Ane Sarasua
Ane Sarasua Aranberri (Eibar, 1971ko apirilaren 12a) ekonomialaria eta kudeatzailea da. Udako Euskal Unibertsitateko idazkari nagusia da 2000. urteaz geroztik.[1][2]
| Ane Sarasua | |||
|---|---|---|---|
 | |||
2000 - | |||
| Bizitza | |||
| Jaiotza | Eibar, 1971ko apirilaren 12a (53 urte) | ||
| Herrialdea |  Gipuzkoa, Euskal Herria | ||
| Hezkuntza | |||
| Heziketa | Deustuko Unibertsitatea | ||
| Hizkuntzak | euskara gaztelania | ||
| Jarduerak | |||
| Jarduerak | ekonomialaria eta koordinatzailea | ||
| Enplegatzailea(k) | Udako Euskal Unibertsitatea | ||
| Kidetza | Udako Euskal Unibertsitatea | ||
Deustuko Unibertsitatean zuzenbide ekonomikoa ikasi zuen.
UEUko idazkari nagusia
1997an hasi zen Udako Euskal Unibertsitateko bulegoan lanean, hasieran kontulari moduan bakarrik finantza-arduratan. Lehen urteak, kontularitzan pasa ondoren, 2000. urtean erakundeko idazkari nagusia izatea proposatu zioten orduko zuzendari eta idazkari nagusi ziren Xabier Isasik eta Mari Karmen Menikak, UEUren proiektuaren bideragarritasunaz arduratzeko.[3][4] Krisi larria pairatzen zuen UEUk urte hartan, 25. urteurrena ospatu eta gero ekonomikoki oso txarto zebilela. Iruñeko udako ikastaroak izan ziren UEUren funtzionamenduaren bizkarrezurra ordura arte, baina formula hori nahikoa agortuta zegoen, garai hartan lortuta baitzegoen hainbat gradutan ikasleek ikasturte osoan euskaraz ikastea. Egoera horretan bi asteko udako ikastaro "klasiko" estrak ez ziren oso erakargarriak ikasle haientzat, gaindituta geratu ziren ikastaro mota haiek. Baina krisi hartatik eredu berria sortu zen, jardueran moldaketa ugari sortu ziren eta Sarasua izan zen aldaketa horretako finantzak eta lan talde berriaren osaketa gidatu zituena.
2000tik 2004ra bitarteko lau urteetan UEUk kontratatu zituen gerago urteetan lantaldea osatuko zutenak: komunikazio arduraduna, Informatikaria, pedagogoa, testu-zuzentzailea, pedagogoa... Urte horietan UEUk egoitza berria zabaldu zuen Bilbon, Eibarren eta Baionan. Udako ikastaroak erruz zabaldu ziren udazkenera eta udaberrira. Euskarazko lehen graduondokoak eta masterrak ireki ziren 2001ean. Profesional euskaldunen lehenengo bilkurak antolatu ziren.[5]
Harrezkero, kudeaketa, finantzak eta giza baliabideen gidaritza uztartu ditu Sarasuak bere eguneroko kudeatzaile-lanean. Urtez urte UEUren eskaintza akademikoa ugaritu egin da, bai antolatutako ikastaro kopuruari dagokionez, bai jorratutako gai eta ildoei dagokionez.[6][7][8][9]
Lukuru-asmorik gabekoa elkartea den, eta onura publikoa aitortuta duen elkarte baten kudeatzailea izateak erronka berezia izan da Sarasuaren ibilbide profesionalean, beti saiatu baita finantza-iturriak orekatzen: erdia instituzioetatik lortuta, eta beste erdia emandako zerbitzuetatik sortuta. Idazkari Nagusiari egokitzen zaio, gainera, lantaldearen eta zuzendaritzaren arteko zubi-lanak egitea ere, zuzendariaren konfiantzazko kargua da-eta.
Erreferentziak
Ikus, gainera
Kanpo estekak
- Ane Sarasua Artizarra sare-sozialean
- Ane Sarasua Aranberri, Euskaldunon Egunkariaren hemerotekako 46 albistetan.
- Ane Sarasua Aranberri Linked-in sare-sozial profesionalean
- «Ane Sarasua: “Euskarazko tesi guztiak, gune bakar batean, eta klik bakarrean eskura izatea da helburua” :: berriak :: Udako Euskal Unibertsitatea» www.ueu.eus (2019-12-12)
- «Sarasua Aranberri, Ane - Ahotsak.eus» ahotsak.eus .
- Ane Sarasua #NikUEU . UEU-Youtube, 2018-05-03, TBX-n ere bai
- SolastUEU Euskarazko unibertsitatea 20220223 Alegria, Iñaki; Erriondo, Lore; Isasi, Xabier; Sarasua, Ane. (Youtube UEU, 2022-02-23).
- ANE SARASUA ARANBERRI (UEUko Idazkari Nagusia), Elkarrizketa. (Eta kitto, Youtube, 2022-03-03)
- Euskal Unibertsitatearen katedrala eskaileraz eskailera eraikitze" Maider Iantzi, Gaur8. 2022-06-18
- UEU: 50 urte. Karlos Santamariaren euskal unibertsitatearen bidean Miel Elustondo. Argia (2022-07-17)
Datuak: Q73262421
Multimedia: Ane Sarasua / Q73262421
