda con	12.012 km
Puntu más altu	Khan Tengri (es)
Puntu más baxu	Trinchera cásrtica de Karagiye (es)
Demografía
Población	19 002 586 hab. (2021)
Densidá	6,97 hab/km²
Xentiliciu	kazaquistanín[12] kazaquistanina[13]
Esperanza de vida	72,3 años
IDH	0,811 (2021)
Tasa de fertilidá	2,74 (2014)
Economía
Moneda	tenge
PIB nominal	197 112 255 361 $ (2021)
Bancu central	Bancu Nacional de Kazakstán
Más información
Dominiu d'Internet	.kz y .қаз (es)
Códigu telefónicu	+7
Códigu ISO	398 / KAZ / KZ
Estaya horaria	UTC+05:00 y UTC+06:00
gov.kz

Llenda con Rusia, China, Kirguistán, Uzbequistán y Turkmenistán, y inclúi nel so territoriu bona parte de la estensión del mar Caspiu. Na so xeografía, pervariada, altérnense estepes, llanures y cordeleras con desiertos, deltes fluviales y viesques. La so población estimao el 1 de febreru de 2016 yera de 17.693.500 habitantes^[16], que faen d'elli, pela so estensión, ún de los países con menor densidá de población del mundu, con malpenes 6,5 hab/km². La so capital dende 1997 y mayor ciudá ye Nursultano.

El territoriu de Kazakstán estuvo habitáu tradicionalmente por tribus nomadismu|nómades. La situación camudó nel sieglu XIII, cuando Genguis Ḥan ocupolu y convirtiólu en parte del Imperiu mongol. Sicasí, tres de diverses lluches intenstines ente los ocupantes, el poder volvió a les tribus nómades que, pal sieglu XVI, teníen organizáose nún pueblu nuevu, el kazaxu, dividíu en trés jüz que se repartíen el territoriu. Los rusos aportaron al territoriu nel sieglu XVIII. Comenzaron entóncenes el so avance pola estepa kazaxa, de forma que pa mediaos del sieglu XIX Kazakstán yá yera parte del Imperiu rusu. Tres de la Revolución rusa de 1917, y la guerra civil que la siguió, el territoriu foi reorganizáu alministrativamente varies veces, hasta qu'en 1936 convirtióse na República Socialista Soviética Kazaxa, una de les que formaben la Xunión Soviética.

Kazakstán foi una de les caberes repúbliques soviétiques en declarase independiente tres de la disolución de la Xunión Soviética en 1991. El so presidente, Nursultán Nazarbáyev, tien síolo de magar, y ye un gobernante autoritariu con un gran historial de falta de respetu polos derechos humanos y de supresión de la oposición política. Human Rights Watch diz^[17]que'l país "llimita seriamente la llibertá de reunión, espresión y relixón", y otres organizaciones de derechos humanos califiquen habitualmente la situación d'estos nel país como "probe".

Los 131 grupos étnicos del país inclúin a los kazaxos (63% de la población), los rusos, los uzbecos, los ucranios, los alemanes, los tártaros y los uigures, ente más otros. L'Islam ye la relixón del 70% de la población, mentantu que los cristianos son el 26% nesti país nel qu'oficialmente hai llibertá relixosa pero nel que los cabezaleros relixosos que s'oponen al gobiernu son represaliaos. El kazaquistanín ye la llingua oficial, magar que'l rusu tien un estatus oficial equivalente en tolos niveles de l'alministración y pa les rellaciones esteriores del país^[18].