Уолтэр Хаўзер Братэйн
Уолтэр Хаўзер Братэйн (англ.: Walter Houser Brattain; 10 лютага 1902, Амой, Кітай — 13 кастрычніка 1987, Сіэтл) — амерыканскі фізік, лаўрэат Нобелеўскай прэміі па фізіцы (1956) «за даследаванні паўправаднікоў і адкрыццё транзістарнага эфекту» (сумесна з Уільямам Брэдфардам Шоклі і Джонам Бардзінам).
| Уолтэр Хаўзер Братэйн | |
|---|---|
| англ.: Walter Houser Brattain | |
 | |
| Дата нараджэння | 10 лютага 1902[1][2][…] |
| Месца нараджэння |
|
| Дата смерці | 13 кастрычніка 1987[1][2][…] (85 гадоў) |
| Месца смерці | |
| Грамадзянства | |
| Бацька | Ross Brattain[d][3] |
| Жонка | Keren Gilmore Brattain[d] і Emma Jane Miller[d] |
| Род дзейнасці | фізік, вынаходнік |
| Навуковая сфера | фізіка |
| Месца працы | |
| Альма-матар | |
| Навуковы кіраўнік | John Torrence Tate, Sr. |
| Вядомы як | вынайшаў транзістар |
| Член у | |
| Узнагароды | |
 Медыяфайлы на Вікісховішчы | |
Біяграфія
Уолтэр Братэйн нарадзіўся ў сям’і Роса Р. Братэйна і Отыль Хаўзер ў горадзе Амой ў Кітаі. Вырас у штаце Вашынгтон, ЗША. Ступень бакалаўра атрымаў у 1924 г. у Уітменскім каледжы, ступень магістра ў 1926 г. у Арэгонскім універсітэце. Пасля абароны дысертацыі ў 1929 г. ва ўніверсітэце Мінесоты паступае на працу ў лабараторыю Бэла. У 1935 г. Братэйн ажаніўся з Керэн Гілмар. У іх нарадзіўся сын Уільям Гілмар Братэйн. У 1958 г. паўторна ажаніўся з Эмай Мілер. Памёр у Сіэтле у 1987 г.
Навуковая дзейнасць
Братэйн займаўся пераважна ўласцівасцямі паверхняў цвёрдых тэл. Пасля першых сваіх даследаванняў вальфраму, ён заняўся павярхоўнымі эфектамі ў паўправадніках, такіх як крэмній і германій і ўнёс істотны ўклад у іх разуменне. Сумесна з Джонам Бардзіным распрацаваў транзістар на кропкавым pn пераходзе. У 1956 г. удастоены, сумесна з Бардзіным і Уільямам Шоклі, Нобелеўскай прэміі па фізіцы «за даследаванні паўправаднікоў і адкрыццё транзістарнага эфекту».