Aberdeen FC
Aberdeen Football Club Eskoziako futbol talde bat da, Aberdeen hirikoa. 1903an sortu zen eta Eskoziako lehen mailan jokatzen du. Eskoziako 4 Liga eta 7 Kopa eskuratzeaz gain Europako Errekopa eta Superkopa irabazi zituen 1983an.
| Sorrera | 1903 | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Futbol zelaia | Pittodrie Stadium edukiera: 22.199 lagun inaugurazioa: 1899 (1993an berriztua) | ||||||||||||||||||||||||||||||||
| Presidentea |  Dave Cormack | ||||||||||||||||||||||||||||||||
| Entrenatzailea | Barry Robson | ||||||||||||||||||||||||||||||||
| Liga | Eskoziako lehen maila | ||||||||||||||||||||||||||||||||
| 2022-23 | 3.a | ||||||||||||||||||||||||||||||||
| Webgunea | Webgune ofiziala | ||||||||||||||||||||||||||||||||
| |||||||||||||||||||||||||||||||||
Palmaresari dagokionez Glasgowko Celtic FC eta Rangers FC handien ondoren talde eskoziarrik onena da.
Historia
1903an sortu zen Aberdeen FC eta bi garai on izan ditu. Bata 50. hamarkadan Liga eta Ligako Kopa bana irabazi zuelarik eta bigarrena 80. hamarkadan. Bertan hiru liga 5 Kopa eta Ligako Kopa bat irabazi zituen. Europan ohiko taldea bihurtu zen eta 1983 denboraldian Errekopa irabazi zuen finalean Real Madrid 2-1 garaituz eta ondoren Superkopa Hamburger SV Europako Kopako txapeldunaren aurka. Alemanian 0-0 berdindu zuten eta ondoren Aberdeenen 2-0 emaitzarekin eskuratu zuen Kopa.
1985ean irabazi zuen azkenengo Liga eta ordutik aurrera Celtic eta Rangersek ezik beste inork ez du Liga berririk irabazi. Azken titulua 1996ko Eskoziako Ligako Kopa izan zuen.
2010. hamarkadan maila bikaina lortu du baina Celtic FC-ren atzetik ibiltzea tokatu zaio. 2015 eta 2018 artean bigarren egin du Ligan eta 2017ko Kopako finala ere jokatu du, titulurik lortu ez duen arren.
Irabazitako txapelketak
Eskozian: 17
- Eskoziako Liga (4): 1955, 1980, 1984, 1985.
- Eskoziako Kopa (7): 1947, 1970, 1982, 1983, 1984, 1986, 1990.
- Eskoziako Ligako Kopa (6): 1956, 1977, 1986, 1990, 1996, 2014.
Nazio artean: 2
Europako Errekopa
- Txapelduna (1): 1983.
Europako Superkopa
- Txapelduna (1): 1983.
Euskal taldeen aurkako partidak
Aberdeenek kanporaketa bakarra jokatu du euskal taldeen aurka:
| Denboraldia | Txapelketa | Fasea | Etxekoa | Emaitza | Kanpokoa |
|---|---|---|---|---|---|
| 2014-15 | UEFA Europa League | 3. kanporaketa | Real Sociedad Aberdeen | 2-0 2-3 | Aberdeen Real Sociedad |
Kanpo estekak
- (Ingelesez) Webgune ofiziala
Datuak: Q187326
Multimedia: Aberdeen F.C. / Q187326
