Alba Redondo

Redondo bere hiriko klubaren, Albacete Fundazioaren, gazte-taldean aurrera egin zuen. 2014. urtean, 17 urteko Redondok bi gol markatu zizkion UD Granadilla Tenerife Sud taldeari 2-0 irabazita eta Lehen Mailarako igoera ziurtatuta.

2019ko ekainean, Redondo Levantera Union Deportivara joan zen, eta bi urteko kontratua sinatu zuen urtebeteko aukerarekin.^[5] 2019ko azaroan bi gol markatu zituen EdF Logroñoren aurka, baina konorterik gabe geratu zen partidaren amaieran. Arauzko denbora beterik zegoenean, erorketa ikaragarri baten ondoren, jokalaria posizio txarrean eta buruz behera erori zen. Une hartan, Javi Torres Orriols Levante klubeko fisioterapeuta Albari laguntzera joan zen eta kanporatua izan zen. Azkenik, Redondo bere onera etorri eta jokalekutik oinez atera ahal izan zen.^[6] Hurrengo hilabetean, Levanteren zaleek estimatu zuten Redondo, hiriko derbiko garaipenaren gol bakarra markatu zuenean.^[7]

Selekzioa

Albacete Fundazioa Klub txiki samar rean jokatu arren, goleatzaile trebea bihurtu zen eta Espainiako futbol-selekzioan atentzioa eman zuen.^[8] Senior selekzioarekin, eta Algarve 2019 Koparako ere deitu zuten.^[9] 2018-2019 denboraldian desengainua hartu zuen Redondok, Ligako 15 golek ez zutenean eragotzi Albacete Fundazioa sailkapenaren amaieran eta ondoren jaistea. Jorge Vilda hautatzaile nazionalaren 23 jokalariren zerrendatik kanpo gelditu zen FIFA 2019ko Emakumezkoen Munduko Kopan jokatzeko.^[10] 2023ko unduko Txapelketarako, ostera, zerrendan egon zen.^[4]

2023ko Emakumezkoen Munduko Futbol Txapelketan Espainiako selekzioaren partaide izan zen Australian eta Zeelanda Berrian. Espainiako emakume futbolariek bere historian lehen aldiz Munduko Txapeldunak izatea lortu zuten finalean Ingalaterrari irabazita. Jokalari hauexek izan ziren munduko txapeldunak: finalean jokatu zuten Cata Coll, Ona Batlle, Irene Paredes, Laia Codina (73. min, Ivana Andrés), Olga Carmona; Teresa Abelleira, Aitana Bonmati; Jenni Hermoso, Alba Redondo (60. min, Oihane Hernandez), Mariona Caldentey (90. min, Alexia Putellas) eta Salma Paralluelo; baita Rocío Gálvez, María Pérez Rabaza, Esther González, Athenea del Castillo, Eva Navarro, Enith Salón, Irene Guerrero, Misa Rodriguez eta Claudia Zornoza ere.^[11][4][3]

Redondo harremanetan dago Cristina Monleónekin, Valentziako Unibertsitateko irakasle eta prestatzaile fisikoarekin.^[12]

Nazioarteko golak

Alba Redondo – golak Espainairekin
#	Data	Lekua	Aurkaria	Score	Emaitza	Maila
1.	2019ko urtarrilaren 17a	Estadio Cartagonova, Cartagena, Espainia	Belgika	1–0	1–1	Lagunartekoa
2.	2019ko maatzaren 17a	Estadio Pedro Escartín, Guadalajara, Espainia	Kamerun	2–0	4–0
3.	2020ko irailaren 19a	Zimbru Stadium, Chișinău, Moldova	Moldavia	0–6	0–9	UEFA Women's Euro 2022 Lehiaketa
4.	2021eko urriaren 26a	Kolos Stadium, Kovalivka, Ukraina	Ukraina	0–6	0–6	2023 FIFA Emakumezkoen Munduko Lehiaketa
5.	2021eko azaroaren 25a	Estadio de la Cartuja, Sevilla, Espainia	Faroeak	3–0	12–0
6.	2022ko irailaren 6a	La Ciudad del Fútbol, Las Rozas de Madrid, Espainia	Ukraina	2–0	5–0
7.				3–0
8.	2022ko azaroaren 11	Estadio Municipal Álvarez Claro, Melilla, Espainia	Argentina	1–0	7–0	Lagunartekoa
9.	2022ko azaroaren 15a	Estadio de la Cartuja, Seville, Espainia	Japonia	1–0	1–0
10.	2023ko otsailaren 19a	CommBank Stadium, Sydney, Australia	Australia	2–3	2–3	2023 Nazioarteko Kopa
11	2023ko apirilaren 11	Estadi Municipal de Can Misses, Ibiza, Espainia	Txina	1–0	3–0	Lagunartekoa
12	2023ko uztailaren 26a	Eden Park, Auckland, Zeelanda Berria	Zambia	3–0	5–0	2023 FIFA Emakumezkoen Munduko Kopa
13.				5–0
14.	2023ko abuztuaren 5a		Suitza	2–1	5–1

• 2022-2023 denboraldiko Pichichi saria irabazi zuen Futbol Ligako golegile nagusia izateagatik.^[13]

• Alba Redondo Euskal Telebista