Milton Friedman

Milton FRIEDMAN (naskiĝis la 31-an de julio, 1912, en Novjorko, Usono, mortis la 16-an de novembro 2006) estis ekonomikisto kaj grava pensisto de la kvanta teorio de mono. Li ricevis la Nobelan Premion^[1] jare 1976 por ekonomika scienco.

Milton Friedman
Nobel-premiito
Persona informo
Milton Friedman
Naskiĝo	31-an de julio 1912 (1912-07-31) en Broklino
Morto	16-an de novembro 2006 (2006-11-16) (94-jaraĝa) en San-Francisko
Mortis pro	naturaj kialoj vd
Mortis per	kora malsufiĉo vd
Tombo	Golfo de San-Francisko vd
Religio	ortodoksa judismo • agnostic vd
Etno	judoj vd
Lingvoj	angla vd
Loĝloko	Rahway • Broklino vd
Ŝtataneco	Usono vd
Alma mater	Rahway High School • Universitato Kolumbio • Universitato Rutgers • Universitato de Ĉikago • Universitato de Kembriĝo vd
Partio	Respublikana Partio vd
Subskribo
Familio
Edz(in)o	Rose Friedman vd
Infanoj	David Friedman • Jan Martel vd
Profesio
Okupo	ekonomikisto • statistikisto • universitata instruisto • eseisto vd
Laborkampo	ekonomiko • makroekonomiko vd
Doktoreca konsilisto	Simon Kuznets vd
Honorigoj Honorigoj Nobel-premio pri ekonomiko • Nacia Medalo de Scienco • Premio Adamo Smith • John Bates Clark Medal • Prezidenta medalo de libereco • Distinguished Fellow of the American Economic Association • Fellow of the Econometric Society • Fellow of the American Statistical Association • honora doktoro de Universitato Harvard • Fellow of the Institute of Mathematical Statistics vd
Membrecoj Membrecoj Usona Nacia Akademio de Sciencoj • Usona Akademio de Artoj kaj Sciencoj • Nacia Akademio de la Linkoj • Societo Mont Pelerin • Amerika Filozofia Societo • Koninklijke Vlaamse Academie van België voor Wetenschappen en Kunsten • Instituto de Matematika Statistiko • Ekonometria societo • Philadelphia Society vd
vd	Fonto: Vikidatumoj
v • d • r

Li studis en Universitato Rutgers de Nov-Ĵerzejo kaj diplomiĝis en la Universitato Columbia de Novjorko.

Li estis ekonomikisto de la vaŝingtona Komisiono de Naciaj Resursoj (inter 1935-1937), poste (1937-1945, 1948-1981) kunlaboranto de La Tutlanda Ekonomia Esplora Instituto. Li instruis statistikon inter 1945 kaj 1948 en la Universitato de Ĉikago, poste iĝis samloke profesoro de la ekonomika katedro ĝis lia pensiiĝo en 1983. Li laboris ankaŭ kiel instruisto de la kalifornia Universitato Stanford (1976) kaj kunlaboranto de la Hoover Institution on War, Revolution and Peace (Instituto Hoover pri milito, revolucio kaj paco), Li estis verkinto por ekonomiaj gazetoj, membro de ekonomiaj societoj, komisionoj, ties gvidanto.

Milton Friedman jam frue rifuzis teorion de John Maynard Keynes, kiu karakterizis la usonan kaj eŭropan ekonomiajn politikojn en la 1930-aj jaroj.

Friedman ĉiam luktis, agadis por la pli libera merkata ekonomio. Li apogis modestan kreskigon de la mon-kvanto en la ekonomio.

En sia libro - verkita kun Anna Jacobson Schwartz - "A Monetary History of the United States, 1867-1960" (Historio de usona valuto), li alvenis al la konkludo, ke la recesiojn ĉiam antaŭis monmanko. Laŭ lia opinio, la ŝtato devas direkti per reguligo de la monkvanto en la moncirkulado (per monetaraj politikaj rimedoj).

Friedman laboris kiel prezidenta konsilisto (de Nixon ĝis Reagan) en Usono kaj eĉ Ĉilio (1973-74, ĉe Pinochet).

En 2003, Milton Friedman efektive konkludis : “La tutmonda medio estas problemo multe tro alte taksata. […] Ni poluadas ekde kiam ni spiras. Oni ne fermos la fabrikojn sub la preteksto voli elimini ĉiujn ellasojn de karbonoksido en la atmosferon. Tiel oni povus tuj pendumi sin !”.[1]