2023ko Emakumezkoen Munduko Futbol TxapelketaNazioarteko Futbol Federazioak lau urtean behin antolatzen duen Emakumezkoen Munduko Futbol Txapelketaren bederatzigarren edizioa da. Txapelketa Australian eta Zeelanda Berrian jokatzen ari da uztailaren 20a eta abuztuaren 20a bitartean. Edizio honetan nazioarteko 32 selekzio arituko dira lehian eta horrenbestez, ordura arte inoiz baino talde gehiagoren parteidetza izan duen munduko kopa da.[1] Gainera, herrialde bat baino gehiagoren artean egin den lehen edizioa ere bada.
Hasierako partida, Zeelanda Berriaren eta Norvegiaren arteko norgehiagoka, 2023kouztailaren 20an jokatu zen AucklandekoEden Park estadioan eta etxeko taldeak lortu zuen garaipena bat eta hutseko emaitzarekin. Txapelketari amaiera ematen dion finalari dagokionez, Sydneyko Stadium Australia 2023koabuztuaren 20an jokatuko da. Txapelketaren irabazleak talde fasea, final zortzirena, final laurdena, finalerdia eta finala gainditu beharko ditu. Ameriketako Estatu Batuetako selekzioak titulua defendatu beharko du aurreko bi edizioetako (2015 eta 2019) munduko txapeldun gisa.